Sjálfstæðisflokkurinn kvaddur eftir 50 ár.

Þegar borgarfulltrúar voru farnir að lesa upp úr landsfundarsamþykktum og miðstjórnarfundasamþykktum Sjálfstæðisflokksins opinberlega, voru þeir búnir að gleyma að þeir voru í viðkvæmu meirihlutasamstarfi.
Þegar þau fóru sex saman á fund formanns og varaformanns flokksins voru þau að svíkja foringja sinn.
Þegar þau voru búin að vera við kjötkatlana í hálft ár klipptu þau á samskipti sín við kjósendur, nema fráfarandi borgarstjóri.
Þegar þau hættu að virða fulltrúa sína hjá stórum fyrirtækjum borgarinnar sem hafa umboð starfsfélaga sinna sviku þau grasrótina.
Það er ekki lengur pláss fyrir mig í flokknum sem ég hef unnið fyrir síðan ég var tólf ára eða í fimmtíu ár.
Þakka samfylgdina.

Nýr meirihluti myndaður í borgarstjórn

Arfavitlaus vinnubrögð borgarstjórnarflokks Sjálfstæðismanna. Þakka 50 ára samfylgd.

Þegar borgarfulltrúar voru farnir að lesa upp úr landsfundarsamþykktum og miðstjórnarfundasamþykktum Sjálfstæðisflokksins opinberlega, voru þeir búnir að gleyma að þeir voru í viðkvæmu meirihlutasamstarfi.
Þegar þau fóru sex saman á fund formanns og varaformanns flokksins voru þau að svíkja foringja sinn.
Þegar þau voru búin að vera við kjötkatlana í hálft ár klipptu þau á samskipti sín við kjósendur, nema fráfarandi borgarstjóri.
Þegar þau hættu að virða fulltrúa sína hjá stórum fyrirtækjum borgarinnar sem hafa umboð starfsfélaga sinna sviku þau grasrótina.
Það er ekki lengur pláss fyrir mig í flokknum sem ég hef unnið fyrir síðan ég var tólf ára eða í fimmtíu ár.
Þakka samfylgdina.

Vilhjálmur: Ákvörðun Björns Inga um samstarfsslit fyrirvaralaus

Hrós dagsins - Hannes Hólmsteinn Gissurarson.

Þótt margir telji Hannes Hólmstein öfgafullan frjálshyggjupostula, þá gera menn sér grein fyrir að hann er öðrum fremur boðberi breyttrar stjórnsýslu hér á landi sem er undirstaða þeirra lífsgæða sem við búum við um þessar mundir og gerum áfram ef vel verður á málum haldið.
Hannes Hólmsteinn hefur staðið keikur í stafni fleysins sem siglt hefur í fararbroddi fyrir bættum kjörum þjóðarinnar um áratugaskeið.
Hann orðar sýn sína í Lesbók í dag þar sem hann svarar gagnrýni Guðna Elíssonar m.a. svo: " Ég held, að munurinn sé frekar sá, að Guðni gengur fram undir upphrópunarmerkinu, en ég vel mér spurningarmerkið."
Hannes Hólmsteinn Gissurarson á hrós dagsins.

Hrós dagsins - Jónatan viðskiptavinur

Strætó á marga fasta viðskiptavini sem ferðast með vögnunum að staðaldri til og úr vinnu, í fjölskylduheimsóknir o.s.frv.
Einn okkar ágætu viðskiptavina er hann Jónatan sem kemur í ellefuna á Seltjarnarnesi, afskaplega prúður maður og kurteis.
Jónatan hefur um margra ára skeið farið með strætó til vinnu sinnar í nágrenni við Korpúlfsstaði. Undanfarin misseri hafa margar breytingar verið gerðar á leiðakerfinu og sífellt hefur orðið erfiðara fyrir Jónatan að komast til vinnu sinnar.
Svo allt gangi sem best fyrir sig þarf Jónatan að biðja vagnstjóra ellefunnar að óska eftir því við vagnstjórann á leið fimmtán að hinkra á Hlemmi svo hann nái þeim vagni áfram til vinnu sinnar. "Yfirleitt gengur þetta vel fyrir sig" segir Jónatan, en það vill stundum verða misbrestur á því að vagnstjórar á leið fimmtán hleypi honum út á Vesturlandsvegi á móts við Korpúlfsstaði. Segjast ekki mega það og láta hann því ganga langa leið hvernig sem viðrar.
Þessir örfáu vagnstjórar sem neita honum þessari bón ættu að hugsa sinn gang.
Jónatan strætófarþegi fær hrós dagsins fyrir fágaða framkomu og skapstillingu í því mótlæti sem stundum mætir honum hjá örfáum starfssystkinum mínum.

