Orðhengilsháttur Guðna

Við Framsóknarmenn hljótum allir sem einn að mótmæla harðlega orðum formanns okkar sem hann viðhefur um virðingarverðan flokk, Sjálfstæðisflokkinn.

Ummæli formannsins eru í senn ómakleg og innihaldlaus ef út í það er farið. 

Lýsir ábyrgð á hendur Sjálfstæðisflokki

Hugarfarsbreyting öryggistrúnaðarmanns Vinnueftirlits ríkisins.

Öryggistrúnaðarmaður hjá Strætó bs. hefur á heimasíðu sinni lýst yfir breyttu hugarfari og þar með brotið blað í tveggja áratuga sögu sinni hjá  fyrirtækinu ef marka má eftirfarandi niðurlag  stefnuyfirlýsingar: 

"•Virði samstarfsmenn sína.

• Séu viðbúnir þróun og breytingum og taki þátt í þeim.

• Viðhaldi þekkingu sinni og auki við hana.

• Sinni starfi sínu af trúmennsku og metnaði.

• Sýni ábyrgð."

Öryggistrúnaðarmaðurinn hefur hingað til unnið gegn öllum þeim áformum sem hann boðar núna. 

 

Vandi stéttarfélagsins. Fráleitt af stjórnmálamönnum að skipta sér af.

Það þykir ekki víst að umræddur maður sé lögformlegur trúnaðarmaður. Hann hefur ekki hagað sér sem slíkur og hefur með verkum sínum skarað eld að eigin höfði.

Menn hafa verið að vona í lengstu lög að hann léti af ögrandi framkomu sinni, en hann hefur ekki sést fyrir.

Það er harmleikur í gangi þarna og rétt að fara að öllu með gát. 

Það hefur verið landlægt ástand hjá Strætó að starfsmenn telja sig geta sagt yfirmönnum fyrirtækisins fyrir verkum, en núverandi framkvæmdastjóri virðist ekki ætla að líða það.

Það versta við þessa uppákomu er að forráðamenn stéttarfélagsins hafa hunsað lögformlegar leiðir í málinu, brotið eigin lög og sitja því með fangið fullt að illviðráðanlegum vandamálum. Á meðan þrjóskast  þeir við að standa vörð um óráð sitt sem var að endurreisa umræddan trúnaðarmann eftir afsögn hans.

Undirritaður þekkir málið af eigin raun því hann vann hjá Strætó í tæp fjögur ár og gegndi trúnaðarmannsstarfi í tvö ár. 

Það er fráleitt að ætla að pólitískt kjörnir fulltrúar blandi sér í deiluna eftir allt sem á undan er gengið, því SVR var lagt niður á sínum tíma og Strætó bs. stofnað til að losna við ásælni starfsmanna í stjórnvölinn. 

Spurt um uppsögn hjá Strætó á borgarráðsfundi

Hér sannast hið fornkveðna, að ekki er sama Jón og séra Jón aukin heldur séra Jón og Sigga Skrína.

 

Mér brá verulega þegar ég sá skattaholu stjórnmálamanna í góðri Mannlífsgrein eftir Sigurjón M. Egilsson.

Þarna líta yfirvöldin með blinda auganu á milljóna veltu hvers stjórnmálamanns fyrir sig og láta sig ekki varða hvort peningarnir séu "hreinir" eða ekki. 
Ég fór nýlega á endurhæfingarlífeyri vegna (vonandi) tímabundinna veikinda og fæ 113.565 krónur á mánuði frá Tryggingastofnun, en var neitað um heimilisuppbót sem er rúmar 24 000 krónur vegna þess að systurdóttir mín bjó hjá mér í vetur vegna náms. Hún vinnur ekki með náminu. Yfirvöldum þykir þetta tryggara vegna þess að hugsanlega hagnast ég á dvöl hennar hjá mér. Þeim þykir allavega ekki vert að leggja trúnað á mín orð og láta mig ekki njóta vafans. 

Ég læt ekki vita ef ég fæ fleiri gesti því þeir gætu vissulega skilið eftir eitthvað matarkyns við brottför og jafnvel leyft mér að njóta mola af borðum, ef ég hef ekki verið veitandi.

Reyndar er ég ánægður með að Fjármálaráðuneytið leggur trúnað á orð stjórnmálamannanna að þeir njóti ekki persónulegs hagnaðar af framlögunum og leyfir þeim að njóta vafans. 

Að vísu þykir mér minnisleysi Guðlaugs Þórs Þórðarsonar ískyggilegt og tel að hann hljóti að vera með bráðan hrörnunarsjúkdóm. Það hryggir mig verulega að sjá þennan uppáhaldsstjórnmálamann minn fara svona, ungur að árum.

Orð í tíma töluð.

Það er hverju orði sannara hjá Gunnari Sigurðssyni að fagnaðarlæti stjórnarmanna Orkuveitunnar eru algerlega úr takti við hagsmuni og stefnu fyrirtækisins. 

Hvernig á að vera hægt að þoka þjóðfélaginu fram á við og auka fjölbreytni í atvinnuháttum ef þessi ásýndarsjónarmið eiga að ráða för.

Ekki heyrist orð frá þessu fólki þegar vegir, brýr, húsbyggingar og önnur mannanna verk eyðileggja landslag, útsýni og yfirbragð; tökum dæmi nýju Hringbrautina, brýrnar og bensínstöðina í Hljómskálagarðinum. Ekki eitt aukatekið orð frá fraukunum.

Fögnuður stjórnarmanna á móti hagsmunum OR

Hvert er markmiðið með pólitískri þátttöku?

Magnús Þór Hafsteinsson sýnir enn og aftur hversu klókur hann er í pólitíkinni.

Tillaga um að taka við flóttamönnum samþykkt einróma

Sér grefur gröf.....

Sjálfstortíming frjálslyndra ætlar engan endi að taka.

Það er sárt að horfa upp á vestfirðinginn Guðjón Arnar leiða þessa menn til eigin aftöku. 

Lýsa yfir stuðningi við Magnús Þór Hafsteinsson

Kemur ekki á óvart.

Bakstunguöflin í flokknum uppskera eins og til var sáð.

Fylgi Sjálfstæðisflokks minnkar mikið í Reykjavík

Vilhjálmur Þórmundur og Kjartan Magnússon eru þeir einu sem halda sjó.

Hvernig á annað ástand að vera þegar gengur á með baktjaldamakki sínkt og heilagt? Auðvitað eru sjálfstæðismenn áhyggjufullir og fullir efasemda um getu þessa borgarstjórnarflokks.

Það hefur gengið á með svikum og fláræði á meðan tíminn rennur frá þeim í aðgerðarleysi. Ósamkomulag er um flesta hluti og enginn getur setið á sér í yfirlýsingagleði um einskis verða hluti.

Vilhjálmur Þórmundur og Kjartan Magnússon eru þeir einu sem halda sjó.

Ástandið veldur sjálfstæðismönnum áhyggjum

Óhrein átök.

Það er alveg á hreinu að almenningur hefur ekki fengið að vita sannleikann í þessu máli. Þarna átti að líkindum að skerða laun hjúkrunarfræðinga og líklega að taka af þeim sjálfræði í ákvörðun aukatekna. Sannleikann fáum við ekki að heyra fyrr en frá líður. Þarna hefur verið "gamblað" með fé skattborgaranna  og sjálftökufólk haft sigur.

Vaktakerfið dregið til baka