Árásarmaðurinn skilgetið afkvæmi Sturlu.

Sturla kannast ekki við afkvæmi sitt, en hann ber öðrum fremur ábyrgð á stöðu mála með framkomu sinni að undanförnu.

Sturla viðist því miður ekki gera sér grein fyrir ábyrgð sinni og er vonandi að hann eigi góða að sem geta komið honum í skilning um þá ábyrgð sem hann ber. 

Sturla: „Ekki á okkar ábyrgð"

Athugasemdir

[Kristinn (IP-tala skráð) 24.4.2008 kl. 19:27]

Hann ber ekki ábyrgð á stöðu mála, Ekki var það hann sem hóf uppþotið í gær !, hann ætlaði að fá sér kaffi, ræða málin með félögum sínum og lagði í löglegu hvíldarstæði ásamt öðrum talsmönnum Samtakanna.
Lögreglan getur sjálfri sér um kennt að allt sé að fara til helvítis, ég hljóma kannski eins og 4 ára krakki en segi þetta samt.."þeir byrjuðu"

Björn bjarna og Geir haarde mega báðir einfaldlega segja afsér eða leysa málin í kvelli áður en þeir verða þeir næstu sem verða kýldir.

kv. kristinn, stuðningsmaður vörubílstjóra 

[Bjarki Ívarsson (IP-tala skráð) 24.4.2008 kl. 19:30]

Að hóta tveim af æðstu ráðamönnum landsins líkamsmeiðingum, beint eða óbeint, er brot á hegningarlögum.

[Heimir Lárusson Fjeldsted, 24.4.2008 kl. 19:37]

"Björn bjarna og Geir haarde mega báðir einfaldlega segja afsér eða leysa málin í kvelli áður en þeir verða þeir næstu sem verða kýldir.

kv. kristinn, stuðningsmaður vörubílstjóra "

Þú hefur bara í hótunum!

Hverskonar fæði ertu á????

[Sigurbjörn Friðriksson, 24.4.2008 kl. 19:54]

Þarna er "Kristinn stuðningsmaður vörubílstjóra" enn einn bletturinn á Félag vörubílstjóra.

Líkur sækir líkan heim.

[kristinn (IP-tala skráð) 24.4.2008 kl. 19:55]

ég er ekki að hóta þeim neinu né segja að ég sé að fara að kýla þá, ég er einfaldlega að vara þá við að verða kýldir. Ef að lögregluþjónar eru kýldir fyrir að gera trukka upptæka án þess að hafa heimild til(eins og ég náði að lesa útur þessi í gærkvöldi) og öskra GAS GAS GAS !, þá sé ég ekki minni líkur á því að þeir verðir þeir næstu sem verða kýldir af einhverjum sem erbúinn að fá upp í kok.

ég leysi ekki ágreiningsmál með slagsmálum, og hvað þá þegar um æðsti ráðamenn Íslands er um að ræða

[Heimir Lárusson Fjeldsted, 24.4.2008 kl. 20:00]

Auðvitað ertu að hóta Kristinn.

[Kristinn (IP-tala skráð) 24.4.2008 kl. 20:07]

þetta eru einfaldlega mín orð og mín aðferð til samlýkingar, en auðvitað vona ég og vil að þessi deila leysist sem fyrst enda er hún engum til góðs.

[Heimir Lárusson Fjeldsted, 24.4.2008 kl. 20:11]

Deila um hvað Kristinn?

[Gunnar Th. Gunnarsson, 24.4.2008 kl. 20:12]

Hvað eiga ráðamenn að leysa í hvelli? Þessi upphlaup hjá bílstjórunum eru tóm vitleysa og samúðin frá almenningi er byggð á misskilningi.

[Bimbó (IP-tala skráð) 24.4.2008 kl. 20:22]

Sennilega hefur maðurinn verið útsendari á vegum Björns Bjarnasonar,,lymskulegt trikk af hans hálfu,, Allavega vildi Sturla ekkert við manninn kannast, né þekkjast,, Þó vissi hann að hann hefði verið nýkomin úr skurðaðgerð á hné,, Hins vegar er ég sammála Sturlu að eflaust átti að gæta jafnræðis og veita manninum aðhlynningu eins til jafns við lögreglumanninn,,Af myndböndum má dæma að lögreglukonan sem var mest í sviðsljósinu þarf að leita sér að annarri vinnu,,Hún á ekkert erindi í lögregluna eða misskilur aðstæður hrapalega,,

[Kristinn (IP-tala skráð) 24.4.2008 kl. 20:23]

deila vörubílstjóra

takk fyrir spjallið, ætla ekki að blanda mér meira í umræður tengdar þessu máli í hættu við að verða misskilinn, bless 

[Heimir Lárusson Fjeldsted, 24.4.2008 kl. 20:25]

Um hvað snýst deila vörubílstjóra Kristinn?

