Ömurlegt

Hvað gengur að fólki sem þolir ekki kristið samfélag og leggur eld að lítilli sveitakirkju?

Þetta er sorglegra en tárum taki. 

Krýsuvíkurkirkja brann í nótt

Athugasemdir

[Valgarður Guðjónsson, 2.1.2010 kl. 14:02]

Ég get óhikað tekið undir með að það er ömurlegt þegar eignir eyðileggjast, eða skemmast, kannski sérstaklega þegar viðkomandi á sér einhverja sögu.

En, ertu ekki aðeins of fljótur að ákveða að þarna hafi verið skemmdarverk?

Samkvæmt fréttinni er ekki ljóst hvort þetta var slys eða ásetningur.

Og jafnvel þó að að um íkvekju sé að ræða, eru þá ekki allar líkur á að þarna sé um einhverja fábjána eða óvita að ræða, ekki einhverja sem eru markvisst að vinna gegn kristnu samfélagi?

Það truflar mig, trúlausan manninn, að bæði í þessu tilfelli og þegar skemmdarverk voru unnin á Grensáskirkju er verið að gefa í skyn að á ferðinni sé markviss vinna gegn kristinni trú.

Ég þekki marga trúlausa og þeir eru undantekningarlaust yfir meðallagi greindir, hafa áhuga á málefnalegri umræðu og beita rökum máli sínu til stuðnings.

Það eitt að hafna trú í umhverfi sem er mjög einsleitt trúarlega krefst hugsunar - skemmdarverk eru framin af þeim sem ekki hafa getu til að hugsa eða tjá sig.

Þannig tel ég nánast útilokað að um einhverja beina aðgerð gegn kirkjunni eða stofnunum hennar sé að ræða.

[Guðmundur St Ragnarsson, 2.1.2010 kl. 14:25]

Ég tek undir með Valgarði að ég á bágt með að trúa því að trúleysingjar séu markvisst að eyðileggja kirkjueignir a.m.k. alls ekki þeir sem blogga hér á mbl.is. Engu að síður hefur Vantrú ekki eingöngu verið að stunda málefnalegar rökræður um trúmál að mínu mati heldur beinlínis verið að blása upp hatur gegn trúarbrögðum og þá sérstaklega kristinni trú (alveg sérstaklega gegn íslensku þjóðkirkjunni). Árásin á Grensáskirkju virtist vera skipulögð í skjóli nýársnætur og svo brennur falleg lítil timbursveitakirkja degi seinna. Tilviljun? Vonandi. Kirkjur hafa verið skemmdar og brenndar áður hérlendis sem erlendis og það er ekkert nýtt. En ef um er að ræða vísvitandi skemmdarverk af trúar (eða trúleysisástæðum) er málið komið á nýtt stig hér á landi.

[Valgarður Guðjónsson, 2.1.2010 kl. 14:37]

Það er kannski einhver betur til þess fallinn að svara fyrir Vantrú en ég - en ég man ekki til að hafa séð að þar sé blásið upp hatur gegn trúarbrögðum. Vissulega hefur þar verið deilt hart á vinnubrögði kirkjunnar í ákveðnum málum - en það er annað mál - ég hef ekki orðið var við annað en að trú annarra sé virt og geri það sjálfur.

Og ég ætla að leyfa mér að fullyrða að hvergi hefur þar verið hvatt til ofbeldisverka - það stríðir fullkomlega gegn öllum málflutningi sem ég hef séð þar.

[Heimir Lárusson Fjeldsted, 2.1.2010 kl. 14:58]

Af fréttum að dæma var ekkert rafmagn á kirkjunni, því engin hætta af þess völdum. Ofstopafullir trúleysingjar hafa hugsanlega ekki komið við sögu, en...... Guð hjálpi viðkomandi.

[Sigurbjörg Eiríksdóttir, 2.1.2010 kl. 15:59]

Ótrúleg skemmdarfýsn. Hvað næst?

