Siðmennt gegn kirkjunni en lætur dópsala sem höggva í sama knérunn óáreitta.

Hún er vissulega hatrömm aðför Siðmenntar að kristninni. Ef allt væri í himnalagi í þjóðfélaginu gæti ég skilið að "stórhuga" menn réðust á garðinn sem hann er hæstur. En þegar dópsalar knýja æ fastar dyra hjá æskunni sem kirkjan beinir sjónum sínum að ræðst Siðmennt gegn kirkjunni en ekki dópsölunum. Hvaða vitleysa er í gangi?

Siðmennt svarar biskup

Athugasemdir

[Heiða B. Heiðars, 9.12.2007 kl. 19:37]

Hvaða dauðans vitleysa er í gangi hérna? Að þér skuli detta þessi samlíking til hugar er alveg út úr kortinu!

Held að það væri nær að kirkjunnar menn einbeittu sér frekar að dópsölunum en að boða kristni í skólum landsins

[Heimir Lárusson Fjeldsted, 9.12.2007 kl. 20:04]

Væri ekki nær kæra Heiða að Siðmennt tæki höndum saman við kirkjuna og gerði æskunni eitthvað til góða?

[Einar Steinsson (IP-tala skráð) 9.12.2007 kl. 20:09]

Sammála Heiðu, skil ekki alveg samhengið hjá manninum.

[Ari Björn Sigurðsson, 9.12.2007 kl. 20:20]

...og Þegar maður hélt að ekki væri hægt að draga umræðuna niður á lægra plan en skólatrúboðssinnar hafa gert undanfarið, þá kemur þú og dembir fram þessum sora ....Ætla ekki að eyða fleiri orðum á þetta.

[Heimir Lárusson Fjeldsted, 9.12.2007 kl. 20:22]

Sorinn er dauðans alvara og baneitraður.

Sumir vilja bara ekki skilja.

[Vilhjálmur Örn Vilhjálmsson, 9.12.2007 kl. 20:31]

Trú er ekki ópíum. En óþol við trú þeirra sem hafa hana, og vilja halda í hana á einlægan hátt, er dálítið eitrað fyrirbæri að mínu mati.

Fólk sem titlar sig sem siðræna húmanista er ég ekki alveg öruggur við. Ég tel mig vera trúaðan húmanista, þótt ég sé ýmsum breyskleikum haldinn, en ég sé ekki að ég sé siðrænni en aðrir, sama hvort hann iðkar trú eða afneitar henni. Húmanismi er eins og kristni aðeins nafnbót. Maður verður sjálfur að fylla orðstír sinn bak við titilinn.

Umburðalyndi er Íslendingum ekki í blóð borið frekar en mörgum öðrum. Ég fæ ekki séð að kennsla á trú í skólum skaði nokkurn mann. Fræðsla um kristna trú fyrir gyðinga eða siðmenntaða húmanista ber að líta á sem möguleika til að læra um það sem maður hafnar eða meðtekur ekki. Maður hafnar ekki því sem maður þekkir ekki. Þess vegna ættu Siðmenntarfólk að fagna því að börn þeirra geti lært um kristni, því ekki er víst að börnin hafi í hyggju að verða trúleysingjar eins og foreldrarnir. 

Þess vegna er líka eðlilegt að kristnir læri meira um t.d. Gyðingdóm og Siðmennt, til að gera sér grein fyrir hvert þeir hópar eru að fara eða hugsa.

Því miður finnst mér að því sé ábótavant, ef maður t.d. sér trúna á hatur, fordóma og samsæriskenningar sem menn helltu út úr sér sem viðbrögðum við grein minni um "Hin nýju heimstrúarbrögð" fyrir helgina; Margir sem gáfu skoðanir sína til kynna þar, virðast annaðhvort hafa verið í skólum þar sem lítil áhersla var lögð á kristnifræðslu, trúarbrögð og eðlileg mannleg samskipti, eða þeir eru ekki komnir á það háa andlega stig sem siðrænir húmanistar eru á. 

Bréf Siðmenntar er gott en niðurlagsorðin, þar sem orðið friður er misnotað, eru ekki beint tilvalin til lendingar í málinu frekar en orðið hatrammur í bréfi biskups.

Djöfull er ég nú orðinn heilagur, ég verð víst að hætta þessu, en þetta er nú það sem mér finnst í hjarta mínu.

[Óli Gneisti (IP-tala skráð) 9.12.2007 kl. 20:40]

Þetta eru alveg frábær rök og má í raun nota gegn næstum hverju sem er. Við gætum til dæmis spurt af hverju lögreglumenn eru að rannsaka bílabruna á meðan dópsalar ganga lausir. Við getum líka spurt hvers vegna menn spila fótbolta í staðinn fyrir að berjast gegn eiturlyfjasölu. Rökþrot heitir þetta.

[Heiða B. Heiðars, 9.12.2007 kl. 20:41]

Vilhjálmur; Trúboð á ekki að fara fram í skólum. Kirkjan hefur ýmis ráð til að reyna að krækja sér í meðfærilega krakkahausa... Sunnudagaskóla til dæmis.

[Heiða B. Heiðars, 9.12.2007 kl. 20:44]

Og Heimir... Sumir vilja ekki skilja? Skilja hvað? Finnst þér í alvöru þessi samanburður í lagi?

Af hverju í fjáranum ætti Siðmennt að taka höndum saman með kirkjunni? Þú ert náttúrulega á algjörum villigötum hérna og ættir að hætta áður en þú gengur lengra með þessa dellu

[Heimir Lárusson Fjeldsted, 9.12.2007 kl. 20:54]

Ég var bara með fáum orðum að benda á að ég tel æskunni stafa meiri hætta af dópsölum sem selja ungmennum í mótun eitur á skólalóðum, en kirkjunnar mönnum sem lauma að þeim boðskap Krists. Annað var það nú ekki Heiða mín.

[Vilhjálmur Örn Vilhjálmsson, 9.12.2007 kl. 20:54]

Heiða, þú sem trúir því að 1,2 milljónir manna hafi verið drepnar í írak vegna árásar Bandaríkjamanna á Írak, ert greinilega mjög siðrænn húmanisti.

Trúboð í skólum er vart verra en þegar kennarar halda upplýsingum eins og þeim sem þú hefur á bloggi þínu um ástæðuna fyrir mannfalli í Írak að grandvaralausum ungmennum.

[Ari Björn Sigurðsson, 9.12.2007 kl. 20:55]

"Þetta eru alveg frábær rök og má í raun nota gegn næstum hverju sem er. Við gætum til dæmis spurt af hverju lögreglumenn eru að rannsaka bílabruna á meðan dópsalar ganga lausir. Við getum líka spurt hvers vegna menn spila fótbolta í staðinn fyrir að berjast gegn eiturlyfjasölu. Rökþrot heitir þetta."

Touché Óli   .

[AB (IP-tala skráð) 9.12.2007 kl. 21:11]

 ,,Kirkjan hefur ýmis ráð til að reyna að krækja sér í meðfærilega krakkahausa..."

Alveg dásamlega úthugsuð og yfirveguð staðhæfing. Það er einmitt þetta sem kirkjan reynir; að lokka til sín áhrifagjörn börn. Hún rembist við að tæla sakleysingjana inn í djöfullegt samfélag þar sem fjallað er um það að fólk á að vera gott við hvert annað.

Ég er sammála þér um að trúboð á ekki heima í skólum. En er einhver ástæða til að haga orðum sínum á þann veg sem þú gerir?

Gott er að temja sér eftirfarandi verklag, sé það manni mikilsvert að láta taka mark á sér:

Hugsa fyrst. Athuga svo hvort tilfinningar liti orð manns of sterkum litum. Að lokum, skrifa athugasemd.

Í þessari röð.

