Orð gegn orði, vagnstjóri gegn varðstjóra.

Hér stendur orð gegn orði. Geir Jón segir: " Lögregluvarðstjóri sendir alltaf lögreglumenn á vettvang ef aðstoðarbeiðni berst frá fólki vegna hótana"

Morgunblaðið segir: "Maríu var skiljanlega brugðið og bað stjórnstöð Strætó um að óska eftir að lögregla yrði send á staðinn. Þessu hefði lögregla neitað og sagt að ekkert væri gert í svona málum nema búið væri að leggja fram skriflega kæru. „Sem er svolítið undarlegt því þarna er ég búin að fá morðhótun og það er bara allt í lagi!“ sagði María. Þá hefði hún ekki haft tök á því að skila inn kæru enda enn í vinnunni."

Vakthafandi varðstjóri í stjórnstöð Strætó verður að stíga fram og staðfesta orð Maríu Ellenar enda hefur hann fært atvikaferilinn til bókar samkvæmt starfslýsingu.  

Seinna um kvöldið hringdi yfirmaður hennar og Maríu varð það á að tala í farsímann án þess að nota handfrjálsan búnað. „Allt í einu koma þessi fínu bláu ljós. Þá er löggan allt í einu komin af því að ég var að tala í símann,“ sagði hún. 

Þá þurfa  bæði varðstjóri í stjórnstöð Strætó og María Ellen að skýra fyrir lesendum hversvegna varðstjóri hringir í vagnstjóra vitandi það að hún má ekki undir neinum kringumstæðum tala í síma undir stýri.

Fréttin fékk það mikinn uppslátt í Morgunblaðinu að frekari skýringa er þörf. 

Lögreglumenn alltaf sendir í útköll vegna hótana