Langflestir vagnstjórar starfi sínu vaxnir.

Því miður skortir vagnstjóra verklagslýsingar til að bregðast við aðstæðum sem lýst er í fréttinni.

Það er alltaf nöturlegt þegar gripið er til ofbeldisaðgerða þegar annað þrýtur.

Reynir Jónsson framkvæmdastjóri Strætó er allur af vilja gerður til að koma á verklýsingum og reglum fyrir vagnstjóra að fara eftir, en því miður mætir hann algerri andstöðu starfsmanna sem er bökkuð upp af Starfsmannafélagi SVR. 

Vagnstjóri sneri niður farþega

Svæfingalæknar með leiðindi?

 

Ekki veit ég hvað tefur, en ég hef komið því rækilega á framfæri við læknana að ég er tilbúinn í aðgerðina. Reyndar heyrði ég að svæfingalæknir teldi ýmislegt í heilsufari mínu geta tafið eða komið í veg fyrir aðgerðina, en ég held líka að þeir (þ.e. svæfingalæknarnir) séu  alltaf með með einhvern fyrirslátt.

Mín reynsla af svæfingalæknum er sú að ég held mér bara ekki vakandi í návist þeirra. 

 

 

Sitt er hvað kyngleði og kynprýði.

Kynprúður og kynglöð komu saman
svo kankvísleg þau litu út í framan.
Ef hún lá upp í loft
kynprúð þráði þá oft
þeim fannst það svo sjúklega gaman.

Flugvél lent vegna káfs

Grafargrín.

Fjórar af fimm mest lesnu fréttunum núna eru um dauðann. Þessvegna tel ég skyldu mína að birta hér háalvarlegar og grínugar vangaveltur mínar um endalokin með þessari frétt:

Í svartasta skammdeginu hef ég verið að velta fyrir mér eigin grafskrift ef svo ólíklega vill til að afgangur verði þegar líkklæðin hafa verið greidd.
Héru eru nokkrar hugdettur:
 
 1. Reyndi en gat ekki.
 2. Grafalvarlegt atarna.
 3. Nú er það alvara.
 4. Brosir gegnum sex fetin.
 5. Takk fyrir komuna.
 6. Það er ekki tilviljun að fetin eru sex.
 7. Brostu bara. Minn tími mun koma.
 8. Nú hlakkar í þér.
 9. Mér krossbrá að sjá þig.
10. Hatur þitt náði út fyrir gröf og dauða.
11. Heiftin dró þig hingað.

Vinsamlegast sendið mér tillögur ykkar og ég mun greiða götu ykkar fyrir handan ef tillagan kemst á topp þrjá.
 

Lést á skurðarborðinu

Maðkur í mysunni.

Úr Morgunblaðinu:

Laugardaginn 12. júní, 1999 - Innlendar fréttir
Ríkislögreglustjóri rannsakar meintar falsanir á ökuprófgögnum
Ökukennari og starfsmenn Umferðarráðs liggja undir grun
Ríkislögreglustjóri rannsakar meintar falsanir á ökuprófgögnum

Ökukennari og starfsmenn Umferðarráðs liggja undir grun

ÖKUKENNARI, sem úrskurðaður var í gæsluvarðhald á föstudaginn í síðustu viku, að beiðni ríkislögreglustjóra í þágu rannsóknar á meintum fölsunum á ökuprófgögnum, var látinn laus á fimmtudagskvöld. Hefur maðurinn játað að hafa falsað staðfestingu ökuprófdómara á ökuleyfisumsóknum ökunemenda þess efnis að þeir hefðu staðist próf um aukin ökuréttindi eða meirapróf og bifhjólaréttindi.

Virðist margt benda til þess að brotin hafi verið framin í auðgunarskyni, að sögn Helga Magnúsar Gunnarssonar, löglærðs fulltrúa hjá ríkislögreglustjóra. Að hans sögn eru hin meintu tilvik á annan tug talsins og áttu sér stað á síðasta ári og á fyrri hluta þessa árs.

"Á þessu stigi málsins höfum við ekkert sem bendir til þess að tilvikin séu fleiri," sagði Helgi Magnús í samtali við Morgunblaðið. "Náð hefur verið utan um drjúgan hluta þessara tilfella, þannig að mjög fáir ökunemendur eru nú akandi um með fölsk réttindi vegna þessarar starfsemi. Það verður gengið í það á vegum Umferðarráðs og ríkislögreglustjóra að taka réttindi þeirra úr umferð."

Naut aðstoðar starfsmanns Umferðarráðs

Við rannsókn málsins hefur komið í ljós að maðurinn naut í einhverjum tilvikum aðstoðar starfsmanns ökunámsdeildar hjá Umferðarráði, sem tengdist síðan enn öðrum starfsmanni Umferðarráðs vegna svipaðrar starfsemi. Hefur þeim báðum verið gert að mæta ekki til vinnu á meðan rannsókn málsins stendur yfir.

Að sögn Óla H. Þórðarsonar, framkvæmdastjóra Umferðarráðs, mun ákvörðun um hvort þeim verði vikið frá störfum liggja fyrir að lokinni rannsókn ríkislögreglustjóra.

"Við lítum þetta mál mjög alvarlegum augum og ég er mjög sár og hryggur yfir því að þetta skyldi koma fyrir, en er að vona að umfangið sé ekki mikið," sagði Óli H. Þórðarson. "Það er hins vegar ljóst að eitt tilvik af þessu tagi er of mikið."