Kveðja,

AB

[AB (IP-tala skráð) 9.12.2007 kl. 21:13]

Hér að ofan vitnaði ég í Heiðu og beini orðum mínum til hennar.

AB

[Heimir Lárusson Fjeldsted, 9.12.2007 kl. 21:16]

AB er dulnefni enda ekki allir sem vilja kenna sig við svo andkristnar skoðanir og öfga. Þakka AB samt greinargóða og yfirvegaða hugvekju um verklag.

Ég sé eftir lestur nærbrókarbloggs Heiðu að ég má fyrirverða mig fyrir lágkúruna að vilja frekar beina kröftum "Siðmenntar" gegn dópi en Kristi.

[Björgvin (IP-tala skráð) 9.12.2007 kl. 21:29]

Hvernig beitir þú kröftum þínum gegn dópsölum Heimir?

[Heimir Lárusson Fjeldsted, 9.12.2007 kl. 21:35]

Aðallega með því að hamra reglulega á tilvist þeirra og reyna af litlum mætti að leiða "siðmenntað" fólk á þá braut líka. Ég vona Björgvin að þetta svari einlægri spurningu þinni.

[Heiða B. Heiðars, 9.12.2007 kl. 21:45]

AB.. hvað er trúboð annað en að boða hina "einu réttu trú"? Og hvað er þá móttækilegra fyrir því en börn?

Heimir; Nærbuxurnar mínar koma málinu lítið við.... Það er fullt af fólki hérna í þessu trúfrelsissamfélagi sem trúir ekki á þennan krist þinn Heimir og líta á trúboð sem haugalygi. Af hverju ætti það fólk vilja láta ljúga að börnum sínum?

[Heimir Lárusson Fjeldsted, 9.12.2007 kl. 21:55]

Alfa námskeiðin hafa opnað augu margra trúlausra Heiða. Lögfræðingurinn sem er upphafsmaður þeirra hóf að kynna sér biblíuna til að auka rökfimi sína gegn kristnum vini sínum. Hann hafði ekki lesið lengi þegar hann sannfærðist um tilvist Krists, hélt áfram og lærði til prests. Síðan hefur hann með námskeiðum sínum sem haldin eru um allan heim lokið upp augu fólks sem áður lifði í vafa og eru nú orðnir sannfærðir lærisveinar.

Þú heldur þig við nærbuxnatalið. Ég hélt að þú værir að tala um spítala nærhöld en ekki þín eigin þegar þú veltir fyrir þér hvort á þeim ætti að vera klauf (typpagat sagðir þú en meintir líklega typpisgat af augljósri ástæðu) eða ekki. Þetta sýnir svo ekki verður um villst að mér getur orðið á í messunni.

[Guðmundur Ólafsson (IP-tala skráð) 9.12.2007 kl. 22:01]

Krikjan gegn Siðmennt en lætur dópsala sem höggva í sama knérunn óáreitta.

Hún er vissulega hatrömm aðför Kirkjunnar að trúfrelsi. Ef allt væri í himnalagi í þjóðfélaginu gæti ég skilið að "stórhuga" menn réðust á garðinn sem hann er hæstur. En þegar dópsalar knýja æ fastar dyra hjá æskunni sem skólar beina sjónum sínum að ræðst Kirkjan gegn Siðmennt en ekki dópsölunum. Hvaða vitleysa er í gangi?

Þú gætir reyndar kórónað vitleysuna þína með því að tala um að kirkjan sé að boða trú í skólum til að koma í veg fyrir eiturlyfjaneyslu, en það er auðvitað ekki markmiðið. Maðrmiðið er að börnin trúi á Jesús. 

[Heiða B. Heiðars, 9.12.2007 kl. 22:01]

Ég hef bloggað um fleiri nærbuxur en þessi á spítölunum;)

Ja hérna! Löglærður maður sem lét sannfærast um tilvist Krists við að lesa Biblíuna!! Eins gott að hann las ekki Kóraninn... væri líklega með sítt skegg... í átt að Mekka;)

[Ásgeir R. Birgisson, 9.12.2007 kl. 22:08]

Ég las biblíuna, eina sem ég fann út er að konur eru skítur, ég má drepa fólk sem vinnur á laugardögum, umskera þarf börnin og fjöldamorð eru guðs vilji.. Ég vil þetta ekki fyrir framtíð Íslands takk.

[Heimir Lárusson Fjeldsted, 9.12.2007 kl. 22:12]

Ég sé að ég verð að skoða betur undirfatabloggin þín Heiða;)

Þú hefðir gagn og kannski gaman af að skella þér á Alfanámskeið eftir áramótin og værir vís með að hnippa í mig því ég er farinn að ryðga í fræðunum.

Guðmundur. Það sem ég var að segja hér að framan er að kirkjan er að berjast gegn dópsölum með því að beina athygli unglina á mótunarskeiði að hinu góða og hreina í lífinu, því nóg er um allt hitt sem glepur eins og eiturlyf.

Á þessum árum er það hreint happadrætti hvor nær yfirhöndinni, dópsalinn í víðu samhengi eða Jesús Kristur.

Fólk þarf ekki að vera með Guðsorð sífellt á vörum sér heldur eru áhhrifin þau að þau velja á milli góðs og ills. Í kirkjunni er mikið félagsstarf fyrir fólk á öllum aldri, allt frá vöggu til grafar ef svo ólíklega vill til að það hafi farið framhjá þér :-)

[Heiða B. Heiðars, 9.12.2007 kl. 22:16]

Nei takk Heimir, sama og þegið;) Hef minni en engann áhuga á svona námskeiði. Ég hef lesið Biblíuna og komst að þeirri niðurstöðu að ég vil ekkert með hana hafa

[Guðmundur Ólafsson (IP-tala skráð) 9.12.2007 kl. 22:31]

"Á þessum árum er það hreint happadrætti hvor nær yfirhöndinni, dópsalinn í víðu samhengi eða Jesús Kristur."

Þegar ég les þetta finnst mér þú vera haldinn einhverjum ranghugmyndum um að fólk leiðist út í fíkniefnaneyslu ef það er ekki trúað og að fólk sem er trúað leiðist ekki út í fíkniefnaleyslu. Það eru bara eingin tengsl þarna á milli.

Það eru nokkur samtök sem eru mjög virk í áróðri gegn fíknefnaneyslu  í grunnskólum, kirkjan er ekki ein af þeim.. 

[Hjalti Rúnar Ómarsson, 9.12.2007 kl. 22:43]

Heimir, hefur þú talað tungum? Þú ættir að haf lært það á Alfa-námskeiðinu.

[AB (IP-tala skráð) 9.12.2007 kl. 22:59]

Heimir, þarna náðir þú ekki kaldhæðninni!

,,Alveg dásamlega úthugsuð og yfirveguð staðhæfing. Það er einmitt þetta sem kirkjan reynir; að lokka til sín áhrifagjörn börn. Hún rembist við að tæla sakleysingjana inn í djöfullegt samfélag þar sem fjallað er um það að fólk á að vera gott við hvert annað."

Ég var að benda á hversu langt sumir seilast til að ætla kirkjunni einhvern djöfulgang og tala í því samhengi um að hún reyni að krækja/lokka/tæla til sín ómótaðar manneskjur með eitthvað misjafnt í huga.

Vissulega á trúboð ekki heima í skólum. Umræðan verður samt einhliða og gagnlaus þegar fólk þekkir hvorki né samþykkir muninn á boðun og þjónustu. Kirkjan getur nefninlega mætt mannlegum og félagslegum þörfum án þess að trúboð sé í fyrirrúmi. 

Kveðja,

AB 

[Heimir Lárusson Fjeldsted, 9.12.2007 kl. 22:59]

Hjalti Rúnar.

Ég hef ekki tungur tvær að tala sitt með hvorri;)

Guðmundur. Ég geri alls ekki ráð fyrir að þú sért að tala í alvöru.