[Halldór Þórðarson/dóritaxi, 24.4.2008 kl. 20:44]

Athafnir og umræða um þessi mál er farin "að mínu mati"að líkjast ævintýri eftir H.C.Andersen en bera líka smá keim úr sögunni um litlu gulu hænuna þar var viðkvæðið og svarið var ávallt "ekki ég"  en við lestur ykkar þá dettur mér í hug máltækið "Gott er að hafa gler í skó þá gengið er í kletta" og líka heilræðið "þú skalt ekki kasta grjóti, þú sem í glerhúsi býrð" 

því hver hefur rétt til þess að kalla einhvern einstakling sem hann ekkert þekkir ónefnum og um leið gerast dómari á andlegt og vitsmunalegt atgervi þess er um er rætt, nei þennan rétt höfum við ekki en vonandi eigið þið gleðilegt sumar og endilega gangið hægt um gleðinnar dyr.

[Tobbi (IP-tala skráð) 24.4.2008 kl. 20:44]

Ef Kristinn svarar ekki spurningunni þá get ég það.  Hún snýst um það í fyrsta lagi að vörubílstjórar vilja að íslenska ríkisstjórnin segi olíuframleiðsluríkjum fyrir verkum og skipi þeim að lækka olíuna.  Hlusti þeir í útlöndum ekki á ráðamenn hér ber Íslendingum að sýna þeim hvar Davíð keypti ölið.  Í annan stað vilja vörubílstjórar að reglur um hvíldartíma, sem settar eru almenningi til verndar, verði rýmkaðar þannig að heimilt verði að aka svefnlaus og útkeyrður á 49 tonna tæki um vegi landsins og þar með auðvitað um íbúðargötur og framhjá skólum.  Mér finnast þessar kröfur bara sanngjarnar, sérstaklega í ljósi þess að til þess að sýna fram á ófremdarástandið sem skapast af vökulögunum og framkvæmd þeirra létu talsmenn vörubílstjóra út úr sér ýmislegt sem í besta falli er hálfsannleikur en ég, amk. ef börnin mín hefðu borið eitthvað sambærilegt á borð fyrir mig, myndi telja nánast hreina lygi.  Og hálfsannleikur og annað þaðan af verra gera málstað vörubílstjóra vitaskuld góðan, ekki satt?

[Heimir Lárusson Fjeldsted, 24.4.2008 kl. 21:02]

Þakka þér Tobbi fyrir skilmerkilega greiningu á "deilunni".

[Ómar Már Þóroddsson (IP-tala skráð) 24.4.2008 kl. 21:12]

Það er alltaf eins með þig Heimir L það er gott að kynna sér ekki málin heldur kasta steinum úr glerhúsi. Tobbi ég mundi kynna mér málin áður en ég færi að tjá mig. Í fyrsta lagi leggur ríkið álögur á olíuna, í öðru lagi er borgað kílómetragjald sem ekki er rukkað í nágrannalöndunum, í þriðjalagi er ekki verið að tala um að menn megi vinna ótakmarkað því í lansdslögum er skilirt 11 klst hvíld,það sem menn eru að tala um er að í dag mega bílstjórar sem vinna eingöngu við að keyra vinna í 9 klst og tvisvar í viku 10 klst. Þetta er það sem málið snýst um. Reyndar eru þeir sem vinna hjá t.d skipafélögunum og lesta bílana sjálfir að vinna allt upp í 16 klst. Þeir mæta í vinnuna og lesta bílinn setja svo skífurnar í og keyra í 9 til 10 klst. Og vilja menn frekar hafa þetta eins og skipafélögin að taka menn í kvöld og næturvinnu sem eru búnir að vinna 8 klst einhverstaðar annarstaðar. Ég held að þið sem eruð að gagnrýna um hvað er verið að tala ættuð að kynna ykkur málinn fyrst áður en þið farið að fara með tóma þvælu eins og Tobbi hér fyrir ofan og Heimir L virðist vera ansi gjarn á að gera.

