Hvaða bull er í gangi?

Það vekur eftirtekt mína, ekki einungis vegna útsalanna heldur í daglegu máli að vörur eru ýmist hærri eða lægri í  verslunum landsins. Þá fjölgar lágvöruverslunum á landinu.

Útvarpið talaði í fréttatíma áðan um 30-40%  lægri vörur á útsölunum sem hófust í dag samkvæmt sömu frétt.

Það er undarlegt ef verð skiptir ekki lengur máli heldur hvort vörur eru háar eða lágar.  

Hvenær fáum við hávöruverslanir? 

Hvenær fáum við  meðalháar vörur?

Margmenni á útsölum

Athugasemdir

[Guðmundur Eyjólfur Jóelsson, 3.1.2009 kl. 19:26]

er ekki búið að hækka verð og setja svo niður aftur um 30-40 % er ekki svona sem það gengur bara ef það heitir útsala þá heldur fólk að það sé að kaupa á hagstæðu verði ,bið fólk að vera vakandi .

Hef oft verið að velta fyrir mér verðmyndannir hér á landi ,ég var staddur í Indónesiu fyrir skömmu og þurfti þá að kaupa sparperu ,það eru ekki aðrar perur notaðar þar kostaði hún um 150 iskr hér heima kostar sambærileg pera milli 900-1000 kr finnst mér það æði mikill munur og þarna hlýtur álagninginn hér á landi að vera töluverð mikil hjá innflytenda .

[Heimir Lárusson Fjeldsted, 3.1.2009 kl. 19:33]

Verðlagningin er auðvitað annað mál og ábending þín góð.

[Sigurbrandur Jakobsson, 3.1.2009 kl. 20:31]

Ég var að koma frá Akranesi um nónleitið í gær á leið vestur á Sand og ég mætti bílum Snæfellinga hreinlega í hollum á leið á útsölur væntanlega.