Ég tel að kirkjan geri ekki síður virk í áróðri gegn eitrinu en þessi "nokkur samtök" sem þú nefnir svo.

Mér þykir leitt Heiða ef þú hefur lesið biblíuna með neikvæðu hugarfari og farið á mis við þá fjársjóði sem þar er að finna.

Mig langar að spyrja þig Heiða hvort þú sért fermd?

[Birkir (IP-tala skráð) 9.12.2007 kl. 23:04]

Mér finnst ekkert óeðlilegt við það að Þjóðkirkjan, sem er tilheyrir ríkisvaldinu og langstærsti hluti þjóðarinnar tilheyrir, geti komið kristinni trú á framfæri í skólum. Ég hef ekki heyrt neinn berjast fyrir því að börn sem hafa ekki áhuga á íþróttum þurfi ekki að mæta í leikfimi í skólum. Afhverju? Jú það er talið hollt fyrir börnin að hreyfa sig. Á svipaðan hátt má telja hollt fyrir börn að þekkja kristin gildi en það er nú það sem við byggjum mörg lög og reglur á.

[ViceRoy, 9.12.2007 kl. 23:05]

Skondið þetta allt saman sem hér fer fram, mjög svo skondin umræða...

[Sigurður M Grétarsson, 9.12.2007 kl. 23:06]

Vilhjálmur Örn Vilhjálmsson er greinilega að misskilja málflutning Siðmenntar eins og biskup. Hann talar eins og Siðmennt sé á nóti trúarbragðakennslu í skólum og segir að slíkt "skaði ekki nokkurt barn". Þar eru hann og Siðmennt sammála eins og hefur alla tíð komið skýrt fram í málflutningi þeirra og lögð er mikil áhersla á í umræddu svarbréfi þeirra. Eini munurinn á þeim og Þjóðkirkjunni er sá að þeir vilja ekki að trúarbragðafræðsla EINSKORÐIST við kristna trú.

Vilhjálmur talar um að börn hefðu líka gott af því að læra um trú Gyðinga. Af hverju ekki bara öll aðaltrúarbrögð mannkyns. Þau hafa jafn gott af því að læra um Islam og Búddisma eins og um Kristna trú og Gyðingdóm. Það að læra um önnur trúarbrögð eyðir fordómum.

[Heimir Lárusson Fjeldsted, 9.12.2007 kl. 23:07]

Fyrirgefðu mér fljótfærnina AB.

Auðvitað er kirkjan að reyna að mæta fólki á þeirra forsendum, þótt hvert eitt skref sem kirkjunnar þjónar sé túlkað sem trúboð.

Að vísu finnst ekkert að trúboði.

[Heiða B. Heiðars, 9.12.2007 kl. 23:15]

Ég er fermd... Hvað kemur það málinu við? Fáránlegt að ferma svona unga krakka... en það er líklega hluti af þessu ferli, ná þeim nógu ungum;)

Hvað er það hjá Guðmundi sem þú telur að geti ekki verið sagt í alvöru? Ætlarðu að reyna að halda því fram að kristin ungmenni geti ekki orðið dópistar?

[Guðmundur Ólafsson (IP-tala skráð) 9.12.2007 kl. 23:17]

"Guðmundur. Ég geri alls ekki ráð fyrir að þú sért að tala í alvöru.

Ég tel að kirkjan geri ekki síður virk í áróðri gegn eitrinu en þessi "nokkur samtök" sem þú nefnir svo."

Ég skil ekki afhverju þú trúir því ekki að mér sé alvara. Ég lennti aldrei í því að kirkjan talaði sérstaklega gegn eyturlyfjum. Auðvitað töluðu þeir ekki með eiturlyfjum, þeir komu bara ekkert nálægt þeim vanda. Eina undantekningin er fermingarfræðslan, en hún fór fram utan skólans og var ekki tengd skólanum. Þessi nokkur samtök sem ég nefndi voru aðallega SÁÁ, Jafningafræðslan og ein önnur sem ég man ekki hvað heita.  

[Heimir Lárusson Fjeldsted, 9.12.2007 kl. 23:29]

Heiða, þegar þú fermdist gekkst þú Kristi á hönd og lofaðir að gera hann að leiðtoga lífs þíns, hvorki meira né minna. Auðvitað eru til kristnir dópistar, því miður. Hefur þú nokkuð íhugað affermingu;)?

Guðmundur ég hef aldrei sagt að kirkjan sé að tala sérstaklega gegn eiturlyfjum eins og þú orðar það. Það sem ég er að reyna að útskýra er að kristilegt hugarfar hefur síður þolinmæði fyrir svo heimsulegt athæfi sem eiturlyfjaneysla er. Sem betur fer fór ég ekki út í þá neyslu þótt mér þætti bjórinn góður meðan ég þoldi hann. það er liðin tíð ;-)

[Guðmundur Ólafsson (IP-tala skráð) 9.12.2007 kl. 23:37]

Núna er neysla á áfengi stranglega bönnuð samkvæmt Kóraninum. Ef sú trú væri boðuð innan skólakerfisins, væri það þá "vitleysa" ef samtök eins og Siðmennt berðust gegn því trúboði þar sem ofneysla áfengis er vaxandi vandamál?

Ekki reyna komast hjá því að svara með því að segja að þetta sé tvennt ólíkt. Þetta er nákvæmlega það sama, nema í þessu tilviki eru það ekki trúarbrögðin sem þú ert hluti af sem eru með trúboðið. 

[Heimir Lárusson Fjeldsted, 9.12.2007 kl. 23:39]

"Mér finnst ekkert óeðlilegt við það að Þjóðkirkjan, sem er tilheyrir ríkisvaldinu og langstærsti hluti þjóðarinnar tilheyrir, geti komið kristinni trú á framfæri í skólum. Ég hef ekki heyrt neinn berjast fyrir því að börn sem hafa ekki áhuga á íþróttum þurfi ekki að mæta í leikfimi í skólum. Afhverju? Jú það er talið hollt fyrir börnin að hreyfa sig. Á svipaðan hátt má telja hollt fyrir börn að þekkja kristin gildi en það er nú það sem við byggjum mörg lög og reglur á."

Þakka þér Birkir liðveisluna. Ég geri þín orð að mínum.

[Heimir Lárusson Fjeldsted, 9.12.2007 kl. 23:46]

Guðmundur, það er afskaplega erfitt að svara svona ef-spurningu og ég biðst undan því.

[Svanur Sigurbjörnsson, 10.12.2007 kl. 00:09]

Sæll Heimir L

Þetta er nú með því lélegra sem ég hef séð skrifað hér í moggablogginu.

Siðmennt biður stjórnvöld og Þjóðkirkjuna að gæta þess að skólabörn fái frið frá hvers kyns trúboði og trúarlegri starfsemi, rétt eins og starfsemi stjórnmálasamtaka er ekki leyfð í skólum.  Karl biskup bregst þannig við að kalla Siðmennt "hatrömm samtök", svona álíka og maður myndi kalla hryðjuverkasamtök eða Ku Klux Klan.  Þú og Karl teljið semsagt að það sé árás á Þjóðkirkjuna að biðja um að iðkun og boðun trúar tilheyri einkalífi fólks og að skólinn sé fyrir allt fólk, ekki bara kristna.  Hvernig í ósköpunum getur þú svo tengt þetta baráttunni gegn fíkniefnanotkun?  Ertu í algerum flótta gagnvart umræðuefninu eða ertu svona langt frá því að skilja um hvað ræðir?  Ef þú værir í friðsömum samtökum sem hefði samt einhverjar skoðanir, myndir þú sætta þig við að vera kallaður "hatrammur" af fólki í áhrifamiklum stöðum?  Ég vona að þú hugsir þetta betur út og skoðir betur fyrir hvað Siðmennt og húmanismi stendur.  www.sidmennt.is er góð byrjun ásamt www.iheu.org

[Guðmundur Ólafsson (IP-tala skráð) 10.12.2007 kl. 00:12]

Tilgangurinn var að fá þig til að reyna að setja þig í stöðu foreldra sem eru harðir anstæðingar kristinnar trúar. Þeir hafa ekkert val um að senda börnin sín í skóla. "Valið" sem þau hafa að kippa barninu sínu útúr hópnum í hvert skipti sem trúin er boðuð er ekki raunverulegt val. Ekki nema þú teljir það allt í lagi að skipta krökkum í hópa eftir trúarskoðunum. Þetta er mjög slæmt fyrir barnið.

