Bitastætt

Af þessari frétt að dæma er spurning hversu mikið gagn þjóðin hefur haft af umræðunni. Við höfum borgað yfir tvo milljarða króna til flokka þessa fólks á undanförnum árum og getum farið fram á að fá eitthvað bitastætt í staðinn.

Sigmundur Davíð slær á létta strengi

Hógvær

Alltaf er Gunnar jafn jarðbundinn. Hógvær og lítillátur, en leikur sér að andstæðingunum.

Gunnari bregst ekki bardagalistin

Sigurður Árni er hógvær en fylginn sér

Vesturbæingar missa mikið ef Sigurður Árni nær kjöri, en fá aftur á móti góðan biskup í stað þess góða manns sem gegnir embættinu núna.

Skýrt kall eftir breytingum

Ekki frekar en annað

Það er til einskis að spyrja Jóhönnu Sigurðardóttur um nokkurn skapaðan hlut, sem varðar æðstu stjórn landsins. Hún stendur jafnvel á gati þegar spurt er um öryggi ráðherra.

Öryggisgæsla ákveðin af lögreglu

Ekki á óvart

Að þau Agnes og Sigurður Árni skuli vera í tveimur efstu sátunum í fyrri umferð biskupskjörs kemur ekki á óvart. Ekki heldur að hinn presturinn í minni sókn fái svo fá atkvæði sem raun ber vitni um. Hann er enn að hefna sín á meintum andstæðingi frá því hann var óbreyttur á biskupsstofu við Laugaveg.

Það sem kemur mér á óvart er, að Kristján Valur Ingólfsson fá meira fylgi. 

Agnes og Sigurður með flest atkvæði

Hvergi óhultir

Karlar eru hvergi óhultir og er ráðlagt að ferðast fleiri en tveir saman hvar sem er.

Konur nauðga körlum á hraðbrautum

Blásaklaus

er Sjálfstæðismaður fyrir Landsdómi.

Vinstrimenn ekki hrifnir af bláum lit

Einangraður vesturbær

Hef oft velt þessum vanda fyrir mér? Við erum gersamlega lokuð af vestast í borginni sem og Seltirningar ef eldgos brýst út nærri höfuðborginni.

Umferðarmannvirki eru léleg og þola illa mikla umferð.

Sjóleiðin upp á Kjalarnes eða Skaga er þá eina færa leiðin.

Framtíðar höfuðborg landsins á eftir að rísa við norðanverðan Hvalfjörð. 

Elín Pálmadóttir: Bílferju þörf úr Vesturbæ

Auðvitað

• Það er sjálfsögð krafa almennings að fá allt upp á borðið varðandi ellefturstundarlánið til Kaupþings.
• Hverjir ýttu hvað mest á ad lánið yrði veitt og á hvaða forsendum.
• Í leiðinni má upplýsa hversvegna Sjóvá mátti ekki fara á hausinn.
• Hvað bjó að baki Icesavesamninganna.
• Hvernig á því stóð að Svavar Gestsson fór fyrir samninganefnd Íslands.
• Hvort þar hafi verið gerð tilraun til landráðs.
• Margt fleira má nefna, en verður ekki gert að sinni.

Vilja svar um lán til Kaupþings

Heilbrigt geð

Morgunblaðið er eitt fjölmiðla sem hefur tekið hanskann upp fyrir geðsjúka hér á landi. Aðáunarverðir greinflokkar um þennan algenga sjúkdóm hafa birst á síðum blaðsins, en sjaldnast vakið umræður.

Fjölmargar fjölskyldur eiga um sárt að binda vegna einstaklings eins eða fleiri innan þeirra vébanda og oftar en ekki er farið með svo viðkvæm mál sem mannsmorð.

Þau skeið geta komið í lífi sérhvers manns að hann eigi í andlegum erfiðleikum eftir til dæmis atvinnumissi, skilnað, fráfall maka, barns eða annars náins, fjármálaerfiðleika eða gjaldþrot svo eitthvað sé nefnt.

Fólk á erfitt með að bera sig upp við fagaðila, sem sumir hverjir bregðast trúnaði og trausti sem aftur eykur vanda viðkomandi til muna og hann situr einn eftir með erfiðleikana.

Sumt svokallað fagfólk á fullt í fangi með eigin erfiðleika, eins og til dæmis prestar að þeir eiga ekkert aflögu fyrir aðra.

Vandamálin eru mörg og margvísleg  og lausnir ekki alltaf auðsýnar.

 Verstir eru fordómar starfsmanna geðheilbrigðisþjónustunnar sem líta oft á afbrigðilega hegðun sjúklinga sem fyrirtekt og frekju ef ekki þá ekki eitthvað enn verra.

Ég hef starfað að þessum málum meira og minna í hátt í þrjátíu ár sem aðstandandi og kynnst ótrúlegustu fordómum og undarlegheitum hjá læknum, hjúkrunarfólki, starfsmönnum athvarfa, presti o.fl. 

Morgunblaðinu er treystandi til að halda umræðunni áfram og upplýsa fagfólk sem almenning.