Hver ræður hjá Samfylkingunni? - Lýðræðið óvirkt

Björn Bjarnason rekur á áhrifaríkan hátt hvernig lýðræðið er fótum troðið hjá forystumönnum Samfylkingarinnar. Hann rifjar upp hvernig Þórólfi Árnasyni var óvænt kippt fram fyrir lýðræðislega kjörna Samfylkingarmenn þegar kom að því að velja arftaka Ingibjargar Sólrúnar þegar hún neyddist vegna klaufaskapar að segja af sér sem borgarstjóri Reykjavíkur.

Björn bendir líka á þá einkennilegu aðgerð að gera Jóhönnu Sigurðardóttur að forsætisráðherra, þvert á lýðræðislegar reglur íslenskra stjórnmálaflokka og siðferði. Það siðferði er ekki við lýði í Samfylkingunni svo mikið er víst.

Annars freistast ég til að telja Ólaf Ragnar sökudólg í innanflokksmálefnum Samfylkingarinnar þegar kemur að vali á Jóhönnu Sigurðardóttur.

Hvaða langlundargeð hafa kratar gagnvart ráðsmennsku Ólafs  Ragnars og annarra allaballa um málefni og mannval í Samfylkingunni?

Segir þagnarmúr um formennsku í Samfylkingu rofinn

Athugasemdir

[hilmar jónsson, 15.2.2009 kl. 17:37]

Já auðvitað á Ólafur Ragnar sök á sundrung Samfylkingarinnar alveg eins og bankahruninu og gæfuleysi Davíðs.

[Sigurður Sigurðsson, 15.2.2009 kl. 18:05]

Satt segir þú Heimir, Samfylkingin er margklofinn flokkur eða í raun margir flokkar eins og Geir Haarde benti á.

Hvernig er hægt yfir höfuð að kjósa svona sundraða stjórnmálahreyfingu ??  Mér þykir líklegt að SF sé mun nær klofningi en Sjálfstæðisflokkurinn.

[Loftur Altice Þorsteinsson, 15.2.2009 kl. 18:09]

Jón Baldvin er kominn á fulla ferð og Imbu-liðið dregur niður hettuna. Samfylkingin nær sjaldan saman 120 mamnna fundi, en mikil eindrægni var á þessum fundi Alþýðuflokksmanna.

Því lengur sem há-aðall Samfylkingarinnar verður í afneitun, þeim mun stærri verður sprengikrafturinn í Jóni Baldvin.

Aðvörun: forðist Samfylkinguna vegna stórkostlegrar sprengihættu !

[Heimir Lárusson Fjeldsted, 15.2.2009 kl. 19:10]

Það verður spennandi að fylgjast með framvindunni hjá Samfylkingu jafnaðarmanna, nú sem endranær.

[Rúnar Þór Þórarinsson, 16.2.2009 kl. 06:23]

Haha! Þú ert nú alveg frábær.

En er þetta ekki erfitt þegar það sem þú átt a segja er ekki matað ofan í þig svona 100%?

Ertu annars ekki örugglega viss um að SF hafi "hlaupið út undan sér" í stjórnarsamstarfinu og "VG hafi staðið fyrir teggja sólahringa ofbeldi á Austurvelli"? Það eru tvær af svona um 10 til 12 spjall-lummum sem þið sjálfstæðismenn raðið í lúna spjaldskrána í framheilaberkinum  áður en þið opnið munninn/bloggið og er svo þreytt og fullt sjálfspíningar að maður vorkennir nágrönnunum.

Hvernig væri nú að gera upp við fortíðina - SF er ekki búin að því, en allavega byrjuð. Þið þurfið alvarlega að debugga ykkar gömlu 286 truntur og endurræsa.

[Heimir Lárusson Fjeldsted, 16.2.2009 kl. 10:30]

Þakka innlitið Rúnar Þór. Mikið rétt 100% mötun er vel þegin. Ekki verra ef myndskreyting fylgir.