Það er ástæða fyrir því að mannréttindasáttmáli evrópu sem ísland er aðili að og er lög á Íslandi bannar svona. Þetta er brot á trúfrelsi og á ekki að líðast. 

[Ólafur Björgvin Sveinsson (IP-tala skráð) 10.12.2007 kl. 01:23]

"Það sem ég er að reyna að útskýra er að kristilegt hugarfar hefur síður þolinmæði fyrir svo heimsulegt athæfi sem eiturlyfjaneysla er."

Það getur vel verið að kristilegt hugarfar einsog þú orðar það hafi ekki þolinmæði fyrir eiturlyfjaneyslu. En kristnir menn eru ekki með einkarétt á því að vera á móti eiturlyfjaneyslu. Almennt er fólk yfir höfuð á móti eiturlyfjaneyslu óháð hvaða trúarbragð var boðað í þeirra skóla. Allavega var það ekki mér ekki varað við hættum eiturlyfja í krinstfræði.

"Ég hef ekki heyrt neinn berjast fyrir því að börn sem hafa ekki áhuga á íþróttum þurfi ekki að mæta í leikfimi í skólum. Afhverju? Jú það er talið hollt fyrir börnin að hreyfa sig. Á svipaðan hátt má telja hollt fyrir börn að þekkja kristin gildi en það er nú það sem við byggjum mörg lög og reglur á."

Að líkja þörf barna til að hreyfa sig við þörf barna að fræðast um kristin gildi er sorglegt.

[Sigurður Hólm Gunnarsson, 10.12.2007 kl. 10:22]

Hér fer fram ein allra slappasta umræða sem ég hef lesið lengi.

"Hún er vissulega hatrömm aðför Siðmenntar að kristninni. Ef allt væri í himnalagi í þjóðfélaginu gæti ég skilið að "stórhuga" menn réðust á garðinn sem hann er hæstur. En þegar dópsalar knýja æ fastar dyra hjá æskunni sem kirkjan beinir sjónum sínum að ræðst Siðmennt gegn kirkjunni en ekki dópsölunum. Hvaða vitleysa er í gangi?"

Ég veit að ég á ekki að vera að svara þessari vitleysu. Mig langar nú samt að snúa þessari hugleiðingu við.

Hvers vegna í ósköpunum eyðir Þjóðkrikjan og biskupinn ekki tíma sínum í að berjast gegn dópsölum en siðrænum húmanistum sem vilja aðeins jafnrétti á Íslandi?

Sigurður Hólm Gunnarsson

Stjórnarmaður í Siðmennt

www.skodun.is



Siðmennt - félag siðrænna húmanista á Íslandi

www.sidmennt.is

[Guðrún Sæmundsdóttir, 10.12.2007 kl. 10:22]

Siðmennt er farið að minna á einhvern saumaklúbb með "gerfivandamál" þarna eru örfáir einstaklingar í vandræðum með tímann, afhverju fá þau sér ekki smáhund sem þau geta klætt í föt?

Það eru einsog síðuhöfundur bendir réttilega á, raunveruleg vandamál í þessu þjóðfélagi sem þarf að taka á, einsog fíkniefnavandinn. Siðmennt breytir sínum málflutningi eftir vindátt, fyrir nokkru síðan töluðu þau um að þau vildu ekki að börnin sín sæktu trúarbragðafræðslu í skólum þar sem kristnifræði væri kennd en núna geysast þau fram á ritvellina með þá fullyrðingu að þau vilji einmitt fá kristnifræðikennslu en fyrri rök þeirra gengu útá það að börnin þeirra gætu hugsanlega sætt einelti ef þau yrðu ekki með hinum börnunum í kristinfræðikennslu. Ég bíð Siðmenntarforeldra velkomna í raunveruleikann einsog hann blasir fyrir mjög mörgum foreldrum. Skólakerfið er samansett af ólíkum einstaklingum.  Sum börn þurfa að fara úr bekknum til að læra hjá sérkennara, býður það uppá einelti?  Sum börn geta ekki tekið þátt í leikfimi eða sundi vegna heilsufarsvandamáls, býður það uppá einelti?  Sum börn eru mjög feit býður það uppá einelti?  Sum börn eiga við ofvirkni að stríða býður það uppá einelti?sum börn eru frá fátækum heimilum og eiga ekki falleg föt, býður það uppá einelti?  Sum börn eru nýbúar og tala lélega íslensku, býður það uppá einelti?

Einelti á sér víða stað í skólum, Lausnin við því er að fræða börnin sjálf um þennan alvarlega gjörning. 

Það er engin lausn að banna helgileikinn um fæðingu Jesú, eða banna börnum að syngja heims um ból helg eru jól, Í Betlehem er barn oss fætt og bjart er yfir Betlehem blikar jólastjarna.  

[Sigurður Hólm Gunnarsson, 10.12.2007 kl. 10:59]

Ég hvet Guðrúnu að hætta að ljúga. Það er orðið ansi þreytt. Siðmennt hefur alltaf stutt fræðslu um trúarbrögð í skólum. Þetta er búið að benda þér á svo oft að það sætir furðu að þú skulir ekki skilja þetta ennþá.

Sigurður Hólm Gunnarsson
Stjórnarmaður í Siðmennt
www.skodun.is

Siðmennt - félag siðrænna húmanista á Íslandi
www.sidmennt.is 

[Guðrún Sæmundsdóttir, 10.12.2007 kl. 11:10]

Sigurður hver er að ljúga? Siðmennt sakar alla þá sem eru ósammála þeim um lygi, núna síðast sjálfan biskup íslensku þjóðarinnar. 

Hvað finnst þér Sigurður um það að nálægt jólum skuli vera sungin eftirfarandi lög í skólum ýmisst af nemendum sjálfum eða skólakórum,

Bjart er yfir Betlehem blikar jólastjarna.

Í Betlehem er barn oss fætt 

Heims um ból, helg eru jól

Þá nýfæddur Jesú í jötunni lá 

Hvað finnst Sigurði um það að í skólum sé leikinn helgileikurinn um fæðingu Jesú 

[Heimir Lárusson Fjeldsted, 10.12.2007 kl. 11:48]

Mér þykir umræðan orðin æði hatrömm, einkum af hálfu þeirrar Siðmenntarmanna sbr.: "

Hvers vegna í ósköpunum eyðir Þjóðkrikjan og biskupinn ekki tíma sínum í að berjast gegn dópsölum en siðrænum húmanistum sem vilja aðeins jafnrétti á Íslandi." Sigurður Hólm Gunnarsson Stjórnarmaður í Siðmennt"

Áður en þessi umræða hófs hélt ég satt að segja að Siðmennt hefði einhver stefnumið önnur en að koma höggi á trú fólks og mat þess á góðum gildum. Núna sé ég á málflutningi þeirra hér að framan að Siðmennt hefur það einkum að markmiðið að ráðast með hatrömmum hætti að okkur sem metum kristilegan boðskap meira en fáfengilegt hjal um "gervivandamál" eins og Guðrún Sæmundsdóttir orðar það svo vel hér að framan.

