Vantraust á Lánstraust. Fúll viðskiptavinur Landsbankans.

Ég fékk synjun frá Landsbanka Íslands í morgun við umsókn minni um greiðslukort með lágmarks úttektarheimild og aðallega hugsað til að rétta KR mánaðarlega tíund.

Ástæðan sögð vera sú að ég sé á vanskilaskrá hjá einkafyrirtæki út í bæ sem kallar sig Lánstraust.

Þetta fyrirtæki dirfist að leggja stein í götu mína með upplognum upplýsingum um að ég skuldi einhverjum eitthvað og að það sé í vanskilum.

Lánstraust er ekki beðið að færa sönnur á orð sín. Nei, ég er beðinn að afsanna að Lánstraust fari með rétt mál.

Ég lýsi miklu vantrausti á Landsbankann og Lánstraust fyrir slík vinnubrögð sem eru réttarríkinu Íslandi til skammar.

Ég bað stúlkuna í Grafarholtsútibúi Landsbankans að skrá í bankabækur að ég sé fúll. 

 

Athugasemdir

[Þórarinn Þ Gíslason (IP-tala skráð) 8.1.2008 kl. 12:36]

Sæll Heimir minn.

Ef að ég vildi fá upplýsingar um alla Bankana þannig að ég hefði um þá upplýsingar,sem þeir vissu ekki.

Hvert get ég snúið mér.

Vantraust er fyrirtæki sem alla tið hefur ekki haft gott orð á sér,og af hverju ætti það að breytast.

Þeir eru verndaðir með lögum .Hverjum í hag.?

[Heimir Lárusson Fjeldsted, 8.1.2008 kl. 12:52]

Sæll Þórarinn.

Það kostar mig 350 kr. að fá upplýsingar í gegnum Einkabankann hjá Landsbankanum um meintar skuldir.

Starfsfólk Landsbankans segir: "Það er betra fyrir þig að láta Lánstraust leiðrétta þetta." Sem þýðir: " Ef þú ferð ekki að leikreglum okkar, hlýtur þú verra af". Sem aftur er orðalag samtaka með uppruna á Sikiley.

Mér þykir einsýnt að ekki gangi að berja hausnum við stein Þorsteinn og hlýt því að lúffa fyrr en seinna. Ég held mikið seinna.

[Heimir Lárusson Fjeldsted, 8.1.2008 kl. 13:27]

Lítið einkalíf :(