[Heimir Lárusson Fjeldsted, 2.1.2010 kl. 16:08]

Meðferð þjóðarinnar undanfarin ár hafa síður en svo aukið á virðingu fólks fyrir verðmætum, menningarlegum sem öðrum.

[Valgarður Guðjónsson, 2.1.2010 kl. 16:14]

Það eru auðvitað fleiri möguleikar á slysum en af völdum rafmagns.

Væri ekki ráð að halda haus og sjá hvað rannsókn leiðir í ljós áður en við förum að gefa eitthvað í skyn sem við getum ekki staðið við?

"Ofstopafullir trúleysingar hafa hugsanlega ekki komið við sögu, en.." - en hvað??

Svo ég ítreki nú, hafi einhver trúleysingi unnið þessi verk, þá skemmir það hans málstað og eykur samúð með kirkjunni. Þar af leiðandi er útilokað í mínum huga að einhver trúleysingi hafið staðið að þessu.

Og ég er ekki alveg sáttur við hversu fljótir talsmenn kirkjunnar eru að tengja þessa atburði við trúleysingja, án þess að nokkuð liggir fyrir um hver örsökin var, hver gerði eða hvers vegna.

Það er kannski ekki rétt að hugsa svona, en ég velti fyrir mér hvort verið sé að spila á þessa atburði til að auka samúð með kirkjunni...

[Sigurbjörg Eiríksdóttir, 2.1.2010 kl. 16:15]

Mér verður hugsað til fallegu, gömlu kirkjunnar minnar. Það er greinilega stór hluti úti í þjóðfélaginu fárveikur.

[Heimir Lárusson Fjeldsted, 2.1.2010 kl. 16:27]

Ég hef eini sinni sungið í þessari kirkju og sú minning er mér mjög kær.

Ég efast Valgarður um að vanveltur þínar; en ég velti fyrir mér hvort verið sé að spila á þessa atburði til að auka samúð með kirkjunni..." eigi við rök að styðjast verði það niðurstaða þín.

[Valgarður Guðjónsson, 2.1.2010 kl. 16:39]

Ég hafði ég nú fyrirvara á þessum vangaveltum, en þær eru afleiðing af því hversu fljótt þetta er tengt við trúleysingja, án þess að nokkrar staðreyndir liggi fyrir.

En getum við verið sammála um að bíða með að fella dóma og gefa í skyn þar til við vitum hvort þetta var vísvitandi gert, og ef svo er, hver gerði og hvers vegna?

Það má vel vera að þetta sé dæmi um virðingarleysi fyrir verðmætum, en þarf kannski ekki stóran hóp, einn vitleysingur er nóg, hafi þetta verið viljandi gert.

Ítreka svo að mér finnst þetta ömurlegt - fordæmi að sjálfsögðu hafi verið um viljaverk að ræða - og þið sem eigið minningar frá þessari kirkju eigið mína samúð.

[Heimir Lárusson Fjeldsted, 2.1.2010 kl. 16:49]

Við erum sammála um það Valgarður að sú staðreynd að kirkjan,150 ára gömul, brunnin til kaldra kola er ömurleg.

[Valgarður Guðjónsson, 2.1.2010 kl. 17:04]

Auðvitað, en ekki sammála um að bíða með að dæma þar til við vitum meira?

Kristallast kannski hér munurinn á trúuðum og trúlausum? Við viljum bíða eftir upplýsingum áður en við fellum dóm og tökum ákvörðun...

Látum þetta gott heita þar til við vitum meira - treysti því að ég fái að gera athugasemdir hér þegar rannsókn er lokið.

[Baldur Hermannsson, 2.1.2010 kl. 17:51]

Það hlýtur að hafa verið sérkennilegt að syngja í svo litlu rými, því varla hefur hljómburður verið tilkomumikill. En þetta var yndislegur staður og einn af mörgum föstum áningarstöðum okkar Jónu á ferðum yfir landið. Við fórum þangað oft á sumrin og ókum þá gjarnan suður af hólnum sem stendur sunnan megin við veginn. Það var líka gott að koma þarna á vetrum þegar mjöllin lá yfir landinu. Það er hræðilegur illvilji sem býr að baki slíkum verknaði.