Þau gætu varið of löngum frístundum sínum til uppbyggilegri hegðunar fyrir samferðarfólk sitt. 

[Fannar frá Rifi, 10.12.2007 kl. 12:11]

Hvernig væri að kristnir myndu nú viðra hið vífræga umburðarlindi sem þeir láta svo hátt um? Hvernig væri að sýna þeim sem ekki vilja trúboð í skólum landsins umburðarlindi og koma til móts við þá? Eruð þið ekki alltaf að tala um kærleika og umburðarlindi kristinnar trúar? Orðræða eins og margir hafa viðrað hérna um aðskilnað á trúarhópum er ekki beint í samræmi við hin fögru orð.

[Guðrún Sæmundsdóttir, 10.12.2007 kl. 12:23]

Það er lítið umburðarlyndi fólgið í því Fannar að minnka menntun barnanna okkar. Það er mikilvægt að þau séu læs á íslenska menningu með því að læra vel um Ásatrúnna og Kristni. það er líka mikilvægt að þau læri um öll önnur trúarbrögð einsog Islam til þess að þau öðlist skilning á múslimum. En ég bíð enn eftir svari frá Sigurði um það hvað  honum finnist um söng skólabarna í skólum á eftirtöldum jólalögum:

Bjart er yfir Betlehem blikar jólastjarna.

Í Betlehem er barn oss fætt 

Heims um ból, helg eru jól

Þá nýfæddur Jesú í jötunni lá 

Hvað finnst Sigurði um það að í skólum sé leikinn helgileikurinn um fæðingu Jesú?

[Heimir Lárusson Fjeldsted, 10.12.2007 kl. 12:26]

Auðvitað hafa örsamtök eins og Siðmennt alla samúð kristinna manna og við fyrirgefum þeim frumhlaupið. Núna er verkefnið að vísa þeim veginn svo þau láti af að reyna að kúga meirihlutann. Þá er nauðsynlegt að opna augu þeirra fyrir því að þau eru aðeins 70 talsins meðan þjóðin er um 307 þúsund. Þeim hefur reynst erfitt að skilja stærðarhlutföllin, en geta það kannski með tímanum.

[Anna Benkovic Mikaelsdóttir, 10.12.2007 kl. 12:39]

Heimir...í beinu framhaldi af þessum talnaflutningi þínum vil ég rifja upp fyrir þér að frumkristnir menn voru í miklum minnihluta í Rómverska keisaradæminu árin á eftir dauða Jesus Krists...má ég þá sjálfkrafa vitna í þig og segja um þá að... "Núna er verkefnið að vísa þeim veginn svo þau láti af að reyna að kúga meirihlutann. Þá er nauðsynlegt að opna augu þeirra fyrir því að þau eru aðeins 70 talsins meðan þjóðin er um 307 þúsund. Þeim hefur reynst erfitt að skilja stærðarhlutföllin, en geta það kannski með tímanum."

[Heimir Lárusson Fjeldsted, 10.12.2007 kl. 12:50]

Ekki líki ég formanni Siðmenntar við Jesú Krist.

[Anna Benkovic Mikaelsdóttir, 10.12.2007 kl. 12:52]

...það er ekki spurningin. Ég reyni aftur...

 ....í beinu framhaldi af þessum talnaflutningi þínum vil ég rifja upp fyrir þér að frumkristnir menn voru í miklum minnihluta í Rómverska keisaradæminu árin á eftir dauða Jesus Krists...má ég þá sjálfkrafa vitna í þig og segja um þá að... "Núna er verkefnið að vísa þeim veginn svo þau láti af að reyna að kúga meirihlutann. Þá er nauðsynlegt að opna augu þeirra fyrir því að þau eru aðeins 70 talsins meðan þjóðin er um 307 þúsund. Þeim hefur reynst erfitt að skilja stærðarhlutföllin, en geta það kannski með tímanum."

????? 

[Heimir Lárusson Fjeldsted, 10.12.2007 kl. 12:57]

Lærisveinar Krists hófu trúboð og vildu gera allar þjóðir að lærisveinum; líka þig Anna

Efasemdarmenn hafa alltaf verið til, en þeir skerpa bara ímynd kristninnar sem er til góða. 

[Ólafur Björgvin Sveinsson (IP-tala skráð) 10.12.2007 kl. 13:50]

"Núna er verkefnið að vísa þeim veginn svo þau láti af að reyna að kúga meirihlutann"

Það er ekkert verið að kúga meirihlutann, bara verið að krefja kirkjuna til að fara eftir mannréttindasattmála sameinuðuþjóðana.

Skal gefa þér dæmi um yfirgang kristinna manna í skólum bara svo þú vitir hve umburðalynd kristnin þín er.

Þegar ég var í grunnskóla var venjulega farið í "jólagleði"(messu) í næstu kirkju. Þar sem ég er ekki kristinnar trúar bað ég um að fá að sleppa því. Það kom alls ekki til greina að ég fengi að vera eftir á bókasafninu á meðan að allir fóru í "jólagleði", var ég því þvingaður með þrátt fyrir mótmæli mín. Þar að auki var aðstoðarskólameistari settur með mér alla ferðina til þess að ég myndi alveg örugglega ekki gera neitt meira af mér. Þessi "jólagleði" hefði svo sem verið í lagi ef öllu bænahaldi verið sleppt en svo var ekki, þetta var ekkert annað en boðun.

[Heimir Lárusson Fjeldsted, 10.12.2007 kl. 14:03]

þetta er auðvitað grafalvarlegt mál og hefur sært sómatilfinningu þína til ólífis. Ég man bara ekki að hafa áður heyrt svo svívirðilega framkomu við barn sem ekki mátti heyra kærleiksríkt orð á erfiðum uppvaxtarárum. Ég þykist viss um að þú býðir þessa seint bætur og bið því góðan Guð að vera með þér Ólafur Björgvin Sveinsson (ef það er rétt nafn).

[Anna Benkovic Mikaelsdóttir, 10.12.2007 kl. 14:11]

Takk Heimir...en það sem ég er í raun að spyrja þig um er...

Gildir þessi meirihlutaregla um allt og alla (og þar með frumkristna menn)??? 

[Heimir Lárusson Fjeldsted, 10.12.2007 kl. 14:33]

Meirihlutaregla gildir í lýðfrjálsu landi Anna.

Í frumkristni máttu boðberar kærleikans þola háð og spott og gera enn, en af afskaplega fáum og undarlega þenkjandi.

[Anna Benkovic Mikaelsdóttir, 10.12.2007 kl. 14:51]

•Lýðræði á Vesturlöndum þýðir að lýðurinn í landinu ræður/velur sér stjórnendur. –Átt er við vilja meirihlutans þar sem miðað er við frjálsar kosningar, almennan kosningarétt og fleiri en einn stjórnmálaflokk í framboði. –En allir hafa borgaraleg réttindi, t.d. eignarétt, tjáningarfrelsi og félagafrelsi.

[Anna Benkovic Mikaelsdóttir, 10.12.2007 kl. 14:53]

Má ég þá skilja svar þitt við spurningunni "Gildir þessi meirihlutaregla um allt og alla (og þar með frumkristna menn)??? sé...

Já, og líka um frumkristna menn í Rómarveldi?? ...sem sagt að...svo ég vitni í þig!""Núna er verkefnið að vísa þeim veginn svo þau láti af að reyna að kúga meirihlutann."?

[Sigurður Hólm Gunnarsson, 10.12.2007 kl. 15:04]

Þarna hittir Anna Benkovic naglann á höfuðið!

