Skjall.

22.7.2008 | 21:52

Þessi afmæliskveðja er á síðu meintra trúnaðarmanna hjá Strætó bs. www.hivenet.is/bus

Mér dettur eitt orð í hug eftir lestur lofrullunnar, skjall.

Sjón er sögu ríkari:

"ÖGMUNDUR JÓNASSON

HVERNIG GETUR SVONA UNGUR MAÐUR VERIÐ ORÐINN 60 ÁRA?

Óskum Ögmundi til hamingju! Sl. mánuði höfum við trúnaðarmenn strætó mikið þurft á aðstoð hans að halda vegna starfsmannamála strætó. Hann ásamt Garðari Hilmarssyni formanni Starfsmannafélags Reykjavíkur hafa staðið sem klettar við bakið á okkur í þeirri orrahríð sem yfir okkur hefur dunið.
BSRB og félagið hafa unnið að okkar málum þétt og stígandi. Hvort sem það er helgi, kvöld eða í sumarfríum, þeir mæta á fundi með okkur og ætla allt fyrir okkur að gera. Við metum það og tökum aðstoð og ráðleggingum fegins hendi. Málið er í þeirra höndum.
Ögmundur er einn rökfastasti maður sem við höfum kynnst og þegar hann talar hlustar fólk, bæði vegna þess að hann hefur alltaf eitthvað til málanna að leggja og það er gaman að hlusta á hann. Hann er snöggur að greina eðli þeirra mála sem um er fjallað og er talsmaður "allra" sem er eiginleiki sem fáum er gefinn. Ögmundur bauð til stórveislu á Grímshaganum í tilefni af tímamótunum. Skál!"

Hræddur er ég um að Ögmundur Jónasson vilji ekki lesa fleiri skjallgreinar.
SKÁL!