Færsluflokkur: Spaugilegt

Fróm ósk um meira, færð í dulbúning sjúkrasögu.

Fór á Borgarspítalann í morgun kl. 7 og hélt ég væri bara að fara í sneiðmynd.
Á móti mér var þó tekið eins og um aðgerð væri að ræða sem ég mótmælti, en af lítilli sannfæringu því ég er orðinn rúmlega sextugur og hef komist að raun um það að allir mér yngri vita meira og betur um minn hag en ég sjálfur.
Ágreiningur var um það hvort ég væri að fara í sneiðmyndatöku eða eða í ósæðarfóðringu með aðkomu frá nára og skiptust þær í tvær fylkingar í móttökunni að mér sýndist.

Karlinn var keyrður inn
hvar dvelja skyldi um sinn.
Hann var snyrtur að neðan
og rætt var á meðan
hvort hann væri þinn eða minn.

Að loknu allra áleiti
komst aftur líf í fábreyti.
Hann samt snarlega fann
að það sem gert var við hann,
var unaðslegt kynferðis áreiti.

Ég hringdi á deildina til að fá að senda þeim "kveðskapinn" en var beðinn að hringja á morgun og tala við Bjarnveigu.

Bjarnveig á æðadeild vex
er aldrei með leiðinda rex
er ég reyni að fá
netfangið á
deildinni B(etra) sex.

Kveðja Heimir.


mbl.is Sjúkrahótel reyklaust á nýju ári
Tilkynna um óviðeigandi tengingu við frétt

Eru klitor.is og pen.is tengd?

Júlíus Valsson vakti máls á punktur is talinu sem einkennir málfar fólks um þessar mundir. Þetta kom upp í hugann áðan eftir að ég ég hugðist leggjast til svefnsen hafði ekki erindi sem erfiði.

Eru clitor.is og pen.is tengd í kvöld? 

Vissulega af sama meiði. 


Náhirðin hjá Strætó ybbar gogg.

Ég vil benda á bloggfærslu öryggistrúnaðarmanns hjá Strætó á moggabloggi í gær. Þeir sem til þekkja vita að öryggistrúnaðarmaður þessi er hluti af náhirðinni sem telur sig "eiga" Strætó eins og hann leggur sig með manni og mús.

Náhirðin hefur lagt starfsmenn í einelti og beitt sér fyrir skerðingu tekna þeirra í þeim tilgangi að þeir hafi hægt um sig 

Öryggistrúnaðarmaðurinn  sem er nýkomin af námskeiði m.a. um mannleg samskipti vegur að öllum þeim sem eru henni ekki sammála. Fyrri stjórnendur fyrirtækisins fá líka að heyra það.  Svo ég tali ekki um fyrrverandi trúnaðarmenn og annað samstarfsfólk.

Allir hugsandi menn hjá Strætó sjá að þessum hjaðningavígum verður að linna.

Náhirðin hefur aldrei litið glaðan dag og mun ekki gera. Henni ber að splundra.

 


Af spjalli við konu.

Kona spurði mig hvort ég þyldi ekki dagsbirtuna þegar ég sagði henni að ég þyrfti að skreppa frá í miðju spjalli á netinu.

Dagsbirtan er dagfarsprúð
er djarfar sól á engi.
Ég varð að skreppa út í búð
og varð óvart of lengi.

Jólagjafir í G-dúr.