[Heimir Lárusson Fjeldsted, 10.12.2007 kl. 15:12]

Virðing mín fyrir rökfimi "Siðmenntaðs" fólks þverr með hverri færslu ykkar Anna og S.Hólm. Þið hafið ekkert til málanna að leggja nema sjálfbirgingshátt og hártoganir. Ykkur stendur er greinilega á sama um meðborgara ykkar, ef þið bara fáið þjónað ykkar undarlegum hvötum. Verst þykir mér að þið kallið ykkur siðmenntað fólk; þvílík öfugmæli.

Þið eruð rökþrota og hengið ykkur á orðhengilshátt og tittlingaskít, sem hvergi fær staðist skoðun

Guð veri með ykkur. 

[Anna Benkovic Mikaelsdóttir, 10.12.2007 kl. 15:21]

Heimir, þetta kallast algild siðalögmál í heimspekinni og er alþekkt, en alls engin orðhengilsháttur. Allavega vil ég nota hér tækifærið og óska þér og þínum innilega gleðilegra jóla

[Heimir Lárusson Fjeldsted, 10.12.2007 kl. 15:23]

Þú ert örugglega ágæt Anna Gleðilega hátíð Frelsarans fyrir þig og þína

[Kristján H Theódórsson, 10.12.2007 kl. 15:49]

Sjaldan hef ég orðið vitni að heimskulegri málflutningi, en þeirra "trúsystkina" minna hér einsog t.d. Heimis og Guðrúnar.

Gjörsamlega rökþrota , eða í besta falli "afþví bara" rök.  Í ljósi þess að biskupinn blessaður virðist lítið skynsamari fer maður að hugsa sinn gang alvarlega hvort maður vill láta bendla sig við þessa vitleysu mikið lengur!

[Heimir Lárusson Fjeldsted, 10.12.2007 kl. 15:54]

Þakka þér Kristján hrósið

[Zaraþústra, 10.12.2007 kl. 17:55]

Hef enga sterka skoðun á þessum málum Siðmenntar og Þjóðkirkjunnar.  Hins vegar eru augljóslega slöpp rök.  Það mætti nota sambærileg rök um ýmislegt.  Til dæmis væri nær að huga að þeim milljónum barna sem látast vegna hungurs í stað þess að reyna bjarga einum og einum dópista.  Þá verða femínistar, sósíalistar, kristnir, guðleysingjar, friðarsinnar o.s.frv. allir að láta eigin baráttumál bíða á meðan við reddum hungurvandamálinu í einum grænum.  Ekki viljum við að milljón börn láti lífið vegna þess að við vorum upptekinn við að rífast um svo miklu ómerkilegari mál?

Sýnist reyndar að flestum sé augljóst hversu slæm rök þetta eru.

Ágætis æfing í gagnrýnni hugsun Heimir, takk fyrir þetta

[Ásgeir R. Birgisson, 10.12.2007 kl. 17:57]

Já Gleðileg Jól allir saman. Takið því eins og þið viljið taka því. Ég og mín fjöldskylda erum trúlaus og öll því sammála að vera ekki að pranga ónýtri trú ofaní greyið börnin okkar, meira segja amma bölvar biskupnum og hans ættar hyski fyrir fasisma í trúmálum á Íslandi (Biskup og hans ætt hefur jú ráðið yfir sáluhjálparlínu Ísland þó nokkuð lengi). Ég vil ekki sjá systurbarn mitt fara í skóla með trúboði, alls ekki. Það er nóg að líta til Gunnars í krossinum til að sjá hversu illa getur farið. Móðir barnsins vill heldur ekki að prangað er uppá hann trú sem hún ekki aðhyllist en vill endilega að fari fram trúabragðafræðsla til að upplýsa barnið um hin og þessi trúarbrögð. Fyrr í þessu bloggi mátti lesa að 80 manns aðhyllist það sem Siðmennt er að fara fram á, en aldeilis má bæta þar við fleiri fólki. Þó svo að fólk sé skráð í Þjóðkirkjuna þýðir það ekki að fólkið er kristið því það er default að fólk sé skráð í Þjóðkirkjuna og maður getur því miður ekki afskráð sig með símtalinu einu. Ég ætla bara að biðja ykkur kristna fólk að hætta þessari tvöfeldni og bjóða hina kinnina í þessu máli og hætta trúboði. Leyfið frekar foreldum að koma til ykkar með börn sín ef þeir svo kjósa, en látið greyin vera í skólanum þar sem þeim er kennt af veraldlegri stofnun Íslenska Ríkisins.

[Heimir Lárusson Fjeldsted, 10.12.2007 kl. 18:53]

Ég held að ekki skipti máli hver rökin eru sem sett eru fram, þau eru öll slæm þegar "Siðmenntað" fólk á í hlut. Hvort heldur menn kjósa að kalla sig Zaraþústra eða Ásgeir R. Birgisson duga engin rök ef reynt að hrófla við "trú" þeirra. Ég hef aldrei áður fengið svo margar athugasemdir og rek ég ástæður beint til þess hversu heimsk umræða mín er. Sjáið bara ummæli Kristjáns H Theódórssonar sem blöskrar svo heimskan að hann hyggst láta af trú sinni. Hann telur upp; Guðrúnu mig og biskupinn sem hann telur þó "lítið skynsamari" eins og hann segir svo hæversklega. Ég veit að góður Guð veri með ykkur öllum og ég veit líka að máttur bænarinnar er sterkari en bölbænir ykkar

[Óli Jón, 10.12.2007 kl. 21:31]

Í athugasemd 35 minnir greinarhöfundur á að með fermingunni hafi Heiða B. lofað að gera Krist að leiðtoga lífs hennar. Er þetta markmiðið með því að 'ná þeim ungum'? Að geta hermt upp á börn loforð um svo afgerandi þátt í lífi sínu þegar þau hafa ekki þroska til þess að lofa einu eða neinu? Þau mega ekki einu sinni vera úti lengur en til 20 eða 22 á kvöldin eða fara ein í bíó! Það er útilokað að 14-15 ára barn geti undirgengist slíka skuldbindingu! Er þá ekki betra að fresta fermingunni, gera hana hreinlega valkvæma og bjóða hana t.d. þegar fólk fær aldur til að kaupa sjálft messuvínið?

Annars er það tvennt sem mér er spurn um og fæ aldrei svör við þegar kemur að kristni og útbreiðslu hennar hérlendis:

• Hvers vegna þarf að skrá alla sjálfgefið inn í Þjóðkirkjuna við fæðingu?
• Hvers vegna þarf að halda úti linnulitlu trúboði í skólum?

Er 'Þjóðkirkjan' ekki vel þess megnug að ná í sitt fólk upp á sitt einsdæmi? Þetta er örugglega hin ágætasta stofnun fyrir þá sem hana velja, en hvers vegna þarf að velja hana fyrir alla? Hvernig var 'Þjóðkirkjan' bættari við það að ég var skráður í hennar lið allt þar til fyrir þremur árum síðan, ég sem aldrei hef verið hallur undir boðskap hennar? Fyrir utan auðvitað sóknargjöldin sem skipti líklega ekki neinu máli í þessu samhengi :)

Og hví nægir ekki að allir séu skráðir í 'Þjóðkirkjuna' við fæðingu fyrst það gallaða og gerræðislega fyrirkomulag er við lýði? Hvers vegna þarf að breiða út boðskap kristninnar í skólum og messa þar yfir óþroskuðum börnum sem ekki eru í aðstöðu til að ráða sér sjálf? Ég hef svo oft séð því fleygt fram að boðskapurinn sé góður og uppbyggjandi og geri börnin að betra fólki. Með sama hætti má rökstyðja það að Felix og Gunni væru kostaðir til að fara í alla skóla allt skólaárið með sínar ágætu lexíur í góðum siðum. Munurinn væri sá að allir geta sætt sig við Felix og Gunna.