[Magnús Jón Aðalsteinsson (IP-tala skráð) 24.4.2008 kl. 21:14]

Er kalt þarna uppi á hásætinu þar sem þú situr, ásamt hægrisinnuðum bloggvinum, og dæmir fólk frá...Heimir?

[Tobbi (IP-tala skráð) 24.4.2008 kl. 22:44]

Bara svo að það sé á hreinu.  Ég er ekki vörubílstjóri.  Ég er rútustjóri.  Ég þekki nákvæmlega reglur um hvíldartíma bílstjóra.  Ég fer eftir þeim.  Vil ég mæta trailer hvers bílstjóri er búinn að aka í tíu tíma þann dag fyrir utan stopp? Það eru þá væntanlega nær tólf tímar síðan hann settist undir stýri miðað við að hann hafi bara tekið lágmarksstopp.  Helst ekki. Minnsta kosti þætti mér gott að vegurinn væri beinn og breiður.  Ég hef sjálfur ekið í átta til tíu tíma á dag í umferð.  Löglega.  Og ég var satt að segja alveg búinn að fá nóg þann daginn.  Kannski er ég aumingi.  En ég tók nú samt 124 kíló í bekkpressu einhverntímann. Langar mig til að heimilað verði að vörubílstjórar megi aka í tólf tíma? Eða fjórtán?  Nei.  Mig langar heldur ekki til þess að menn séu sendir á vörubíl eftir að þeir hafa unnið fullan vinnudag annars staðar.  En það breytir því ekki að reglur um aksturs- og hvíldartíma voru settar að gefnu tilefni.  Það var nefnilega svo merkilegt að þegar þær voru settar hættu flutningabílar að lenda trekk í trekk úti í skurði af því að ljósin á þeim slokknuðu.  Eða var það kannski eitthvað annað sem slokknaði.  Kannski meðvitund ökumannsins.  Og um gjöldin.  Þau hafa ekkert breyst að undanförnu.  Olíugjaldið er föst tala.  Kílómetragjaldið er föst tala.  Eina gjaldið sem hefur breyst að undanförnu er vaskurinn.  Og hann fá bílrekendur endurgreiddan.  Þannig að gagnvart bílstjórum hefur ekkert breyst nema verðið frá útlöndum.  Og þótt Haarde og Solla séu næstum almáttug ráða þau engu í OPEC.  Þá er talað um að gjöldin þurfi að lækka.  Þar með er verið að minnka tekjur ríkisins.  Tekjum ríkisins er varið til að bæta vegi, byggja skóla, reka sjúkrahús o.s.frv.  Kannski eiga bílstjórar ekki börn sem ganga í skóla? Kannski þurfa bílstjórar ekki á læknisþjónustu að halda?  Þeir þurfa þó alltént vegi.  Og trailer slítur vegi á við hversu marga fólksbíla?  Einhverntímann heyrði ég töluna sex þúsund.  Einhversstaðar verður að taka peninga til að mæta því viðhaldi.

Það vill nefnilega svo til að ég legg ekki í vana minn að fjasa um eitthvað sem ég hef ekki vit á.  Og ekki heldur í þetta sinn.  En ég minni á það sem ég sagði áðan um hálfsannleikann.

Góðar stundir

[gaflarinn (IP-tala skráð) 24.4.2008 kl. 22:45]

.....aldrei komma á undan orðinu "og" Magnús. Þið trukkabílstjórar þyrftuð nú að taka nokkra tíma í réttritun og hætta þessum helv. látum. Þið eruð verri en Pólverjarnir okkar að þessu leiti.......þið eruð þó Íslendingar er það ekki????? Þið eruð ekki með þessi mótmæli fyrir fólkið í landinu, heldur ykkur. Það eru allir orðnir hundleiðir á ykkur.......

[Heimir Lárusson Fjeldsted, 24.4.2008 kl. 23:02]

Það er ekkert að því að setja fram réttmætar kröfur á hendur ríkinu um hvíldartíma, lækkun gjalda o.s.frv. Það verður bara að setja þær skilmerkilega fram og af sanngirni. Síðan þarf að gef ákveðinn umþóttunartíma og ef ekki er brugðist við má fara að huga að mótmælum á einhvern hátt.

Aðgerðirnar að undanförnu eiga ekkert skylt við vinnubrögð sem ég hef lýst hér að framan og siðmenntað fólk notar.

Að beita almenning ofbeldi með því að hefta för hans í tíma og ótíma er fyrir neðan allar hellur.

Að valda lögreglumönnum líkamlegum skaða með ofbeldi nær ekki nokkurri átt.

