Ljót lýsing.

Það er kannski að bera í bakkafullan lækinn að skrifa meira um hvíldartíma atvinnubílstjóra en gert hefur verið um skeið. Ég rakst á skrif strætóstjóra hér á blogginu og get ekki látið hjá líða að benda öðrum á:

"Strætóbílstjóri getur óáreittur ekið sína vakt á strætisvagninum, farið beint á malarflutningabíl eða rútu að aflokinni vaktinni, og jafnvel endað sólarhringinn á leigubíl. Ekkert eftirlitskerfi er utan um þetta. Margir vinna einmitt á þennan hátt til að ná upp launum sínum.

Vaktir strætóbílstjóra hafa lengst sífellt síðustu ár, vinnuhlé eru stopul og háð umferð. Raunveruleg vikuleg vinnukvöð strætóbílstjóra er 48 stundir á viku, flestir vinna miklu,miklu meira en það. Hvernig afsakar eftirlitsaðilinn, vegagerðin þetta? Afsakanirnar eru þær að almenningsvagnar séu á undanþágu samkvæmt lögum EES, og þurfi ekki að nota skífur þar með. Einnig að undanþága sé í lögum sem þýði að öllum sé sama hversu mikið strætóökumaður vinnur á meðan hann er ekki meira en 50 km. frá höfuðstöðvum.

Það er aukaatriði að hann kemst kannski varla út úr vagni sínum á vaktinni, sé umferðin og færðin þung. Það virðist einnig vera aukaatriði að hann vinnur á sömu götum og þeir sem þurfa að hlíta lögunum um hvíldartíma."

Getur verið að þarna vanti öryggistrúnaðarmann? 

Sturla: Ég berst fyrir ykkur