Höldum trúnni fyrir hina trúuðu, trúleysinu fyrir hina og gefum börnunum frí frá þessu þrasi í skólunum! Þá verður ekkert tilefni til þess að halda úti athugasemdaþráðum á borð við þennan. Væri það ekki betri og skemmtilegri veröld?

[Heimir Lárusson Fjeldsted, 10.12.2007 kl. 22:05]

Óli Jón.

Hvers vegna er tímatalið kennt við fæðingu Krists en ekki Gunna og Felix?

Gleðileg jól

[Guðrún Sæmundsdóttir, 10.12.2007 kl. 22:42]

Yfir 90% barna fá kristilega skírn, og eru nú foreldrarnir yfirleitt með réttu ráði þegar að sú athöfn fer fram, þannig að hafi þeir ekki verið 100% fylgnir við Jesú þegar þeir fermdust þá eru foreldrarnir búnir að ákveða sig við nafnagift barns síns.

Ég ætla að birta hér færslu sem ég birti á blogginu mínu í kvöld. 

Skólaljóðin og Siðmennt

Undanfarið hefur átt sér stað mikil og þörf umræða um kröfur Siðmenntar, um að ekki eigi sér stað nein trúarleg iðkun í skólum. Ég er ekki viss um að almenningur geri sér grein fyrir því hve Ásatrúin og kristindómurinn eiga sér sterkar rætur í menningararfleið  þjóðarinnar. Sagan okkar sem að við íslendingar erum svo stolt af og hefur skapað íslendingum sérstöðu meðal þjóða heims er samfléttuð átrúnaði á æðri mátt, og ég segi að fyrir mitt leyti vil ég ekki hafa það öðruvísi. Ég hef einsog margir aðrir foreldrar lagt ríka áherslu á það við uppeldi barnanna minna að þau geri sér grein fyrir því láni að vera íslensk, og hef innrætt þeim virðingu fyrir sögu, menningu og bókmenntum þjóðarinnar. Núna er ljóst að Siðmennt setur það fyrir sig það að sálmar séu sungnir í skólum fyrir jól og krefjast bann á flutningi helgileiksins um fæðingu Jesú í skólum. (minnir mann á Kínverska kommúnismann) Ef við lítum á þennan meinta sálmasöng sem yrði bannaður í skólum er þar að finna " Í Betlehem er barn oss fætt, Heims um ból helg eru jól, og Bjart er yfir Betlehem.

Ég leyfi mér að vitna í bloggsíðu hér á mbl. blogginu þar sem fjallað er um afleiðingar kröfu Siðmenntar á skólaljóðkennslu.

"Helga Sigrún  Harðardóttir af vefsíðunni helgasigrun.blog.is

Í Skólaljóðunum gömlu, góðu er að finna einstakar perlur, sem a.m.k. við fyrstu sýn uppfylla ekki skilyrðin um guðleysið.

 * Þjóðsöngurinn hlýtur að þurfa að víkja. "Ó Guð vors lands..." Út með hann. *

Lag Magnúsar Þórs Sigmundssonar, Ísland er land þitt, sem stundum hefur verið nefnt þjóðsöngur númer tvö gengur ekki heldur: "Ísland sé falið þér eilífi faðir, Ísland sé frjálst meðan sól gyllir haf" Obb,obb,obb.... *

"Hver á sér fegra föðurland" eftir Huldu. Þar segir "...geym Drottinn, okkar dýra land er duna jarðarstríð..." Henda því. *

Erla góða Erla, Stefáns frá Hvítadal á vart upp á pallborðið: "Dýrðlega þig dreymi og Drottinn blessi þig" Usss... nær engri átt. *

Góða tungl eftir Steingrím Thorsteinsson er heldur ekki guðlaust: "Og sem vinhýr vörður manna Vitna þú um drottins ást" Ojojoj...

Ísland ögrum skorið: "fyrir skikkan skaparans; vertu blessað, blessi þig, blessað nafnið hans." Bless, bless... Þetta er ekki tæmandi upptalning, síður en svo. Þessi menningararfur er ómetanlegur, eins og kristnu fræðin. Hvað gæti þá komið í staðinn fyrir þessi ljóð? *

Súrmjólk í hádeginu og seríos á kvöldin? * Diggi liggi læ læ, diggi liggi ló?" Helga Sigrún Harðardóttiraf vefsíðunni helgasigrun.blog.is

Lifið heil

[Rósa Aðalsteinsdóttir (IP-tala skráð) 10.12.2007 kl. 23:16]

Sælt veri fólkið. Þetta bréf barst mér fyrir helgi.

Umhugsunarvert

Anne Graham, dóttir Billy Graham, var í viðtali í morgunnþætti Jane Clayson í sjónvarpi í Bandaríkjunum stuttu eftir hryðjuverkaárásina á World Trade Center.  Jane Clayson spurði hana. "Hvernig gat Guð leyft þessu að  gerast?"

 Og Anne Graham svaraði þessu á einstaklega djúpan og skilningsríkan hátt...; "Ég trúi því að Guð sé virkilega sorgmæddur yfir þessu, alveg eins og við erum, en í mörg ár höfum við verið að segja Guði að koma sér út úr skólum okkar, að koma sér út úr ríkisstjórnum okkar og að koma sér út úr lífi okkar. Og þar sem hann er "heiðursmaður" þá trúi ég því að hann hafi hægt og hljóðlega stígið til hliðar. Hvernig getum við ætlast til þess að Guð gefi okkur blessun sína og vernd ef við krefjumst þess að hann láti okkur í friði? " Í ljósi liðanna atburða... hryðjuverkaárása, skotárása í skólum o.s.frv...

Ég held að þetta hafi einmitt byrjað þegar Madeline Murray O ' Hare ( sem var myrt, lík hennar fannst fyrir stuttu ) kvartaði yfir bæn í skólum okkar, og við sögðum : "Allt í lagi." Síðan sagði einhver að það væri betra að sleppa því að lesa Biblíuna í skólum. Biblíuna sem segir að þú skalt ekki morð fremja, þú skalt ekki stela, og elskaðu náunga þinn eins og sjálfan þig. Og við sögðum "Allt í lagi." Síðan sagði einhver að kennarar og skólastjórar ættu ekki að aga börnin okkar þegar þau haga sér illa. Og skólayfirvöld sögðu : " Enginn starfsmaður skólans ætti að snerta nemendur þegar þeir haga sér illa vegna þess að við viljum ekki slæmt umtal, og við viljum vissulega ekki verða lögsótt. " ( Það er stór munur á ögun og snertingu barnsmíðum, löðrungi, niðurlægingu, spörkum o.s.frv. ) Og við sögðum :  "Allt í lagi."

Síðan sagði einhver mikilsvirtur ráðamaður: " Það skiptir ekki málið hvað við gerum í okkar einkalífi svo framalega sem við vinnum vinnuna okkar. Og við samþykktum þetta og sögðum: " Það skiptir ekki máli hvað nokkur annar gerir, þar á meðal forsetinn gerir í einkalífi sínu á meðan ég hef vinnu og efnahagslífið er gott. Og síðan sagði skemmtanaiðnaðurinn: "Búum til sjónvarpsþætti og kvikmyndir sem stuðla að guðlasti ( ljótu orðbragði ), ofbeldi og óleyfilegu kynlífi. Og gerum tónlist sem hvetur til nauðgana, eiturlyfjanotkunar, morða, sjálfsmorða og djöfladýrkunar. Og við sögðum :


"Þetta er bara skemmtun, þetta hefur engin slæm áhrif, og enginn tekur þessu hvort sem er alvarlega, svo gerið bara eins og þið viljið." Og nú spyrjum við okkur hvers vegna börnin okkar hafa enga samvisku, og hvers vegna þau þekkja ekki muninn á réttu og röngu, og hvers vegna þeim finnst ekkert að því að myrða ókunnuga, skólafélaga sína, og sig sjálf. Ef við hugsum málið nógu vel og lengi, þá getum við eflaust áttað okkur á stöðunni. Ég held að þetta hafi mikið að gera með að við "UPPSKERUM EINS OG VIÐ SÁUM." "Elsku Guð, hvers vegna hjálpaðir þú ekki  litlu stelpunni sem var myrt í skólastofunni sinni? " Einlægur og áhyggjufullur nemandi.... OG SVARIÐ:

"Kæri einlægi og áhyggjufulli nemandi, mér er ekki hleypt inn í skólana. " Yðar einlægur, Guð. Skrítið hvað það er einfalt fyrir fólki að gera lítið út Guði og vera síðan hissa á því að heimurinn skuli vera á leið til Helvítis. Skrítið að við skulum trúa því sem stendur í dagblöðum, en við efumst um það sem stendur í Biblíunni.