Því fyrr sem ofbeldisaðgerðum líkur, því betra fyrir alla; líka vörubílstjóra.

Þakka þér málefnalega úttekt Tobbi.

[Stebbi (IP-tala skráð) 24.4.2008 kl. 23:03]

Það eru ekki nema teflonheilar, sem styðja þessa ofbeldisfullu vörubílstjóra. Þeir virðast vera til alls líklegir. Mér fannst lögreglukonan standa sig vel, sem sneri mannfýluna niður í dag. Það er ekki á hverjum degi, sem maður sér svona knáar stelpur. Það var ekki hátt á honum risið, ofbeldismanninum þeim arna, sem lá þarna eins og sveskja undir stelpunni. Þvílík skömm!!!

[Ómar Már Þóroddsson (IP-tala skráð) 24.4.2008 kl. 23:05]

Tobbi þess mun meiri ástæða að kynna sér málin. Því Kristján Möller var að reyna að fá undanþágu fyrir rútubílstjóra þannig að þeir mættu vinna í tólf daga en það er ólöglegt samkvæmt akstur og hvíldartíma reglunum. Enn og aftur kynna sér málin.

[DíDí (IP-tala skráð) 24.4.2008 kl. 23:44]

Ég er ekki bloggari og á enga síðu að blogga á.  En þar sem ég hef verið að lesa rununa hér á undan, gæti ég, óbloggvæn sem ég er, skilið það sem svo að vettvangurinn sé mikið til notaður til að kalla menn fífl og asna og benda þeim svo á ritvillur og tregt gáfnafar.. 

[Gaflarinn (IP-tala skráð) 25.4.2008 kl. 00:52]

Dídí.....það eru aldrei hástafir í miðju orði, né þarna aftast. Hástafir eru notaðir í upphafi setninga og í eiginnöfnum.........sama hvers vitlaus og ljót þau annars eru eins og í þínu tilfelli.........

[Axel Jóhann Hallgrímsson, 25.4.2008 kl. 02:23]

Tek undir með Stebba að hún er kná og snaggaraleg lögreglukonan sem snéri ómennið niður.

Þessi Gaflari er sannkölluð mannvitsbrekka.

[Hallbjörn Magnússon, 25.4.2008 kl. 03:44]

Ég verð að byrja á því að taka undir með Dídí um það að margir hér nýta tækifærið til að hnýta í stafsetningarvillur og að kalla menn asna án þess að gefa skýringu á. Mér þykir það leitt, sérstaklega fyrir þá sem reyna að tala með rökum. Ég hef fulla virðingu fyrir hverjum þeim sem kemur skoðun sinni á framfæri með sannfærandi rökum, hvernig sem skriftin er. Bendi samt fólki á að nýta sér villupúkann ;)

Varðandi þessi mótmæli og baráttumál mótmælenda, þá er ég búinn að vera á fjöllum vegna þess að ég veit ekki nákvæmlega hverju þeir vilja ná fram. Maður getur lesið meira um kröfur bílstjóranna úr getgátum bloggara heldur en úr málflutningi mótmælenda. Mér sýnist sem svo að þeir hafi vent seglum þó nokkrum sinnum eftir vindátt hverju sinni. Þeir byrjuðu að tala um eldsneytið svo komu einhverja sérhæfðar kröfur fyrir atvinnuvörubílstjóra, en þegar það gekk illa þá fóru þeir að tala um að þingmenn og ríkisstjórn ættu að taka höfuðið upp úr sandinum og koma saman og ræða þetta. Það virðist reyndar vera að virka vel í landann, enda er mjög vinsælt að vera á móti ríkisstjórninni.

Það væri gaman ef einhver gæti sagt mér hverjar kröfur þessara mótmælenda eru. svona einhver stefnuyfirlýsing ef hún hefur einhverntíman verið gefin út.

Ég hef gert tilraun til að fá fram svar um kröfur bílstjóra á þeirra eigin spjalli, (að sjálfsögðu kurteislega) En enginn er til í að svara því, né öðrum sem reyna það sama.

