Ekki gagnrýna þáttagerðarmenn á útvarpi Sögu

Manni einum orðvöndum og siðprúðum varð það á fyrir mörgum mánuðum síðan að gagnrýna orð þáttagerðamanns á útvarpi Sögu á þessum vettvangi. Orðin sem gagnrýnin beindist að hnigu að því að hann sagði að  í Breiðholti byggi bara undirmálsfólk,  sérstaklega í Æsufelli.

Síðan hefur umræddur þáttagerðarmaður nýtt sér fjölmörg tækifæri til að hnýta í viðkomandi á miður geðslegan hátt.

Annar þáttagerðarmaður hefur bakkað hann upp í gagnrýni sinni. Ekki er ég viss um að hann dragi fleiri viðskiptavini að bílasölunni sem hann starfar líka hjá með þeirri framkomu sinni.

Mörgum er í fersku minni þegar útvarp Saga tók þekkta athafnakonu fyrir og rægði til óbóta.

Ef þetta er viðvarandi stefna Sögu vil ég beina eindregnum tilmælum til fólks að auglýsa ekki á Sögu, til að sýna þeim að takmörk er fyrir dólgshættinum.

Athugasemdir

[Þórður Þórðarson, 31.1.2009 kl. 03:26]

Eru þetta ekki aðeins ungæðisleg látalæti í þáttagerðarmanninum?