Ætla ekki að hagnast á neyðinni

Almenni lífeyrissjóðurinn á þakkir skilið fyrir að ríða á vaðið með að hætta við að taka þóknun fyrir að borga fólki út inneign sína í séreignarsjóði.Nægar eru hörmungar fólks svo lífeyrissjóðirnir ætli sér ekki að hagnast á neyðinni.

Hætt við að innheimta kostnað

Athugasemdir

[Haraldur Þór Guðmundsson, 13.3.2009 kl. 12:44]

Það kemur fram í fréttinni að þeir ætluðu sér nota þetta gjald til að mæta kostnaði tengdri útborguninni - full mikið sagt að þeir ætli að hagnast með þessu.  Fyrst þeir eru hættir við, hvaðan heldurðu að þeir peningar komi sem þarf til að gera nauðsynlegar breytingar?  Líklega úr vasa allra - þar með talið þeirra sem eru ekki að nýta sér þetta úrræði.  Er það sanngjarnt?
Peningar vaxa ekki á trjánum og hafa aldrei gert það.  Ef ekki er innheimt fyrir einhverja þjónustu þá þarf einhver annar að gera það.

[Heimir Lárusson Fjeldsted, 13.3.2009 kl. 12:48]

Starfsmenn eru hvort eð er á launum svo enginn útlagður kostnaður var í sigtinu.

[Theo, 13.3.2009 kl. 12:56]

Hvað þarf svo sem að selja til að greiða þetta út. Held að inngreiðslur í hverjum mánuði  frá sjóðfélögum dugi vel fyrir útgreiðslunni. Er svo sammála Heimi um að þessir blessuðu starfsmenn séu bara í sinni vinnu við að dunda við þetta.

[Katrín, 13.3.2009 kl. 13:10]

þarna fann ríkisvaldið góða leið til að redda heimilunum án þess að leggja til þess eina einustukrónu....en fá margar, margar til baka

[Heimir Lárusson Fjeldsted, 13.3.2009 kl. 14:10]

Rétt,Kata fólk borgar skatta af inneignum sínum og miklar tekjur renna til Steingríms J.