Margt skrýtið í kýrhausnum.

Af rælni var mér reikað út á Hlemm í dag, en ég bý í nágrenninu um stundarsakir. Þar hitti ég fyrrverandi vinnufélaga sem sögðu mér undan og ofan af ástandinu á vinnustaðnum.

Sögðu þeir enn eina undirskriftasöfnunina nýlega afstaðna og nú hafði verið gengið hart fram í að fá fólk til að skora á undirskriftasafnara að gefa aftur kost á sér til trúnaðarstarfa á vegum Starfsmannafélags Reykjavíkurborgar.

Höfðu starfsmenn lítinn frið fyrir þessum fyrrverandi trúnaðarmönnum og létu margir undan að lokum og keyptu sér stundarfrið með undirskrift sinni.

Sama fólkið og þraut örendið við fyrsta mótlæti sem trúnaðarmanninum mætir í starfi gekk nú á eftir vinnufélögum sínum með áskorunarundirskriftarlista.

Viðmælendur mínir höfðu á orði að líklega yrði það til að þeir trúnaðarmenn sem færðust upp, myndu segja af sér ef hinir falleruðu trúnaðarmenn verða aftur samþykktir af StRv, þvert ofan í samþykkt fulltrúaráðs félagsins.

Það sannast enn og aftur að "margt er skrýtið í kýrhausnum". 

Athugasemdir

[Jóhannes Gunnarsson (IP-tala skráð) 18.2.2008 kl. 22:58]

Trúir þú að einhver vagnstjóranna sé svo aumur að skrifa undir í þrýstingi? Svo það sé alveg á hreinu þá komu hvorki fyrrverandi né núverandi trúnaðarmenn nálægt þessum listum, alveg sama hve heitt þú þráir það. Áskoranirnar  eru að menn komi til baka.

 Samþykki fulltrúaráðsfundar fjallaði um að samþykkja afsagnir trúnaðarmannanna.

Þetta er ágætis dæmi um hvernig þú skynjar veruleikann í raun... aðeins til hliðar við hina! Þegar þú talar um enn einn undirskriftalistann þá man ég eftir einum fyrir ekki svo allöngu þar sem m.a. trúnaðarmenn gengu hart fram að menn skrifuðu undir að einn stjórnenda hjá Strætó yrði rekinn. Svoleiðis vinnubrögð og önnur í svipuðum dúr þar sem menn voru m.a. að kæra hvorn annan (þ.e. þann fyrsta) til Vinnueftirlitsins og beita kúgunaraðferðum við m.a. að fá hann til að segja af sér eru akkúrat þær ástæður að við buðum okkur fram. Þú og þessir vinir þínir sem þú hefur látið líta út fyrir að vera gljáðir eins og jólahamborgarahryggir eruð kannski ekki eins gljáðir og þú vilt vera af láta.

Það væri nú athyglisvert að heyra af þessum aðferðum. Tókstu eftir einu þegar "við" buðum okkur á móti "ykkur" þá héldum við kjafti yfir ykkar málum og niðurstöðu þeirra! Það er nokkuð óvanalegt að svona óheiðarlegir menn (eins og þú hefur málað okkur) skyldu raða sér í öll fyrstu sætin og sitjandi trúnaðarmenn lenda í síðustu varasætunum eða þar fyrir utan. Þú getur haldið áfram að láta það líta út eins og þetta sé allt "vondu köllunum" að kenna.... en kannski ættirðu að skilgreina hver er hvað!

[Heimir Lárusson Fjeldsted, 18.2.2008 kl. 23:23]

Ég vitnaði í orð vagnstjóra Jóhannes og þú getur bara blaðrað og bullað. Það snertir mig ekki.

[Heimir Lárusson Fjeldsted, 18.2.2008 kl. 23:28]

Vel á minnst Jóhannes þegar þú nefnir undirskriftalista gegn fyrrverandi yfirmanni akstursdeildar. Voru það ekki Hallgrímur Pétur og Valdimar Jónsson sem beittu sér fyrir þeim undirskriftum?

Spurðu þá, hæg eru heimatökin.

[Jóhannes Gunnarsson (IP-tala skráð) 19.2.2008 kl. 05:59]

Afar ósmekklegt að nafngreina menn sem þú veist að gerðu þetta ekki. Komst þú hvergi nálægt því?

Svo að það sé á hreinu: Við sögðum af okkur til þess að hætta öllum trúnaðarmannaafskiptum. Þegar ég sá 5 af aðal stjórnendum Strætó (t.d. Framkvæmdastjóra) mætta á félagsfund í janúar til þess að eins að ógna  starfsmönnum varð ég ákveðinn að taka áskorunum um að  koma inn aftur.  Ég ætlaði að draga mig í hlé einhverjar vikur eða mánuði en þegar  mér stóð til boða að  fá áminningu niðurfellda gegn því að ég kæmi ekki nálægt trúnaðarmannastörfum næsta kjörtímabil, þá var ég ákveðinn í því að taka mér ekki frí.

