Sá á fund sem Finnur Ingólfsson.

Gárungarnir hafa fundið stefnuskrá Framsóknarflokksins sem leitað hefur verið um árabil. Hún er stutt og laggóð sem er ef til vill ástæða þess að mönnum hefur sést yfir hana:

"Sá á fund sem Finnur Ingólfsson".

Samfylking og VG bæta við sig

Velferð felst í öruggri stjórn efnahagsmála.

Í Vinstri hreyfingunni grænu framboði er margt gott fólk. Má þar nefna Ögmund Jónasson, Steingrím Jóhann Sigfússon, Atla Gíslason, Katrínu Jakobsdóttur og fleiri.

Þröngsýni þeirra er bara allt of mikil þegar kemur að efnahagsmálum, atvinnumálum og mörgum fleiri málaflokkum að þeir mega bara ekki komast að í vinstri stjórn.

Atvinnuleysið myndi hellast yfir okkur eins og í Efnahagsbandalagslöndunum og það nærir ekki Íslenska þjóðarstoltið.

Við sem berum meiri virðingu fyrir almenningi verðum að leggjast á eitt að gera útkomu Sjálfstæðisflokksins sem besta í kosningunum á laugardaginn til að tryggja áframhaldandi sigurbraut á efnahagssviðinu og til að halda okkur áfram í röð fremstu þjóða í almennum lífsgæðum.

Efnahagsmálin eru velferðarmál.

VG hvetur Íslendinga til að snúa við blaðinu

Hætta á ferðum.

Fari svo að fylgi Sjálfstæðisflokksins haldi áfram að dala er vissulega hætta á ferðum.
Atvinnuleysi og óráðssía blasir við taki stjórnarandstaðan við stjórnartaumunum og vonleysi heldur innreið sína með þverrandi kjarki og framtakssemi.
Spyrnum við fótum og tryggjum Sjálfstæðisflokknum aukið fylgi og horfum björtum augum til framtíðar.

Fylgi Framsóknarflokksins tekur stökk

Farsímasamband og stimpilgjöld.

Hvað er sameiginlegt með farsímasambandi milli Kirkjubæjarklausturs og Hafnar í Hornafirði og stimpilgjöldum?
Jú, þetta eru ein helst baráttumál stærri stjórnarandstöðuflokkanna.

Atli Gíslason lögmaður og mannréttindaáhugamaður er í framboði fyrir VG á Suðurlandi og var í útvarpi um daginn ásamt fullrúum hinna flokka sem bjóða fram á Suðurlandi til Alþingis.
Að minnsta kosti fjórum sinnum heyrði ég hann segja að eitt brýnasta hagsmunamál sunnlendinga væri að fá betra farsímasamband á milli Kirkjubæjarklausturs og Hafnar í Hornafirði og Samfylkingin auglýsir mikið að hún muni beita sér fyrir afnámi stimpilgjalda.

Ég veit ekki betur en að hvort tveggja sé á verkefnaskrá.

Ef stjórnarandstaðan hefur ekki meira við stjórnsýsluna að athuga, held ég að óhætt sé að endurkjósa ríkisstjórnina.

„Kosningamálin hafa dottið dauð niður"

Krabbamein karla leyndarmál?

Krabbameinsfélagið hefur unnið ómetanlegt starf á ferli sínum.
Konur geta verið þakklátar félaginu fyrir skipulega leit að krabbameini á konum um land allt. Alltaf þegar félagið leitar til almennings bregst hann vel við og verður söfnunin fyrir húsnæðinu lengi í minnum höfð.
Framlag hinna fimm hjóna er líka myndarlegt og þakkarvert.

Nú er svo komið að rétt er að staldra við.

Krabbameinsfélagið leitar aðeins vágestsins hjá konum en við karlar megum ganga með krabba kannski árum saman án þess að nokkur hafi áhuga á því og ekki erum við þekktir fyrir að fara með minnstu grunsemdir um veikindi til læknis og oft uppgötvast okkar sjúkdómar of seint.

Er ekki kominn tími til að stofna nýtt félag sem myndi sinna körlum eingöngu eins og Krabbameinsfélag Íslands sinnir eingöngu konum?
Nú, eða láta nýtt félag láta heilbrigði beggja kynja til sín taka því loku virðist fyrir það skotið að núverandi stjórnendur og starfsfólk Krabbameinsfélagsins ætli að bjóða okkur þjónustu sína.

Krabbameinsfélagið fær gjafir að andvirði 120 milljóna

Sullenberger segir satt.

Hingað til hefur Jón Gerald Sullenberger sagt satt eins og sést á niðurstöðum dómarans í Baugsmálinu. Hvers vegna ætti þjóðin að fara að trúa Kaupþingi sem hefur haldið í hönd þeirra Jóns Ásgeirs Jóhannessonar og Tryggva Jónssonar frá upphafi ferils Baugs og er því samtvinnað í ólöglegu athæfi þeirra.

Kaupþing: Forstjóri eða starfsmenn hafa aldrei boðið Jóni Gerald greiðslur

Sporin hræða.

Hvernig í ósköpunum heldur Samfylkingin að fólk trúi kosningaloforðum þeirra eftir reynsluna af stjórn þeirra á Reykjavíkurborg.

Ekkert var gert í að fjölga hjúkrunarrými fyrir eldri borgara.

Leikskólavandinn var leystur með því að bjóða fólki ekki lóðir og vísa því þar með til nágrannasveitarfélaganna sem tóku fegins hendi við góðum útsvarsgreiðendum.

