Kröfurnar verða ekki settar fram fyrr en á morgun.

Flutningabílstjórar eru komnir í hinar verstu ógöngur með málatilbúnað sinn.

Þeir eru ekki ennþá búnir eftir 10-12 daga ofbeldi á götunum að gera sér né öðrum grein fyrir hverju þeir eru að mótmæla í raun.

Að sögn talsmanns þeirra á hópur á þeirra vegum að skila áliti á morgun.

Hefði ekki verið nær að fá kröfurnar á hreint fyrst og leggja þær fram? 

Mótmælt við ráðuneyti

Athugasemdir

[Guðmundur Ásgeirsson, 7.4.2008 kl. 14:44]

Það er verk stjórnvalda, ekki bílstjóra, að móta skynsamlegt reglugerðarumhverfi sem hægt er að vinna með. Að mati bílstjóranna, þeirra sem eiga að vinna með það hefur þetta mistekist. Ert þú kannski að leggja til að Kristjáni Möll víki og Sturla & co. taki við samgönguráðuneytinu? (Sturla Jónsson meina ég, ekki Böðvars, hann er búinn að fá að prófa!)

[Heimir Lárusson Fjeldsted, 7.4.2008 kl. 15:31]

Reglugerðin sem farið er eftir er samin suður í Brussel og er á vegum Evrópusambandsins. Flutningabílstjórar verða einfaldlega að koma sér saman um hvað þeir vilja fá breytt og setja það skilmerkilega fram.

Annað var það nú ekki Guðmundur.

[Gísli Sigurðsson, 7.4.2008 kl. 18:45]

Ég skildi mótmæli þeirra til að byrja með svo að þeir væru að mótmæla háu eldsneytisverði. En svo smám saman lak þetta yfir í það að vera mótmæli gegn reglugerðar farganinu í kringum þeirra störf og þá aðallega eftirlitið með vinnutíma þeirra.

En ég er sammála að þegar menn fara út í svona aðgerðir verða þeir að vera með það á hreinu hverju þeir eru að reyna að koma til leiðar.

Að krefjast lækkunar eldsneytisverðs er bara út í hött á þessum tímum þegar bæði gengi er óstöðugt og olíuverð sveiflast á alþjóðamörkuðum.

[Heimir Lárusson Fjeldsted, 7.4.2008 kl. 18:57]

Við lítum þetta svipuðum augum Gísli.