[Heimir Lárusson Fjeldsted, 2.1.2010 kl. 18:25]

Hefur þú einhverjar tilgátur Valgarður um orsök brunans?

[Valgarður Guðjónsson, 2.1.2010 kl. 21:02]

Nei, ég hef engar forsendur fyrir neinum tilgátum, þess vegna bíð ég eftir frekari upplýsingum.

[Heimir Lárusson Fjeldsted, 2.1.2010 kl. 21:13]

Þú ert nú svo skynugur Valgarður. Láttu ekki hvarfla að þér að eldur hafi verið borinn að húsinu;)

[Valgarður Guðjónsson, 2.1.2010 kl. 22:14]

Ég átta mig ekki á tilefni svona útúrsnúninga - og nenni ekki að taka þátt í umræðum á þessum nótum.

Auðvitað er það einn möguleiki, meira að segja frekar líklegur miðað við kvöldfréttir Rúv. En þær upplýsingar voru ekki fyrir hendi fyrr í dag.

Hvort sem er þá liggur ekkert á að fullyrða.

Og við höfum engar forsendur fyrir því að hafa skoðun á hver gerði þetta (ef svo var) eða hvers vegna.

En ykkur liggur greinilega á að trúa einhverju heppilegu...

[Heimir Lárusson Fjeldsted, 2.1.2010 kl. 22:42]

Þegar Helgi heitinn Hóseason kveikti í Heydalakirkju í Breiðdalnum var enginn í vafa um hvað fyrir honum vakti. Krýsuvíkurkirkja var mjög afskekkt og hefur sá sem kveikti í henni þurft að hafa einlægan ásetning til verknaðarins. Mé vera að hann hafi gengið þar í heilagt hjónaband og konan brugðist honum þegar hann lenti með vinstri fótinn undir valtara. Hver veit?

[Baldur Hermannsson, 2.1.2010 kl. 23:06]

Heimir, hvernig fór fyrir kirkjunni þeirri? Urðu miklar skemmdir? Hvaða ár var þetta?

[Hjalti Rúnar Ómarsson, 2.1.2010 kl. 23:11]

Heimir, "þegar" Helgi kveikti í kirkjunni? Hvað hefurðu fyrir þér í því að hann hafi kveikt í nokkurri kirkju?

[Heimir Lárusson Fjeldsted, 2.1.2010 kl. 23:13]

Mig minnir að þetta hafi verið 196 ? Bróðir Helga heitins var prestur þarna. Man ekki í augnablikinu hvað hann hét. Núna er Gunnlaugur Stefánsson prestur þessa safnaðar. Skewmmdir urðu töluverðar.

[Baldur Hermannsson, 2.1.2010 kl. 23:20]

Þetta er merkilegt, Helgi Hóseasson er nefnilega eins konar verndardýrlingur þeirra Vantrúarmanna.

[Heimir Lárusson Fjeldsted, 2.1.2010 kl. 23:28]

Það virðist hafa verið árátta hjá Helga Hós. að lítilsvirða kristnina og allt sem henni tilheyrir. Ég hef ekki googlað þetta en Mogginn geymir sannleikann um Helga Hós og Heydalakirkju.

Vantrúarmenn eru ekki allir vandir að virðingu sinni, er það þeirra mál.

[Heimir Lárusson Fjeldsted, 2.1.2010 kl. 23:29]

P.s. mér þykir urrandi gott að vera kristinn og trúa á feðgana og heilagan anda;)

[Valgarður Guðjónsson, 3.1.2010 kl. 02:26]

Þú mátt hafa þina trú, urrandi eða ekki, það er allt í góðu lagi mín vegna.

En það er frekar vont að fylgjast með hvert þessi umræða er að fara.

Ég gerði athugasemd við færsluna þína, Heimir, þar sem mér hafði sýnst að fyrri færslum þínum að þó við værum ósammála um trúmál þá mætti rökræða heiðarlega við þig.

