Kjarklausar mæður. Efinn nagar.

Ég var að hlýða á konuna í Kastljósi sem veit ekki hver faðir hennar er. Hún hefur áratugum saman lifað í blekkingaheimi móður sinnar og lygum og fær ekki ennþá að vita sannleikann. Sorglegra en tárum taki.

Víða er pottur brotinn og ófáar fjölskyldurnar hafa splundrast vegna kjarkleysis mæðra að segja rétt frá; hvort heldur er framhjáhaldi, eða því að hafa verið með giftum manni.

Það er engu líkara en að þessar konur geri sér  ekki grein fyrir hvað miklum sársauka þær valda afkvæmum sínum og fjölskyldum þeirra, eða er þeim bara alveg sama?

Efinn nagar. 

Athugasemdir

[Hólmdís Hjartardóttir, 27.2.2008 kl. 20:14]

Skelfilegt að geta ekki feðrað börnin sín

[Elín Sigríður Grétarsdóttir, 27.2.2008 kl. 20:17]

Það er hættuleg þróun sem er að eiga sér stað þessi síðustu ár, að mínu mati. Nefnilega mæðurnar sem eiga börnin sín "einar" og skrá engan föður við fæðingu. Hvað ef "sæðisgjafinn" er virkur og dreifir sér víða? Hvað gerist ef svo illa vill til eftir tuttugu ár að ungt par fellir hugi saman, þau finna sálufélaga hvort í öðru og jafnvel er hjónasvipur með þeim, eiga margt sameiginlegt, ólust bæði upp hjá einstæðri móður og þekktu ekki pabba sinn ... mér finnst að sjálfstæðar konur þurfi aðeins að hugsa áður en þær eiga barn "einar".  Er að bíða eftir að geta horft á kastljósið endursýnt...

[Heimir Lárusson Fjeldsted, 27.2.2008 kl. 20:20]

Ábyrgð mæðra er meiri margar þeirra kæra sig um að bera.

[Halldór Þórðarson/dóritaxi, 27.2.2008 kl. 22:09]

Sorgleg staðreynd sem er mun algengari en fólk heldur

[Jenný Anna Baldursdóttir, 28.2.2008 kl. 07:42]

Það var með ólíkindum að hlusta á sögu þessarar konu.  Hélt að svona læsi maður um í bókum. En þarna er þetta blákaldur raunveruleikinn.  Það er það með því verra sem foreldrar gera, að leyna börn uppruna sínum.  Ég verð svo fjúkandi reið.