Hvort sem það verða hljómdiskar, nærklæðnaður, staðsetningartæki eða eitthvað annað er ráðlegt að hafa gjöfina í G-dúrSmile .
mbl.is Umhverfissamtök mæla með g-streng í jólapakkann
Tilkynna um óviðeigandi tengingu við frétt

Stóra trúnaðarmannamálið

Í Sandkorni DV er þess getið að (fyrrverandi) trúnaðarmenn Starfsmannafélags Reykjavíkurborgar hjá Strætó bs. gangi enn með þá grillu að fá framkvæmdastjóra fyrirtækisins rekinn úr starfi. DV hefur annaðslagið undanfarna daga birt einhliða fréttir af "málinu", en aldrei kynnt sér málavöxtu sem skyldi. Líklega hefur DV ekki áhuga á, eða getu til að lyfta símtóli svo ekki sé talað um að rýna í malbik og fá skoðanir annarra en fyrrverandi trúnaðarmanna sem hafa brúnað buxur sínar svo eftir er tekið. "Málið" er viðameira en þeir láta í veðri vaka og kjörið tækifæri fyrir blaðamann með snefil að metnaði að kanna það til hlítar.

Hvað með bóksalann sem selur Rapport? Auðvitað á að staðgreiða klámið.

Ekki er öll vitleysan eins. Pósturinn sem ber Visareikninginn og stingur honum í póstkassann hlýtur að vera bullandi meðsekur. Prentarinn sem útvegar eyðublaðið líka.
Auðvitað á að staðgreiða klám.

„Við byggjum bæði á 210. grein og annarri sem segir að sá sem er þátttakandi í glæp sé jafn sekur og sá sem fremur glæpinn," segir Katrín.


mbl.is Femínistafélagið kærir Vísa-klám
Tilkynna um óviðeigandi tengingu við frétt

Sænsk þróunarhjálp.

Þetta þykir mér til mikillar fyrirmyndar hjá sænsku hjálparstofnuninni. Hvílík gæska og gjafmildi sem felst í þessari blöndum hold og blóðs og það að velja ungan baldinn fola til samvinnuverkefnisins er lofsvert. Vona bara að dóttirin verði nefnd við hæfi, t.d. Úrúsænska eða Sverurugva. Bara eitthvað virkilega lýsandi fyrir hug sænsku konunnar.
mbl.is 29 ára kona eignaðist barn með 14 ára pilti
Tilkynna um óviðeigandi tengingu við frétt

H5N1

Er það ekki tómt kjaftæði að N1 ætli að opna kjúklingastaði á sölustöðum sínum sem eiga að heita H5?

Mér er spurn. 


Neyðarfundur strætóstjóra.

Á heimasíðu strætisvagnstjóra, eða kannski frekar fráfarandi trúnaðarmanna sem héldust í því ábyrgðarstarfi í u.þ.b. sólarhring, en þá þraut þá örendið, var sett inn í dag:

"Fljótlega munum við senda frá okkur yfirlýsingu vegna málsins. Það verður að skjóta á "Neyðarfundi" með vagnstjórum strax eftir helgi. Höfum lagt fram ósk til Starfsmannfélagsins um að það haldi fundi til að kynna málið."

Hvað þýðir svona "neyðarfundur"?

Ekkert annað en ólöglega stöðvun vagnanna með tilheyrandi óþægindum fyrir fólkið sem þarf að stunda vinnu og skóla og hefur síst efni á öðrum ferðamáta.

Ágætu fyrrverandi starfsfélagar. Reynið að skilja að þið eigið ekki að stjórna fyrirtækinu og ráða ykkur yfirmenn að eigin geðþótta.
Þið eitrið andrúmsloftið fyrir öllum þeim vagnstjórum sem vilja vinna störfin sín í friði og vilja ekki þurfa að kvíða hverjum vinnudegi.
Er Valdið fyrir öllu?


« Fyrri síða | Næsta síða »

Um bloggið

Úr hugskoti Heimis

Höfundur

Heimir Lárusson Fjeldsted
Heimir Lárusson Fjeldsted

Fyrrv. mjólkursaml.stj., fast.sali, frkv.stj., kaupm., bílstj. o.fl.

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • IMG 9978

Heimsóknir

Flettingar

  • Í dag (28.3.): 1
  • Sl. sólarhring: 3
  • Sl. viku: 10
  • Frá upphafi: 1031614

Annað

  • Innlit í dag: 1
  • Innlit sl. viku: 8
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband