Sýndarmennska - gúrkutíð

Það er hreint ótrúlegt að heilbrigðisstéttir skuli geta lagt fjölmiðla hreinlega undir sig sumar eftir sumar.

Þær fá ekki svo nýtt vaktaplan að ekki sé grátið og jarmað í öllum fréttatímum vikum saman.

Nú síðast eru það ljósmæður sem leggja fjölmiðlana undir sig og ryðjast inn á heimili okkar og eru hvar sem útvarpstæki er í gangi.

Dagblöðin eru uppfull af þessari (ljós)móðursýki sem tröllríður þjóðfélaginu.

Viskubrunnurinn Jón Bjarnason alþingismaður bloggar áskorun á ríkisstjórnina í dag eina velluna enn.

Ég man þá tíð að fjölmiðlar voru sumarið langt með fréttir af gúrkusprettu garðyrkjubænda, verði og afsetningu á haugana. Að vísu var það líka þreytandi en má ég þá heldur biðja aftur um "gúrkutíð."

 

Læknar lýsa yfir stuðningi við ljósmæður

Athugasemdir

[Snorri Bergz, 3.9.2008 kl. 21:49]

"Viskubrunnurinn Jón Bjarnason alþingismaður bloggar áskorun á ríkisstjórnina í dag eina velluna enn."

Já, þegar ég sá þetta hugsaði ég: "afsakið meðan ég gubba".

Ég átta mig ekki á því hvaða PR mann hann hefur eiginlega í vinnu.

[Heimir Lárusson Fjeldsted, 3.9.2008 kl. 21:54]

Viskubrunnar treysta ekki öðrum fyrir hugsunum sínum!

[Ingibjörg Hrefna Björnsdóttir, 4.9.2008 kl. 07:35]

nú vona ég að þú sért að gera að gamni þínu frændi. annars er mér illa brugðið.

kveðja frá kaupmannahöfn. ib

[Heimir Lárusson Fjeldsted, 4.9.2008 kl. 10:26]

Í morgun hef ég hlustað á fjóra fréttatíma. Allir voru með fréttir af kjaradeilu ljósmæðra. Það er eins og himinn og jörð sé að farast.

Enginn þessara ljósvakafréttamiðla sagði frá kaupum "ríkra" Suðurnesjamanna sem "keyptu" hlut í Sparisjóði Keflavíkur fyrir lánsfé frá Icebank upp á svona tvo og hálfan milljarð króna, en þess ber að geta að enginn aðspurðra man fjárhæðina. Það þarf ekki að orðlengja það að á fyrstu sex mánuðum ársins hefur SpK. tapað meira en tíu milljörðum króna og fjárfestingin ekki eins aðlaðandi fyrir bragðið.

Fjárfestarnir hinir ríku Suðurnesjamenn neita að greiða skuld sína við Icebank og komast upp með það bótalaust. Icebank afskrifar 2.5 milljarða króna athugasemdalítið og fréttatímar ljósvakamiðlanna segja frá kjaradeilu ljósmæðra og vaktastríði lækna á LSH.

Ég veit að þú sérð samhengið mín kæra frænka Ingibjörg Hrefna í Kaupmannahöfn.

Mætti ég þá frekar horfa upp á fjárglæframenn leika listir sínar í skjóli gúrkna og tómata.