Rökleysur eins og "einn trúleysingi hefur kveikt í kirkju, þar af leiðandi eru allir kirkjubrunar trúleysingjum að kenna" dæma sig sjálfar.

Enn verra er þó að þið eru að saka mann (og það látinn) um óhæfuverk án þess að geta bent á nokkuð máli ykkar til stuðnings. Hvað hafið þið fyrir ykkur í þessu?

Já, og bull eins og að Helgi sé einhvers konar verndardýrlingur er, ja... ég ætla að ekki að segja það sem ég er að hugsa.

[Heimir Lárusson Fjeldsted, 3.1.2010 kl. 11:03]

Kirkjubruninn að Heydölum er þekktur Valgarður og Helgi Hóseasson sem var á staðnum neitaði ekki. Þannig að ekki er minnst á Helga að ósekju.

Látum rannsókn Krýsuvíkurkirkjubrunans hafa sinn gang og fullyrðum varlega. Sammála?

[Valgarður Guðjónsson, 3.1.2010 kl. 13:58]

Við erum svo sannarlega sammála um að láta rannsóknina hafa sinn gang og fullyrða varlega.

Ég þekki Heydalamálið ekki vel, en veit að Helgi játaði aldrei, og var ekki dæmdur fyrir, þannig að við skulum heldur ekki dæma.

Ég veit þó að annar möguleiki var til staðar og jafnvel talinn líklegri af öðrum en presti og Helgi hafði ástæðu til að svara ekki að hlífa öðrum en sjálfum sér.

Ég hef auðvitað engar forsendur til að meta hvað er líklegt eða sennilegt, vil bara benda á að ekkert er vitað fyrir víst og Helgi nýtur auðvitað sama vafa og aðrir þegar um sekt eða sakleysi er að ræða.

[Heimir Lárusson Fjeldsted, 3.1.2010 kl. 14:08]

Tilgátan um að eiginkona prestsins, mágkona Helga að hún hafi kveikt í kirkjunni að Heydölum er ansi langsótt. Einkum ef tekið er tillit til meintrar ástæðu, þ.e. að kirkjan hafi skyggt á útsýnið úr eldhússglugganum. Að hún hafi notað tækifærið þegar Helgi var í heimsókn, böndin myndu berast að honum. Af hverju myndu böndin berast að honum Valgarður?

[Valgarður Guðjónsson, 3.1.2010 kl. 15:02]

Það má vera, eins og ég segi, ég þekki þetta ekki.

Er bara að benda á að vera ekki að dæma þegar hvorki sannanir né játning liggur fyrir - hefur amk. oftar en ekki reynst mér vel að fara varlega - gott ef það er ekki ráðlegging úr biblíunni.

[Heimir Lárusson Fjeldsted, 3.1.2010 kl. 15:38]

Viðhorf þitt Valgarður er kristilegt og drengilegt eins og við var að búast frá þér. Hvað Krýsuvíkurkirkju varðar benda allar líkur til íkveikju. Getum við sæst á það?

[Valgarður Guðjónsson, 3.1.2010 kl. 16:49]

Við getum sæst á það

[Tinna Gunnarsdóttir Gígja, 4.1.2010 kl. 14:08]

"Að hún hafi notað tækifærið þegar Helgi var í heimsókn, böndin myndu berast að honum. Af hverju myndu böndin berast að honum[...]?"

Ég skil þessa röksemdafærslu ekki. Þegar kirkjan brann bárust böndin að Helga Hós. Þess vegna hlýtur hann að hafa gert það, vegna þess að hin kenningin snýst um að allir haldi að hann hafi gert það.

Ég ætla ekki að þvertaka fyrir að einhver trúleysingi hafi kveikt í Krýsuvíkurkirkju, en ég stórefast samt um það. Eins tel ég það afar ólíklegt að þessi glæpur tengist Vantrú á nokkurn hátt - ég myndi segja að líkurnar væru svipaðar og á tilvist Guðs, en Heimir og fleiri myndu sjálfsagt líta á það sem játningu...

