Sýndu skilning Vilhjálmur

Samtök atvinnulífsins hafa áhyggjur af seinagangi stjórnvalda. Mátti búast við öðru þegar saman koma mestu afturhaldsflokkarnir í íslenskum stjórnmálum.

Samtök atvinnulífsins verða samt að horfa á það sem vel er gert og ríkisstjórnin hefur sett á afrekalista sinn. Þar á ég við mikla aukningu starfa listamanna sem menntamálaráðherra Katrín Jakobsdóttir kynnti nýlega og tíundað var sem úrræði í atvinnumálum. Vilhjálmur Egilsson má ekki bara vera fúll á móti.

Svo þurfti auðvitað að eyða nokkrum vikum í að flæma hæfa menn frá Seðlabankanum og ráða nýbúa í staðinn. Sýndu smá skilning Vilhjálmur.

Lýsa yfir þungum áhyggjum af stöðu mála

Athugasemdir

[Jóhann Pétur Pétursson, 13.3.2009 kl. 11:14]

Já þar fyrir utan eru allir þingmennirnir okkar uppteknir við að þrefa og þjarka um kosningalöggjöf og breytingar á stjórnarskránni. Það er enginn tími til þess að takast á við efnahagsmálin núna. Mikilvægar hlutir verða að hafa forgang eins og stjórnlagaþing og persónukjör í alþingiskosningum.

Skiptir þá engu þó svo að 15 þúsund heimili sé með neikvætt eigið fé, eignir sem að duga ekki fyrir skuldum og að 70% íslenskra fyrirtækja séu tæknilega gjaldþrota. Þetta eru allt hlutir sem að geta beðið vegna þess að nú er tíminn til þess að ræða stjórnarskrárbreytingar og breytingar á kosningalöggjöf.

En án alls gríns þá eigum við ekki að láta bjóða okkur þetta. Heimilunum og fyrirtækjunum í landinu verður ekki bjargað eftir kosningar, núna er tíminn og hann kemur ekki seinna. Eftir mánuð eða tvo þá verða engin fyrirtæki eða heimili eftir til þess að bjarga.

[Heimir Lárusson Fjeldsted, 13.3.2009 kl. 11:27]

Fólk man þetta 25. apríl.

[Sigurbrandur Jakobsson, 13.3.2009 kl. 11:39]

Það er vert að þakka núverandi menntamálaráðherra fyrir nýsköpunn í atvinnumálum, með fjölgunn listamanna á launum úr okkar vasa. Skatta okkar hjónana námu um 2,5-3 milljónum króna á síðasta ári, mig langar að leggja til að þessi upphæð frá okkur verði eyrnamerkt einhverjum merkum listamanni sem okkar framlag til nýsköpunar og menningarmála

[Heimir Lárusson Fjeldsted, 13.3.2009 kl. 11:52]

Góður!

[Heimir Lárusson Fjeldsted, 13.3.2009 kl. 14:12]

Það er líkt á komið með okkur jafnaðarfólkinu SIlla, þolum ekki öfga.

[Sigurbrandur Jakobsson, 13.3.2009 kl. 16:39]

Satt Sigurbjörg öfgar eru aldrei til góðs.