Hann sagði að hjá Umferðarráði hefði þegar verið gripið til aðgerða vegna málsins og lúta þær m.a. að því að koma í veg fyrir að slíkt geti endurtekið sig.

"Aðgerðirnar felast m.a. í því að öll meðferð gagna Umferðarráðs hefur verið hert til mikilla muna. Reglan hefur verið sú að ökukennarar hafa sjálfir afhent gögn til lögreglustjóra til útgáfu ökuskírteina. Það hefur verið gert til að auðvelda hinum almenna borgara samskipti við hið opinbera, sem er stefna okkar. Þessu verðum við hins vegar að breyta, þannig að eftirleiðis fara allar sendingar af þessu tagi formlega á milli Umferðarráðs og viðkomandi lögreglustjóraembættis. Síðan skoðum við ofan í kjölinn öll þau mál sem um ræðir," sagði Óli H. Þórðarson.

Gömul frétt, en sígild?

Enn sannast hið fornkveðna......

......að betri er krókur en kelda.

Stysta leiðin ekki ávallt sú besta

Fokdýr vanlíðan í fallegum umbúðum.

Gott hjá leikkonunni Lindsay Lohan að halda meðferðinni áfram. Það tekur meira en nokkrar vikur að losna undan áhrifunum hvort heldur er líkamlega eða andlega. Endurteknar viðræður við samsjúklinga opna líka smátt og smátt augun og önnur skilningavit fyrir hættunni og fánýtinu sem felst í vímunni. Sælutilfinningin tekur skamman tíma af vímunni, en eftirköstin mörgum sinni meiri tíma.
Þegar ég sé núna áfengi eða umbúðir þess, sé ég fyrir mér þynnky og aðra vanlíðan.
Þessi vanlíðan er bara í mismunandi fallegum umbúðum, en alltaf fokdýr.
Síðan ég hætti fyrir meira en níu árum hef ég ekki iðrast þess eitt einasta augnablik.

Lindsay Lohan áfram í meðferð

Soldið fyndinn ;-)

"Síðasta vetur, þegar hráslagalegt hafði verið um hríð, ákváðu hjón ein að flýja vetur konung í viku og pöntuðu sér ferð suður í höf. Þannig atvikaðist að konan þurfti að fljúga degi síðar en ætlað var en eiginmaðurinn flaug á undan..
Þegar kallinn er kominn á hótelið rífur hann upp ferðatölvuna og skrifar strax bréf til konu sinnar. Ekki vildi betur til en svo að hann misritaði einn staf í adressunni og lenti bréfið hjá ekkju einni sem nýbúinn var að jarðsetja sinn heittelskaða. Ekkjan sem rétt var búin að jafna sig eftir athöfnina, var í þann mund að líta eftir samúðarkveðjum
þegar bréfið barst......

Þegar sonur ekkjunnar kom heim lá hún í yfirliði fyrir framan tölvuna og þetta stóð ritað á skjáinn:
Til: Konu minnar sem eftir var

Frá: Manninum þínum sem fór á undan
Efni: Er kominn á áfangastað
Elskan,

Er kominn heill á húfi. Er búinn að kynna mér allar aðstæður og gera allt klárt fyrir komu þína á morgun. Óska þér góðrar ferðar og bíð þín með óþreyju. Ástarkveðjur,

Þinn eiginmaður.

P.S. Fjandi heitt hérna niður frá..."

Varð að láta hann flakka.

Stífur undir Hafnarfjalli.

Kvenfólkið flykkist upp undir Hafnarfjalla þessa stundina til að upplifa ástandið.
Vonandi verður engin þeirra ólétt..............

Stífur vindur undir Hafnarfjalli

Bráðræði Gísla Marteins Baldurssonar.

Ég vinn hjá Strætó bs. einu mest spennandi fyrirtæki landsins um þessar mundir.
Eftir tíu daga lítur enn eitt leiðakerfið dagsins ljós.
Tíðnin breytist og hugsanlega sitthvað fleira og viðskiptavinir okkar hafa áhyggjur. Þeir eru reyndar að hætta að reyna að spyrja okkur vagnstjórana um hvað framundan sé, því við ;vitum aldrei neitt.
Þeir spyrja um þýðingu nýrra staura sem settir eru upp við biðskýlin og jafnvel við hliðina á öðrum staurum sem staðið hafa misjafnlega lengi og við vitum ekki hvaða tilgangi þeir eiga að þjóna.
Viðskiptavinirnir spyrja um væntanleg heiti á biðstöðvum og við vitum ekki neitt.
Unga fólkið utan af landi og erlendir ferðamenn og spyrja hvar Hlemmur, Lækjartorg og Mjódd sé og það vitum við, en þá dettur þeim í hug að spyrja hvers vegna þessir stóru skiptistaðir séu ekki merktir, það vitum við ekki.
Margir hafa á orði að Gísli Marteinn sem virðist vera yfirmaður verklegra framkvæmda á vegum Strætó bs. sé bráðger maður að upplýsa ekki starfsmenn Strætó bs. um framkvæmdirnar áður en hann ræðst í þær.
Þvess vegna legg ég til að biðstöðin sem ég held að sé næst Melhaga 12 hvar Gísli Marteinn býr og er við Melaskóla á Neshaga verði nefnd Bráðræði.