Forhertur forstjóri.

Mér blöskraði framkoma Jóns Ásgeirs Jóhannessonar í Kastljósi í kvöld.
Þar hraunar hann yfir opinbera starfsmenn sem eru að sinna skyldustörfum.
Hví í ósköpunum er hann svona hræddur við arm laganna ef samviskan er hrein?
Hvað hefur hann stolið miklu frá alþýðu manna í formi undanskota frá skatti?
Hvað hefur hann stolið miklu af virðisaukaskattinum sem hann hefur innheimt af okkur viðskiptavinum Bónuss og annarra verslana í eigu JÁJ?
Auðvitað er hann hræddur við dómana sem eru handan við hornið

Athugasemdir

[Heimir Lárusson Fjeldsted, 17.11.2006 kl. 22:34]

Þú ert alltaf jafn viss í þinni sök.

Hræsni er það ekki.

Orðljótari maður.......

[Heimir Lárusson Fjeldsted, 17.11.2006 kl. 23:14]

Jæja meistari.

Ég má til með að gera þá játningu að ég versla aðallega í Kjötborg, hinum þekkta stórmarkaði við Grund, en einstaka vörutegundir kaupi ég þó í Bónus.

Borgarnes kjötvörurnar í Kjötborg eru hreinasta hnossgæti.

[Sigurður Eðvaldsson (IP-tala skráð) 18.11.2006 kl. 00:10]

Það fer ekki á milli mála Heimir að þér er verulega í nöp við Bónusfeðga.Þetta er ekki í fyrsta annað né þriðja sinn sem að ég sé að þú ert að skíta þá út á blogginu þínu.Má ég spyrja bara svona fyrir forvitnissakir hafa þeir feðgar gert þér eitthvað persónulega?

[Heimir Lárusson Fjeldsted, 18.11.2006 kl. 10:00]

Sigurður, ég hef oft lýst ástæðum þess að mér er verulega í nöp við þá feðga. Ég á afskaplega erfitt með að þola óheilindi hvort heldur er í leik eða starfi. Þessir menn komust ekki til auðs og valda með heiðarlegum hætti og því miður lágu aðrir í valnum þegar þeir höfðu beitt sér á sinn sértæka hátt. Óheiðarleiki mun fylgja þeim feðgum, eins og við sjáum birtast þessa dagana þegar þeir telja helstu vörn sína í þeim fjölmörgu ákæruliðum sem á að fara að fjalla um, að sverta starfsmenn ríkislögreglustjóra og ata þá auri til að ógna þeim og dómurunum sem eiga eftir að fjalla um þeirra mál. Er ekki Mafíubragur á þessu?

Þegar vörnin hjá auðmönnum felst í slíkri lágkúru er fátt um fína drætti.

Galdrameistarinn virðist þekkja aðferðir til flokksstarfa sem mér eru ekki að skapi og hef ekki áhuga á að læra.

[Heimir Lárusson Fjeldsted, 18.11.2006 kl. 19:29]

Þakka vinsamleg orð í minn garð.

Ætli þjófarnir fái ekki makleg málagjöld hvort heldur þeir eru kenndir við olíufélagasamráð eða Baug.

[Sigurður Eðvaldsson (IP-tala skráð) 20.11.2006 kl. 01:34]

Án þess að vilja hafa í frammi einhvern dónaskap þá verð ég að taka undir með Galdrameistaranum.Ég og allir sem að ég hef rætt við um mál þetta finnst málsókn saksóknara vera sprottin af allt öðrum ástæðum en rökstuddum grun um að þeir hafi framið ólögleg afhæfi.Ég minnist þess sérstaklega þegar Davíð Oddson var spurður að því þegar þetta mál var ekki enn komið fyrir dómstóla hvort að þetta mál væri pólitískt. Svar hans var : Ef það er pólitískt þá vísa dómarar því frá.Og það hafa þeir gert hingað til og mín spá er að Bónusfeðgar verði aldrei dæmdir fyrir eitt eða neitt því þeir sem saklausir eru verða varla dæmdir.En þá er aftur spurning hvort að Bónusfeðgar fara ekki í skaðabótmál við ríkið eftir á , þar sem að þeir  hafa jú þurft að opna buddur sínar til þess að verja sig.

[Heimir Lárusson Fjeldsted, 20.11.2006 kl. 17:26]

Það er ekki rétt að dómarar hafi hingað til vísað málum frá.

Þeir vísuðu einu af nítján málum frá og eru þá ekki átján eftir.

Hvaða pólitíska blinda er þetta?

Eða er þetta bara ÁrnaJohnsenssiðblinda?

[Sigurður Eðvaldsson (IP-tala skráð) 21.11.2006 kl. 12:32]

Það er rétt hjá þér Heimir einni ákæru af þeim sem núverandi saksóknari Sigurður lagði fram.En það fuku eitthvað í kringum 20.stk af ákærum útaf borðinu þegar fyrrverandi saksóknari í máli þessu, Jón Snorrason lagði það fyrst fyrir dómstóla.Og annað Árni Johnsen og póltísk blinda  koma skoðanaskiptum okkar ekkert við.