Bið eftir félagslegum íbúðum lengdist ótæpilega.

Almenningssamgöngum var rústað með óheppilegum breytingum á leiðum.

Bensínstöð var samþykkt í Hljómskálagarðinum.

Úrræðaleysi algert í lausn samgönguvanda svo sem á í borginni og út úr henni.

Fátt eitt er upptalið og samtbjóða þeir upp á loforðapakka sem ekkert innihald hefur þegar til kastanna kemur.

Eða hvað?

Samfylkingin vill tryggja börnum og öldruðum á biðlistum örugga þjónustu

Sjálfstæðismenn værukærir.

Góð útkoma Sjálfstæðisflokksins í skoðanakönnunum gerir liðsmenn lata og værukæra eins og greinilega sást í gær.
Klukkan um fimmtán mínútur í fimm ætlaði ég að kíkja við á kosningaskrifstofunni í JL-húsinu, en kom að lokuðum dyrum. Greinilega var þó auglýst í einum glugganum að opið yrði til klukkan fimm.
Fólkið greinilega búið að fá upplýsingar um góða útkomu floksins í skoðanakönnun Fréttablaðsins og því skellt sér í sund eða göngutúr.

Ekki mundi ég eftir fleiri kosningaskrifstofum til að heimsækja og lagði því leið mína í Valhöll og hugði þar örugglega mikinn hug í fólki.

Þegar ég renndi í hlað voru tveir menn að yfirgefa húsið, kosningaþjarkurinn Óskar Friðriksson við mann sem ég kom ekki fyrir mig.
Þar sá ég ekki eina einustu auglýsingu eða nokkur merki þess í höfuðvígi Sjálfstæðismanna að kosningar séu í nánd.
Ekki eitt einasta D.

Sjálfstæðismenn ætla ekki til þessara kosninga eftir tvær vikur með aðra hendina fyrir aftan bak heldur báðar og ætla að klikkja út með: "Sástu hvernig ég tók þá".

Eða hvað?

Sjálfstæðisflokkur með 40% fylgi samkvæmt könnun

SÁÁ borgið - í bili.

Á meðan markmið Framsóknarflokksins um fíkniefnalaust Ísland (sem átti að verða árið 2000), ganga ekki eftir er nauðsynlegt að styðja við bakið á sjúkrastöðinni sem sér um að afvatna fólk.
SÁÁ sér líka um uppbyggingu ásamt AA-samtökunum en þau kosta skattborgarana ekki krónu.

Ég átti því láni að fagna að fara á Vog í vikutíma fyrir hartnær níu árum og síðan hefur mig ekki langað í þynkuna aftur.

Því fagna ég ákvörðun ríkisstjórnar Geirs H. Haarde um framlengingu þjónustusamningsins við SÁÁ.

Heilbrigðisráðuneytið framlengir þjónustusamning við SÁÁ

Siðferði hér og vestra.

Stúlka frá Guatemala fær ríkisborgararétt eftir aðeins fimmtán mánaða dvöl í landinu og alþingismenn í Allsherjarnefnd koma fram fyrir alþjóð og segjast hafa samþykkt umsóknina án þess að vita um heimilisfesti hennar og hjá hvaða fólki hún býr.

Hvað ef hún hefði leigt hjá Hjálpræðishernum eða dvalið í íbúð á vegum eigenda Goldfingers?
Hún hefði að sjálfsögðu ekki fengið ríkisborgararétt nema vegna þess að hún var heimilisföst á góðu heimili og hjá fólki sem þingmennirnir treystu.

Eitt sinn var ég að aðstoða útlending sem haði búið hér í mörg ár og er frá landi sem mátti búast við að yfirvöld myndu refsa honum kæmi hann aftur til föðurlandsins.
Hann er verkfræðingur og hafði þá unnið sem slíkur allan dvalartímann ( fimm ár) og hafði úrvals meðmæli frá vinnuveitanda sínum.
Þá var hann þjálfari í jaðaríþrótt sem þá var hér á landi en er núna viðurkennd í mörgum félögum og við höfum eignast afreksmenn í henni á alþjóðlegan mælikvarða.
Hann hafði sjálfur orðið heimsmeistari í greininni og gott ef ekki Ólympíumeistari líka.
Allt kom fyrir ekki.
Hann bíður í sjö ár eins og aðrir frá þessum heimshluta og formaður nefndarinnar frú Sólveig Pétursdóttir var gallhörð á því.
Nefndin hafði þó kynnt sér öll gögn varðandi málið.

Nú fær áðurnefnd stúlka frá Guatemala ríkisborgararétt eins og forsetafrú eða fyrrum heimsmeistari í skák meðan fjölmargir aðrir fá synjun.

Tengdamóðir stúlkunnar þrætir fyrir að hún hafi talað við nefndarmenn, vinnufélaga sína og bendir á að nafn hennar sé hvergi á blaði varðandi umsóknina (nema hvað).

Bjarni Benediktsson og Guðrún Ögmundsdóttir koma af fjöllum og skilja ekki þessa tortryggni. Þau hafi verið grunlaus um tengslin!

Segi þau satt eru þau öll að bregðast umbjóðendum sínum við þær skyldur sem þeim er treyst til.

Er einhver þessara þriggja fulltrúa jafnmargra flokka að segja satt?

Eða hvað?

Talið að Wolfowitz hafi brotið siðareglur Alþjóðabankans