[Heimir Lárusson Fjeldsted, 4.1.2010 kl. 14:55]

Ég er mjög vantúaður á að Vantrú tengist brunanum á Krýsuvíkurkirkju. Ég leyfi mér að hafa þá skoðun að Helgi Hós hafð kveikt í Heydalakirkju. Hann sá aldrei ástæðu til að neita því.

[Baldur Hermannsson, 4.1.2010 kl. 15:07]

Samt er nú vissara að taka af þeim eldspýturnar!

[Heimir Lárusson Fjeldsted, 4.1.2010 kl. 15:43]

Eldspýtur og Vantrúaðir í nálægð gamallar timburkirkju. Ekki gott.

[Baldur Hermannsson, 4.1.2010 kl. 16:07]

Svona áþekkt og eldspýtur og bensín í gamalli timburkirkju. Maður hreinlega tekur ekki áhættuna.

[Heimir Lárusson Fjeldsted, 4.1.2010 kl. 17:00]

Góð samlíking!

[Tinna Gunnarsdóttir Gígja, 5.1.2010 kl. 15:39]

Á hvaða hátt er þetta góð samlíking? Hefur Vantrú einhverntíma hvatt nokkurn mann til skemmdarverka?

[Heimir Lárusson Fjeldsted, 5.1.2010 kl. 17:32]

Ekki hef ég trú á að Vantrú sem félag hvetji menn til óhæfuverka, en innan allra félaga eru svartir sauðir. Vonandi er Vantrú laus við þess háttar sauði.

[Hjalti Rúnar Ómarsson, 6.1.2010 kl. 00:48]

Mér finnst nú mjög líklegt að brennumaðurinn sé þjóðkirkjumeðlimur, mjög líklegt.

[Heimir Lárusson Fjeldsted, 6.1.2010 kl. 09:10]

Það er mjög líklegt Hjalti þegar nær 90% þjóðarinnar er í þjóðkirkjunni.

[Hjalti Rúnar Ómarsson, 6.1.2010 kl. 12:22]

Það er nú svolítið brjálað að ætla að námunda 79% upp í 90%.

[Heimir Lárusson Fjeldsted, 6.1.2010 kl. 13:03]

Þú kannt að orða hugsanir þínar Hjalti. Ég biðst afsökunar á að fara rangt með hlutfallið.

[Hjalti Rúnar Ómarsson, 6.1.2010 kl. 14:56]

Þér er fyrirgefið, far þú og bulla ekki meir!

[Heimir Lárusson Fjeldsted, 6.1.2010 kl. 15:16]

Þú hefur nú ekki efni á svona hroka Hjalti.

[Sigurbjörg Eiríksdóttir, 6.1.2010 kl. 15:24]

Hrokagikkir bulla oftast ótæpilega.

[Baldur Hermannsson, 6.1.2010 kl. 15:53]

Æ það er gaman að Hjalta, krakkar. Ekki fæla hann í burtu. Myndin er líka svo töff.

[Hjalti Rúnar Ómarsson, 6.1.2010 kl. 16:32]

Hroka? Þú ættir nú bara að reyna að slappa aðeins af. Þetta var bara vinaleg ábending um að þú ættir að reyna að vanda málflutninginn þinn aðeins og að auki vísun í Jesú! Ekki ætlarðu að halda því fram að hann hafi verið hrokafullur við hórseku konuna?

[Heimir Lárusson Fjeldsted, 6.1.2010 kl. 18:30]

Æ,æ varstu bara að feta í fótspor Frelsarans. Mér datt það í hug en vildi ekki gera þér að geta þess kæri Hjalti.

[Baldur Hermannsson, 6.1.2010 kl. 19:22]

Svona Heimir, spennum greipar og biðjum sameiginlega fyrir Hjalta. Koma nú!

[Heimir Lárusson Fjeldsted, 6.1.2010 kl. 20:21]

Hjalti er örugglega bænar virði. Aftur!