Í ræðu dagsins var skotið yfir markið.

Ég skellti mér í kröfugöngu í dag. Heilmikið labb því fyrst gekk ég í hálf tíma til að komast í gönguna. Gat ekki hugsað mér að ganga á eftir merki míns félags að þessu sinni en gekk fast á eftir fána samtakanna BSRB.

Að lokinni göngu þáði ég kaffi hjá Vinstri grænum Á Vesturgötu 7 og ljómandi góða hjónabandssælu með.

Að þeim veitingum loknum fór í  kaffi hjá BSRB  á Grettisgötu 89 og þar heldur betur margt um manninn. Félagið mitt auglýsti ekki einu sinni á heimasíðu sinni að kaffi væri á boðstólum 1. maí og er þetta þó um þrjú þúsund manna félag.

Þau er líklega of upptekin við að reyna að stjórna opinberu fyrirtæki fyrir sveitarfélögin á höfuðborgarsvæðinu. 

Ég fór að fordæmi þess sem getið var í pistli hér að framan og mótmælti afskræmdu lýðræði félagsins míns með göngunni. 

Ræðu dagsins hef ég lýst með fyrirsögn pistilsins. 

Formaður SFR: Splundruð þjóð

Athugasemdir

[Sigrún Jónsdóttir, 1.5.2008 kl. 18:19]

Mér fannst ræða formanns SFR mjög kjarnyrt og góð.  Ég gekk með einni af lægst metnu stéttum þessa stéttskipta ríkis, Sjúkraliðafélagi Íslands

[Heimir Lárusson Fjeldsted, 1.5.2008 kl. 18:41]

Mér fannst ræðan of kjarnyrt Sigrún. Sjúkraliðar eru hátt skrifaðir hjá mér!