[Ómar Már Þóroddsson (IP-tala skráð) 25.4.2008 kl. 08:42]

Sæll Hallbjörn. Ég skal segja þér herjar kröfurnar eru. Í fyrsta lagi að ríkið minnki álögur sínar á eldsneyti. Í öðru lagi að ríkið felli niður kílómetragjaldið (sem ríkið gleymir alltaf að teljameð þegar minnst er á álögur á díselbíla). Og í þriðja lagi að fella úr gildi vökulögin ( þá er ekki átt við að menn geti keyrt eins og menn vilja því landslög kveða á um að 11 klst sé lámarks hvíld). Því það er ekki sangjarnt eins og ég hef sagt fyrir ofan að menn sem lesta bílana sjálfir vinni í allt að 16 klst. Og einnig er það gert hjá skipafélögunum að þeir fá menn sem búnir eru að vinna 8 klst annarstaðar til að keyra svo á kvöldin og framm á nótt. Ég sé ekki að það sé neitt betra heldur en að leyfa mönnum sem hafa þetta að sínu aðal starfi að vinna í 13 klst.

[Tobbi (IP-tala skráð) 25.4.2008 kl. 10:00]

 Ómar Már Þóroddson sagði:

„Tobbi þess mun meiri ástæða að kynna sér málin. Því Kristján Möller var að reyna að fá undanþágu fyrir rútubílstjóra þannig að þeir mættu vinna í tólf daga en það er ólöglegt samkvæmt akstur og hvíldartíma reglunum. Enn og aftur kynna sér málin.“ Það er að sönnu aldeilis ágætt að benda mönnum á að kynna sér málin. Og af því ég er læs gat ég lesið reglugerðina. Þar stendur orðrétt í 11. grein:

„Heimilt er í farþegaflutningum, öðrum en reglubundnum flutningum, að fresta vikulegum hvíldartíma ökumanns fram í næstu viku og bæta hvíldartímanum við vikulegan hvíldartíma þeirrar viku enda fari heildaraksturstími á vikunum tveimur ekki yfir 90 klukkustundir, sbr. regluna í 2. mgr. 6. gr. Heimildin gildir um ferð sem tekur lengri tíma en sex daga en þó ekki lengri en tólf daga. Ökumaður skal þannig eftir mest tólf akstursdaga fá samfelldan hvíldartíma í 90 klukkustundir.“ Og ég sé ekki almennilega hvar ég hefi farið með rangt mál eða að á skorti að ég hafi kynnt mér málin.

[Kristvin Guðmundsson, 25.4.2008 kl. 10:52]

Jæja......

Ég því miður dreg stuðning minn tilbaka eftir atvikið á Kirkjusandi.
Þetta var ómerkilegasta högg sem ég hef séð í lengri tíma.
Sorry þið eruð komnir LANGT yfir strikið hvort sem það var einhver sem var á ykkar vegum eða ekki. Þetta er byrjað að vera ofbeldi og ég vill ekki sjá það.
Ofbeldi er fávitaskapur og fyrir aumingja. Og að slá lögreglu þó svo þeir gengu full langt í gær þá gefur þetta ykkur ENGANN rétt að haga ykkur svona.

Málið er búið og minn stuðningur er búinn. HÆTTIÐ !!!!

[Heimir Lárusson Fjeldsted, 25.4.2008 kl. 11:29]

Orð í tíma töluð Kristvin.

Tek undir með þér. Hættið!

[Karl Ólafsson, 25.4.2008 kl. 12:55]

"Þið eruð verri en Pólverjarnir okkar að þessu leiti......." Gaflarinn ætti að læra betur sína stafsetningu áður en hann setur út á aðra.

Að öðru leyti skrifar maður nefnilega að þessu leyti, en vonast svo eftir að lausnir deilna séu á næsta leiti, ekki satt? :-) 

[Heimir Lárusson Fjeldsted, 25.4.2008 kl. 13:09]

Ég fyrir mitt leyti leita ekki á næsta leiti.

[Gaflarinn (IP-tala skráð) 25.4.2008 kl. 19:00]

Er enginn húmor til í þér Karl? Ég er að gera grín af þeim sem eru smásmugulegir og þekkja ekki aðalatriði frá aukaatriðum. En þá kemur þú , einn röflarinn í viðbót. Þú Heimir og Tobbi, þið eruð bara flottir....

[Heimir Lárusson Fjeldsted, 25.4.2008 kl. 20:02]

Gaflarinn flottur!

[Karl Ólafsson, 25.4.2008 kl. 23:32]

:-)

[Ómar Már Þóroddsson (IP-tala skráð) 26.4.2008 kl. 11:50]

Jæja Tobbi. Enn og aftur er gott að kynna sér málin. Því að tólf daga reglan er fallinn úr gildi og þess vegna var Kristján Möller að reyna fá undanþágu fyrir tólf dagana í Brussel.