Veiðileyfi á Villa.

Mér sýnist að ritstjórnir 24 stunda og Morgunblaðsins hafi gefið út veiðileyfi á Vilhjálm Þ. Vilhjálmsson fyrrv. borgarstjóra.

Það er langt síðan að ég hef séð svo einarða afstöðu tekna gegn stjórnmálamanni; út úr orðum hans snúið og allt sem hann segir fært á versta veg og eða afbakað.

Haldi þessar ritstjórnir og Sigmar Guðmundsson Kastlýsir áfram á sömu braut, fær VÞV verðskuldaða samúð almennings og er það vel.

Forstjóri OR álitsgjafinn

Athugasemdir

[Heimir Lárusson Fjeldsted, 9.2.2008 kl. 14:04]

Það rofar sjaldan til hjá aftökusveitum almennings .......

[Grétar (IP-tala skráð) 9.2.2008 kl. 15:29]

Verðskuldaða samúð almennings!

Það getur svo sem vel verið að einhverjir vorkenni manninum. Mér finnst það eiginlega ótrúlegt að maður sem á að verða borgarstjóri í Reykjavík geti ekki komið í fjölmiðla öðru vísi en það þurfi mjög jákvæðan og einbeittan vilja til að skilja það sem út úr honum vellur ekki sem helbera lygi.

[Heimir Lárusson Fjeldsted, 9.2.2008 kl. 15:51]

Þessi orð segja allt um þig Grétar, enn ekkert um Vilhjálm.

[Grétar (IP-tala skráð) 9.2.2008 kl. 15:53]

Finnst þér Vilhjálmur koma algjörlega teinréttur og tandurhreinn út úr þessu?

[Heimir Lárusson Fjeldsted, 9.2.2008 kl. 16:08]

Það má margt finna athugavert við þær embættisfærslur sem gerðar voru á sínum tíma eða um mánaðamótin september október. Borgarstjóri gekk örugglega til þess verks að mikilli áeggjan Hauks Leóssonar, Hjörleifs B. Kvaran, Guðmundar Þóroddssonar og fleiri manna sem hann átti að geta treeyst í hvívetna. Þá er ógleymdur þáttur Björns Inga Hrafnssonar og Bjarna Ármannssonar. Enginn þessara manna hefur séð ástæðu til að biðjast afsökunar á einu né neinu. Þá er Vilhjálmur tekinn út úr hópnum af fjölmiðlum og almenningi og dauðarefsingar krafist í pólitískum skilningi.

Hvers konar siðferði viljum við hafa í þjóðfélaginu?

[Grétar (IP-tala skráð) 9.2.2008 kl. 16:28]

Hópurinn:

Björn Ingi - baðst afsökunar sagði af sér og hætti (varla bara út af jakkafötunum)

Haukur - hættur, rúinn trausti.

Bjarni - að flytja til Noregs, búinn að selja bréfin sín í REI.

Guðmundur/Hjörleifur - ekki útséð með framtíð þeirra miðað við orðróm og blaðaskrif.

Hannes - tapaði FL Group

Vilhjálmur - Leiðtogi sjálfstæðismanna í borginni og verðandi borgarstjóri.

Kannski verður hann sá eini sem ekki þarf að standa skil á þessum verkum.

All þó nokkrir Reykvíkingar vilja ekki að hann verði borgarstjóri aftur. Að minnsta kosti ekki fyrr en eftir næstu kosningar. Vegna þess að hann brást í þessu máli. Og þetta er bara ansi stórt mál, þú ert vonandi sammála um það. Ég vil það siðferði að þegar menn eru staðnir af svona stórfelldum dómgreindarbresti þá sé það við hæfi að þeir stigi til hliðar. Og helst af öllu að þeir finni það hjá sjálfum sér að gera það.

Og jú hann á alla mína samúð - því hann virðist ekki eiga vini sem geta lagt honum til góð ráð.

[Heimir Lárusson Fjeldsted, 9.2.2008 kl. 16:58]

Björn Ingi baðst ekki afsökunar.

Haukur var rekinn enda uppvís að óheiðarleika.

Bjarni flúinn land með skömm á baki.

Guðmundur og Hjörleifur: óvíst ástand.

Hannes samur við sig.

Vilhjálmur búinn að missa embætti borgarstjóra og fólk vill meira blóð.

[Gísli Baldvinsson (IP-tala skráð) 9.2.2008 kl. 19:18]

Mér sýnist almenningur ekki samúðarflykkjast um VÞV.

[Heimir Lárusson Fjeldsted, 9.2.2008 kl. 20:12]

Meira blóð.

[Gísli Baldvinsson (IP-tala skráð) 9.2.2008 kl. 20:19]

Sagði Makbeð.

[Heimir Lárusson Fjeldsted, 9.2.2008 kl. 22:01]

Hreinskilni þinni er viðbrugðið Fullur!

[María Kristjánsdóttir, 10.2.2008 kl. 00:00]

Það er bara nóg komið af vitleysunni,Heimir. Það er fallegt af þér að taka upp hanskann fyrir hann. En maðurinn á að segja af sér sjálfs sín vegna og allir sem skipulögðu og tóku þátt í REI -málinu. Líka þeir sem lyftu þessu fólki aftur til valda.

[Jón H. Eíríksson (IP-tala skráð) 10.2.2008 kl. 01:06]

Sæll Heimir!

Að ætlast til þess að alllir sem komu að þessu REI hneyksli axli ábyrgð nema Vilhjálmur er nú eiginlega bara fyndið!!  

Annars held ég að ef Vilhjálmur dregur sig í hlé þá verður það út af þrýstingi innan frá en ekki utan frá.

Mamma er harður social demókrati en elskar Villa út af lífinu og vorkennir honum ógurlega þessa dagana.   Hún er líkt og þú sannfærð um að þetta sé eitt alls herjar plott gegn góðum dreng sem má ekki vamm sitt vita...

En ég spyr sjálfan mig, hvernig það má vera að aldavinur Vilhjálms.. Haukur Léó skuli hreinlega halda því fram að hann hafi oft sagt ósatt.   Einhver lýgur!!??

[Heimir Lárusson Fjeldsted, 10.2.2008 kl. 10:40]

Haukur Leósson var rekinn úr stjórninni með skömm og ferill hans sýnir svo ekki verður um villst að það fer ekki maður sannleikans og heiðarleikans. Hvenær lýgur Haukur og hvenær ekki?

[Heimir Lárusson Fjeldsted, 10.2.2008 kl. 10:44]

Ég er sammála þér María varðandi að allir eigi að segja af sér sem að klúðrinu komu, en ekki að hengja eigi einn mann, Vilhjálm Þórmund. Það má vera rétt hjá Halli Hallssyni í Moggagrein í dag að Vilhjálmur Þórmundur myndi standa eftir með beinasta bakið ef hann axlaði ábyrgð og segði af sér. Þá yrði líka eftirleikurinn auðveldari að losna við undirrótina; Guðmund Þóroddsson.

[Jón H. Eíríksson (IP-tala skráð) 10.2.2008 kl. 12:52]

Heimir .. þú vandar ekki Hauki kveðjurnar! En voru/eru ekki Haukur og Vilhjálmur nánir vinir til 40 ára eða eitthvað???

Líkur sækir líkan heim??

[Heimir Lárusson Fjeldsted, 10.2.2008 kl. 13:31]

Ekki getur þú fært misgjörðir Hauks yfir á Vilhjálm, eða hvað Jón H. þrátt fyrir vinskapinn?