"Hallelúja á jólanótt er hámark guðsþjónustunnar að því er tekur til söngsins.«"

Hátíðasöngvar sr. Bjarna Þorsteinssonar verða sungnir í öllum kirkjum landsins uum þessi jól og áramót sem önnur í áratugi. Það eitt að heyra Hátíðasöngvana vel flutta í fjölmennri athöfn um jól er þess virði að lifa lífinu.

Ég vil vekja athygli á góðri grein um sr. Bjarna Þorsteinsson og Hátíðpasöngvana í Morgunblaðinu í dag á bls. 66. Greinina skrifaði Jónas Ragnarsson ritstjóri. Fær hann mínar bestu þakkir fyrir.

 

Ég valdi tvær tilvitnanir nánast af handahófi ú greininni sem fara hér á eftir:

 

"Baldur Andrésson, guðfræðingur og tónlistargagnrýnandi, sagði í blaðinu Siglfirðingi 1935 um Hátíðasöngvana: »Eru þeir í huga kirkjurækinna manna sá þáttur guðsþjónustunnar sem gerir hana með þeim helgiblæ er þeir óska. Hljómarnir í Hátíðasöngvunum eru fagrir og hátíðlegir. Hallelúja á jólanótt er hámark guðsþjónustunnar að því er tekur til söngsins.«"

 

"Þegar áttatíu ár voru liðin frá fæðingu Bjarna, haustið 1941, sagði Sigurgeir Sigurðsson biskup í Lesbók Morgunblaðsins: »Kirkja Íslands á honum mikið að þakka fyrir tónana sem hann gaf henni. Hátíðasöngvar hans munu um ókomin ár snerta mjúklega hjörtu Íslendinga á helgum stundum og lyfta anda þeirra í hæðir."