Að tala fólk á hnén.

Mér þykja ummæli varaformanns Samfylkingarinnar Ágústs Ólafs Ágústssonar og Björgvins G. Sigurðssonar viðskiptaráðherra þegar þeir eru að mæra evruna ærið undarleg í ljósi þess að krónan hentar okkur afskaplega vel að bestu manna yfirsýn. Allt á áð verða svo ódýrt og hver fjölskylda hagnast um 60 þúsund krónur á mánuði aukalega, bara við að taka evruna upp.
Hafa þessir menn gert sér grein fyrir verðmyndun á innfluttum matvælum t.d. hjá Aðföngum? Ég held ekki.

Síðan koma Jón Magnússon alþingismaður og Þorvaldur Gylfason prófessor og boða að kreppa sé framundan og efnahagslegt hrun blasi við.
Mér finnst með ólíkindum að þessir úrtölumenn sem eru á launum hjá okkur skuli voga sér að vera með slíkar úrtölur. Þeir eru beinlínis að draga kjark úr fólki og auka því svartsýni.
Mér þykir þetta mikill ábyrgðarhluti og ansi kommúnískur að tala þannig að allt sé að fara fjandans til.
Ef þetta viðhorf hefði verið ofaná á síðustu öld þá byggjum við ennþá í torfkofum víðsvegar um landið.

Nazisminn lifir sínu lífi.

Í Bandaríkjunum eru greinilega margir nazistar enn þann dag í dag þótt leynt fari. Annars er arkitekt þessarar byggingar ekki að fara í launkofa með dálæti sitt á nazismanum og hefur reist þeim þennan stóra minnisvarða á kostnað bandarísku þjóðarinnar.
Það sem mér þykir einkennilegast er að þurfi ljósmynd utan úr geimnum til að afhjúpa það sem er til á skipulagsdráttum Cornado í Kaliforníu og í skjalageymslum hersins.

Google Earth afhjúpar risa-hakakross

Geir Hilmar sannur foringi....

Við landsmenn fylkjum okkur að baki Geirs H. Haaerde sem er sannur leiðtogi þjóðar sinnar.......

Geir H. Haarde: Að taka upp evru einhliða álitið veikleikamerki

Upplýsingafulltrúi og ljósmæður heim.

Mér finnst dapurlegt að fylgjast með stórmennsku lítillar þjóðar, sem ætlar sér að stilla til friðar eða að kalla úr heri til að verjast uppreisnarseggjum með setu í Öryggisráði SÞ.
Þjóð sem reyndi að sína lit og vera ábyrg þjóð meðal þjóða og sendi nokkra fulltrúa á stríðshrjáð svæði, en kallar svo "liðin" heim til að sýnast.
Þjóðin hélt að það hentaði þá stundina.

Ísland verði í hópi þeirra ríkja sem gefi mest til þróunaraðstoðar

Bush-stjórnin hefur í mörg horn að líta.

Það held ég að fáir geri sér grein fyrir hvað Bandaríkin aðstoða margar þjóðir fjárhagslega, félagslega og á margan annan hátt. Evrópa fnaut þess eftir síðari heimsstyrjöldina og m.a. lögðu Bandaríkjamenn grunninn að velsæld okkar þjóðar.

Bush samþykkti 25 milljóna dollara fjárhagsaðstoð við Norður-Kóreu

Góð tillaga Framsóknar.

Ég er farinn að halda að Framsókn ætli að "brillera" í stjórnarandstöðunni og er það vel. Þessi tillaga þeirra á vonandi eftir að ná fram að ganga og er flokknum til sóma.

Framsóknarmenn leggja til að 1,2 milljarðar verði settir í átakssjóð