Til varnar Davíð

Guðlaugur Þór Þórðarson ritar ákaflega athyglisverða færslu í dag:
„Kostnaðurinn við Davíð
Það er öllum ljóst að Davíð Oddsson er mjög umdeildur á meðal þjóðarinnar. Ef að hann tjáir sig á opinberum vettvangi þá eru margir tilbúnir að ráðast á hann og gagnrýna harkalega. Vafalaust á hann það oft skilið og ég er sammála Geir Haarde að það var ekki maklegt að gagnrýna Vilhjálm Egilsson og Endurreisnarnefndina eins og hann gerði í ræðu á Landsfundi.

Það er hinsvegar athyglisvert að enginn fjölmiðill tekur efnislega fyrir þá gagnrýni sem að hann viðhafði í ræðunni. Það hlýtur að vera skoðunar virði þegar að fyrrverandi seðlabankastjóri heldur því fram að nýr seðlabankastóri og fjármálaeftirlitið hafi gert mikil mistök í tengslum við Straum, SPRON og Sparisjóðabankann. Mistök sem geti kostað íslenska ríkið mikla fjármuni en Davíð sagði:

„Ég tel ekki útilokað að þarna hafi verið um vanþekkingu aðkomu mannsins að kenna, auk þess sem fjármálaeftirlitið var höfuðlaus her eftir stórkostleg afglöp viðskiptaráðherra," sagði Davíð sem ekki telur útilokað að íslenska ríkið sé skaðabótaskylt gagnvart fjölmörgum aðilum þar sem úrslitaákvarðanir hafi verið teknar af aðila sem alls ekki var fær til þess að taka.

„Það sama á við um SPRON og Sparisjóðabankann."

Einnig gagnrýndi hann Alþjóðagjaldeyrissjóðinn fyrir að hafa stöðvað Seðlabankann í að bjóða út krónustöður jöklabréfaeigandanna og leysa þar með þann gríðarstóra vanda.

Hvað sem því líður þá hefur krónan verið í frjálsu falli síðan að Davíð fór úr bankanum og hér er í töflu þróunin frá því að hann yfirgaf bankann.

Milljarðar króna

Erlendar skuldir þjóðarinnar árslok 2008 13,124

Gengisvísitala krónunnar 26 feb (Davíð hættir) 190

Gengisvísital krónunnar í dag 31. mars 2009 212

Breyting 12%

Hækkun erlendra skulda eftir að Davíð hætti 1,552

Erlendar eignir þjóðarinnar í árslok 2008 9,557

Breyting 1,130

Nettó skuldir um áramót 3,567

Nettó skuldir nú (31 mars 2009) 3,989

Hækkun á nettó skuldum þjóðarbúsins 422

Hækkun á nettó skuldum þjóðarbúsins samsvarar öllum tekjum íslenska ríkisins árið 2009.

Spurningin er hvert sendum við reikninginn?

Er einhver með heimilisfangið hjá Norska Verkamannaflokknum? “

Herða á gjaldeyrishöftin

Athugasemdir

[Baldur Hermannsson, 31.3.2009 kl. 21:52]

Hvers vegna í ósköpunum ættu fjölmiðlar að taka fyrir þessa ræðu efnislega? Þú veist vel að á íslenskum fjölmiðlum er enginn maður hæfur til að fjalla um annað en yfirborð hlutanna. Manstu þegar þeir löptu lygina úr Jóni Ásgeiri gagnrýnislaust: Stærsta bankarán sögunnar!

[Heidi Strand, 31.3.2009 kl. 21:56]

Mér blöskraði hvernig hann talaði um aðra meðal annars forsætisráðherra Íslands og Noregs og salurinn hló.

[Baldur Hermannsson, 31.3.2009 kl. 22:02]

Flott hvernig hann skellti þessum norska kratastrák og álfurinn úr hólnum gleymist seint!

[Heimir Lárusson Fjeldsted, 1.4.2009 kl. 00:18]

Íslenskir fjölmiðlar eru svo ótrúlega yfirborðssleikjandi og bara lélegir.

[Jón Rúnar Ipsen, 1.4.2009 kl. 09:32]

Það er nú sorglegt að menn skuli verja endalaust DO en það er réttur alla að hafa skoðun her sem hún er .

En nú hefur komið fram að útfutningsaðilar hafa stundar að fara framhjá gjaldeyrishöftum og varla hægt að sjá stakt orð um það hér á blogginu . 

Kanski má útskyra fall krónu að hluta til með því að sumir telji sig undarþegna lögum ???

En hitt er stóra spurningin hvaða stjórnmála maður hefur kjark til að koma með niðurskurðaáætlun sína það vita jú allir að það þarf að skera niður til að hagræða . Þess vegna óska ég eftir að stjórnálamenn minki kostingarloforð sín og kynni frekar hvar til standi að skera niður svo við getum gert upp hug okkar í samræmi við raunveruleikan .

[Heimir Lárusson Fjeldsted, 2.4.2009 kl. 13:59]

Kveðja Silla.

[Hörður B Hjartarson, 4.4.2009 kl. 17:16]

Heimir ! Þetta er eins og ef  konan mín drægi fyrir gluggann hjá okkur að deginun til , um kvöldið , þegar væri komið myrkur , þá segði ég við hana ; "Þér var skammar nær að draga fyrir kerling" - , ég meina Heimir það er öllum morgunljóst , þ.e.a.s. þeim er það vilja vita hvert stefnir , nú ef þú veist annað , þá verði þér að góðu - ég hef ekki höfuðvöxt í slíka vitneskju og vil ekki hafa hana ;)

[Ólína Kjerúlf Þorvarðardóttir, 12.4.2009 kl. 12:47]

Gleðiðlega páska kæri Heimir - og takk fyrir bloggvináttu þína.

Njóttu hátíðanna.