Siðmennt gegn kirkjunni en lætur dópsala sem höggva í sama knérunn óáreitta.

Hún er vissulega hatrömm aðför Siðmenntar að kristninni. Ef allt væri í himnalagi í þjóðfélaginu gæti ég skilið að "stórhuga" menn réðust á garðinn sem hann er hæstur. En þegar dópsalar knýja æ fastar dyra hjá æskunni sem kirkjan beinir sjónum sínum að ræðst Siðmennt gegn kirkjunni en ekki dópsölunum. Hvaða vitleysa er í gangi?

Siðmennt svarar biskup

Læknafóbía?

Ég hef að undanförnu vermt bekki á biðstofum lækna og hef haft upp úr krafsinu tvo uppskurði sem fyrirhugaðir eru á næstunni.
Ég mætti lækni á götu sem var hátíðlegur í fasi og runnu á mig tvær grímur; sá hann mig feigan eða var eitthvað skárra í stöðunni?

Á heimleiðinni tautaði ég fyrir munni mér:

Í dag fór læknir að þéra mig,
mér fannst það þó ekki gera sig,
Því framkoman flá,
ég fljótlega sá
að hann langaði bara að skera mig.

Að niðurlotum kominn?

Ég, þorrinn kröftum andlega og líkamlega og sá ekkert framundan nema hlutskipti öryrkjans.
Jón V. Högnason snillingur og hjartalæknir reyndi að telja í mig orku og taldi að læknisfræðin gætu eitthvað gert í málinu, því ekki væri mikið upp úr örorkubótum að hafa. Mér fannst hann vægðarlaus að sjá ekki hversu mikið skar ég var:

Hvað ég mæddist í lífsins kófi,
í hvílíku líkamstildurshrófi.
Ég segi það satt,
að saddur gat kvatt,
er féll ég á örorkuprófi.

Ég bið Jón Högna. velvirðingar á ófullkominni umgengni minni við sannleikann.