Frábærir nemendatónleikar Í Söngskólanum í Reykjavík.

Í gær voru nemendatónleikar í Snorrabúð Söngskólans í Reykjavík. Voru þaði nemendur Ólafar Kolbrúnar Harðardóttur sem komu fram með Iwonu Ösp Jagla píanóleikara.

Þær Margrét Hannesdóttir, Karin Björg Torbjörnsdóttir, Ingibjörg Guðný Friðriksdóttir, María Vigdís Kjartansdóttir Drífa W. Hansen og Fjóla Kristín Nikulásdóttir sungu ásamt Andra Birni Róbertssyni.

Hvert á fætur öðru komu þau fram og sungu fjölbreytt lög af smekkvísi, öryggi og gleði.

Saman sungu þau Karin Björg Torbjörnsdóttir og Andri Björn Róbertsson Il Core vi dono dúett Dorabellu og Guglielmo úr Cose fan tutte eftir Wolfgang Amadeus.

Fyrir utan fágaðan söng vakti leiftrandi öryggi þeirra athygli viðstaddra.

Allir tónleikarnir voru Söngskólanum til mikillar fyrirmyndar og ekki síst kennaranum Ólöfu Kolbrúnu Harðardóttur.