Hvað af því sem ég skrifaði hér fyrr, er bull? 

[Heimir Lárusson Fjeldsted, 19.2.2008 kl. 09:11]

Hallgerður, þakka þér fyrir, ég er allur að skríða saman og hún er öll að koma til; þ.e. heilsan.

Það er ekki ósmekklegt að nafngreina menn sem eru valdir að niðurrifi á vinnustað sem orsakar óhamingju fjölda fólks. Auðvitað kom ég ekki nálægt þessum ógeðfellda undirskriftalista. Inntu bakland þitt fregna.

Þú bullar Jóhannes um kúgunaraðferðir og kærur til Vinnueftirlitsins.

Kæran var ein og kom frá mér. Mér er ljúft að birta frekari nafnalista í því sambandi ef það getur orðið til þess að þetta lið láti saklaust fólk í friði og uni því sannmælis framvegis. Allt tal þitt um kúgunaraðferðir af minni hálfu er helbert blaður og bull.

Ég svara ekki fyrir mig á þann veg sem ég hef gert að ástæðulausu.

[Jóhannes Gunnarsson (IP-tala skráð) 19.2.2008 kl. 10:11]

Þú hefur ekki þurft að svara einu né neinu. Þú hefur kastað grjótum og vinnufélagar þínir hjá Strætó hafa af gefnu tilefni ekki svarað þér.

[Heimir Lárusson Fjeldsted, 19.2.2008 kl. 10:21]

Þeir kasta ekki steinum úr glerhúsi að sjálfsögðu.

Snýst ekki þitt særða stolt um teitið þann 27. nóvember þegar ég hafnaði boði þínu um að setjast til borðs með ykkur og áfenginu?

[Jóhannes Gunnarsson (IP-tala skráð) 19.2.2008 kl. 10:39]

Núna ertu búinn að súmma "allt vandamálið" hjá Strætó niður í áfengisvandamál? Skál!

OK, hvað með allt sem þú ert að segja og hefur sagt hér á síðunni? Eigum við að skoða öll málin lið fyrir lið? Ég er tilbúinn. Eitt að lokum.... það er hægt að segja ýmislegt um þig annað en að þú sért "saklaust fólk" þegar kemur að málefnum starfsmanna Strætó.

[Heimir Lárusson Fjeldsted, 19.2.2008 kl. 10:56]

Gefðu bara í skyn, ég er tilbúinn.

[Heimir Lárusson Fjeldsted, 19.2.2008 kl. 11:07]

Ég fékk ábendingu um að tilvitnuð orð þín:

"Eitt að lokum.... það er hægt að segja ýmislegt um þig annað en að þú sért "saklaust fólk" þegar kemur að málefnum starfsmanna Strætó."

mynntu mjög á kveðskap Páls Árdal. Ekki man ég ljóðið til að fara með það hérna, en ugglaust get ég grafið það upp.

áttu það annars tiltækt Jóhannes?

[Heimir Lárusson Fjeldsted, 19.2.2008 kl. 13:15]

Auðvitað er þetta tiltækt á veraldarvefnum:

Páll J. Árdal.

Ráðið.

Ef ætlarðu að svívirða saklausan mann,

þá segðu aldrei ákveðnar skammir um hann,

en láttu það svona í veðrinu vaka,

þú vitir, að hann hafi unnið til saka.

En biðji þig einhver að sanna þá sök,

þá segðu, að til séu nægjanleg rök,

en náungans bresti þú helst viljir hylja,

það hljóti hver sannkristinn maður að skilja.

Góðar kveðjur til þín og baklandsins Jóhannes.

[Jóhannes Gunnarsson (IP-tala skráð) 19.2.2008 kl. 13:51]

Þetta er akkúrat það sem ég er alltaf að segja hér! Þú bara eyðir commentunum mínum hvort sem er. Fyrst það er kominn sameiginlegur skilningur er þá ekki kominn tími til að svara öllu hinu?

[Heimir Lárusson Fjeldsted, 19.2.2008 kl. 14:09]

Einu athugasemdunum sem ég eyddi frá þér (en geymi á vísum stað) báru öll merki ölvunar þegar þau voru skrifuð og eyddi ég þeim af tillitssemi við þig.

Þú getur ekki bæði kvartað yfir að ég nafngreini menn og og ávirði þá, og svo sakað mig um að gefa eitthvað í skyn um ónafngreinda menn. Slíkur tvískinnungur sæmir þér ekki Jóhannes vagnstjóri Gunnarsson.

[Heimir Lárusson Fjeldsted, 19.2.2008 kl. 19:28]

Ég hef nýlega fengið athugasemd frá Jóhannesi Gunnarssyni sem ég tel ekki birtingarhæfa. Hún er ekki málefnalegt svar við pistli mínum og sé ég mér ekki fært að birta hana þess vegna.

Áframhaldandi andlegt harðlífi og persónulegar svívirðingar. Ég geymi athugasemdina samt sem áður.