Ekki virðing fyrir lögum

Mikið virðist skorta á þekkingu Heiðveigar á lögum Sjómannafélags Íslands og lögum félaga almennt. Annars neyðist maður til að halda að virðing hennar fyrir lögum sé almennt svona bágborin.

Heiðveig þekkir ekki innviði félagsins og skiptingu greina innan þess. Hún hefur að líkindum bara verið á togara og það í eldhúsinu. Heiðveig gæti auðveldað mönnum að meta listann hennar ef hún kynnti starfsferilskrá sína svo menn sjá hversu víðtæk þekking hennar er. Mér finnst hún gjaldfella sig að fara í baðstrandafrí á ögurstundu, þegar listarnir eru teknir fyrir og þrír valinkunnir menn fara yfir þá.

Baðstrandalífið, glaumurinn og gleðin eru greinilega tekin fram yfir vinnuna sem framboði fylgir.

Ætlar ekki að skila nýjum meðmælalista