Mikil vonbrigði

Það eru mikil vonbrigði að tapa þremur stigum á heimavelli fyrir framan meira en tvö þúsund áhorfendur í fyrsta leik Íslandsmótsins.

Skiptir ekki máli hverjir andstæðingarnir voru.

Við gerum þá kröfu til leikmanna að þeir haldi haus heilan leik.

Fá ef nokkur félög hafa jafn góða aðstöðu og umgjörð og KR fyrir liðið sitt. Krafan er því að menn haldi út leikinn á enda.

Haukar jöfnuðu metin í Vesturbænum

Athugasemdir

[Gísli Sigurðsson, 11.5.2010 kl. 22:37]

Þið töpuðuð  reyndar bara 2 stigum í kvöld, en það var næstum því jafngaman og ef þið hefðuð haft það af að tapa 3. Alltaf jafngaman að sjá stóru draumana um 8-0 sigur fara niður um klósettið, held að það vanti smá auðmýkt og lítillæti í Vesturbæinn, en nei það er ekki til þar veit allt um það.

[Axel Jóhann Hallgrímsson, 12.5.2010 kl. 10:24]

Ég hélt að þetta væri bara leikur. Er þetta svo alvarlegt að skipa þurfi rannsóknarnefnd og sérstakan saksóknara í málið?

[Heimir Lárusson Fjeldsted, 12.5.2010 kl. 10:59]

Gísli hafir þú vænst 8-0 sigri, verð ég að samhryggjast þér.

Axel, við vinnum málið innanfrá;)

[Gísli Sigurðsson, 13.5.2010 kl. 11:20]

Þegar ég tala um 8-0 er ég að benda á umræður meðal áhangenda KR á spjallsvæði þeirra þar sem krafan var 6 til 8 marka sigur á þessu handónýta liði Hauka. Sjálfur er ég stuðningsmaður Keflavíkur og einhvernveginn er það manni í blóð borið að gleðjast yfir óförum KR, og þannig er því víða farið, þó ekki sé það nú fallegt að vera þannig þenkjandi.

[Heimir Lárusson Fjeldsted, 13.5.2010 kl. 11:44]

Gísli, drifkraftur KR-inga er óbeit allra annarra á félaginu okkar. Lífið yrði öllum öðrum félögum lítt bærilegt ef okkar nyti ekki við. Ykkur Keflvíkingum á eftir að ganga vel í sumar, þökk sé Willum Þór KR-ingi;)