.= Punktur

Þessi punktur í fyrirsögninni varð til þess að Mogginn birtir ekki lengur athugasemdir mínar við fréttir blaðsins.

Ég hef ítrekað fjarlægt hann en samt er hann þyrnir í augum ritstjórnar bloggsins. Þeir taka ekki síma og svara ekki tölvupósti.

Í þjóð skrá er ég Heimir L Fjeldsted en ég hef ritað nafn mitt Heimir L. Fjeldsted og hef ég notað punktinn vegna þess að ég heiti ekki L en hann táknar styttingu föðurnafns míns sem er Lárusson.

Þjóðskrá vill að ég heiti L og Mogginn er því sammála. Ekki ég en beygi mig. 

 

Athugasemdir

[Jón Rúnar Ipsen, 2.1.2009 kl. 13:07]

Það er ekki öll vitleysan eins . Er ekki málið að mæta upp í rauðmóa og mótmæla taka nóg af eggjum og slíku til að leggja áherslu á orð sín

[Heimir Lárusson Fjeldsted, 2.1.2009 kl. 13:10]

Brjóta gler og gersemar?

[Heimir Lárusson Fjeldsted, 2.1.2009 kl. 15:08]

Allt unnið í tölvum en vandir menn að virðingu sinni fara yfir tölvunnar verk og lagfæra þegar það á við.

Þeir sparka ótrúlega oft í áskrifendur Moggamenn.

[Vésteinn Valgarðsson, 3.1.2009 kl. 07:08]

Heitirðu "L"? Fékkstu það samþykkt sem sérstakt millinafn hjá mannanafnanefnd?

[Heimir Lárusson Fjeldsted, 3.1.2009 kl. 12:34]

Sæll frændi. Já nú heiti ég L samkvæmt úrskurði Morgunblaðsins eftir tillögu Þjóðskrár. Ég hef andmælt Morgunblaðinu án árangurs. Þjóðskrá nenni ég ekki að mótmæla.

Ég á afar erfitt með að sætta mig við ritháttinn og hyggst því sækja um að fá að skrifa nafn mitt Heimir Ell Fjeldsted.

Hvernig lýst þér á það?

Heimir Ell.

[Vésteinn Valgarðsson, 4.1.2009 kl. 00:36]

Frændi minn ber millinafnið Lár. Þú gætir kannski tekið það upp? Eða kannski Elliði, stytt í Ell?