Skrítið hvernig allir vilja komast til himna, svo framalega að þeir þurfi ekki að trúa, hugsa, segja, eða gera neitt sem Biblían segir.
Skrítið hvernig sumir geta sagt: "Ég trúi á Guð" en samt fylgt Satan, (sem "trúir" að vísu líka á Guð ).

Skrítið hvað við erum fljót að dæma, en viljum sjálf ekki vera dæmd.
Skrítið hvernig þú getur sent þúsund brandara í tölvupósti og þeir berast um eins og eldur í sinu, en þegar þú ferð að senda tölvupóst þar sem talað er um Drottinn, þá hugsar fólk sig tvisvar um áður en það sendir hann áfram.
Skrítið hvernig klúr, ósæmilegur, óheflaður og ruddalegur póstur ferðast frjáls um netheiminn, en opinber umræða um Guð er þögguð niður í skólum og vinnustöðum.

Skrítið hvernig einhver getur verið svo brennandi fyrir Guði á Sunnudegi, en verið ósýnilegur kristinn einstaklegur það sem eftir lifir vikunnar.
Hlærðu?
Skrítið hvernig þú ferð að framsenda þennan póst, þá sendir þú hann ekki til margra í netfangabókinni þinni vegna þess að þú ert ekki viss um hverju þeir trúa, eða hvað þeir munu halda um þig fyrir að senda sér þennan póst.
Skrítið hvernig ég get haft meiri áhyggjur hvað öðru fólki finnst um mig heldur en hvað Guði finnst um mig.

Hefur þetta fengið þig til að hugsa?

Ef þér finnst það þess virði, sendu þennan póst áfram. Ef ekki, hentu honum þá... Enginn mun vita hvað þú gerðir. En ef þú hendir þessum hugsunum frá þér, sittu þá ekki hjá og kvartaðu ekki yfir því í hversu slæmum málum heimurinn er !

[Óli Jón, 10.12.2007 kl. 23:43]

Sæll, Heimir

Af hverju eru pláneturnar nefndar eftir rómverskum guðum en ekki í höfuðið á lærisveinunum? Góð spurning, en hún svarar ekki neinu frekar en þín spurning (athugasemd 73) og er því marklaus í samhenginu. En það er gaman að sjá hvernig þú beitir frómum óskum um Guðs blessun og gleðileg jól eins og þú sért viss um að þær muni brenna á okkur trúlausum sem versta sýrubað :)

Gleðileg jól og gakktu glaður á Guðs vegum.

[ViceRoy, 11.12.2007 kl. 00:48]

Ég ætla að leyfa mér að segja að ég trúi á Guð og kalli mig kristinn mann, en ég stend fullkomlega með "trúleysingjunum" (eins og sumir vilja uppnefna þá) eða réttara sagt Siðmennt í þessu máli, því ég skil fullkomlega þeirra viðhorf til málsins! Skítköst VEL þegin!

Þetta er nú meiri umræðan!  Hvernig væri nú að við sem teljum okkur kristin förum að virða það að það eru ekki allir á landinu kristnir þótt fæddir séu í kristna kirkju! Spurt er "Fermdist þú" og svo í kjölfarið "Þar varstu að játa trú þína á Jesú og Guði..."... Það sem ég sé í flestra barna augum þegar að fermingu kemur, er eftirvænting eftir gjöfum og stórri veislu... Ekki þeirra játningu á trú sinni.  Ef við tökum þetta úr skólum, þá erum við ekki að taka burt menntun í sjálfu sér. Ef fólk vill virkilega að börn sín séu kristin þá á að, og ég leyfi mér að blóta, drullast á lappir á sunnudögum og fara í kirkju! Til þess eru messurnar.  Ef við viljum fræða börn okkar um trúarbrögð af öllum toga og þá af sömu áherslum, þá er það alveg sjálfsagt mál, því þar er fræðsla í gangi.

Þegar maður var að fermast, þá nennti varla ekkert barn í þessar 5 messur sem þau þurftu að fara í... Af hverju? Því í fyrsta lagi, þá eru messur yfirleitt mjög litlausar... monotone raddir prestanna (sem einhvern á alltaf við um messur) kallar ekki beint á athygli fylgjenda og áheyrenda.  En samt sem áður, þá er það leiðin til að fræða börn sín um trúnna, sem og að lesa sögurnar og fræða börnin sín um þetta.  Hvernig er svo sem þar að auki hægt að treysta á það að kennarinn sé t.d. svo trúaður kristinn maður/kona? 

Þetta með þjóðsönginn... Hvernig á sá sem ekki trúir á Guð að geta sungið þjóðsönginn með stolti þegar hann lofsyngur guð sem hann ekki trúir á?  Gæti ég sungið þjóðsöng sem tilbæði guði Hindúa, ef svo væri málið, og ég tilheyrði minnihluta hópi? Þar fyrir utan kunna alltof fáir þjóðsönginn, enda hálf ósyngjanlegur fyrir alltof marga, enda var ekki verið að pæla í því, heldur að reyna að gera eitthvað stórmerkilegt verk í staðinn fyrir söng sem allir gætu sungið og munað og sungið með stolti um ÞJÓÐ en ekki trú! 

Svo finnst mér afar klunnalegt þegar fólk er að segja að "Það má ekki setja út á trú þeirra (trúleysingja) því þeir bregðast illa við"... ég sé ekki betur en hið kristna fólk hér er að bregðast afar illa við sjálft, og í kjölfarið með miklum útúrsnúningum sem snerta málið ekki nokkurn skapaðan hlut. 

Hvernig á fyrir það fyrsta, sá sem ekki trúir á guð að bregðast við setningum eins og "Guð mun fyrirgefa þér" eða "þú endar í hreinsunareldinum" og einhverjum af þeim svörum sem liggja á trúarlegu leyti?  Hann hlær að þessu! Af hverju? Því hann hugsar nákvæmlega eins og sá sem sagði svona RUGL (já ég sagði RUGL)  "Vitleysingur!"

 Svo er hér spurning sem ég hef velt svolítið fyrir mér... Við eigum ekki að hafa skurðgoð, þ.e. að tilbiðja guð sem er útskorinn (eða úr einhvers konar efni)... samt tilbiðjum við útskorna styttu af Jesú sem hangir uppi í kirkjum! Við sem áttum ekki að skera út mynd af guði, en þar sem Jesú átti að vera sonur guðs, og partur af hinni heilögu þrenningu... þá er hann paktískt guð... svo er það ekki brot boðorðs í sjálfu sér?  Bara svo ég nefni það!

Ég er kannski kominn svolítið út fyrir efnið... En mér finnst vera alltof mikið þvælt um þetta (frá kristnu fólki þ.e.a.s.) og á kolvitlausum forsendum! 

[Egill, 11.12.2007 kl. 04:44]

sorglegt

get ekki annað sagt þegar fólk reynir að tala við öfgafólk á grundvelli sem fullorðið fólk ætti að vera sammála um að sé málefnalegur. 

[Guðrún Sæmundsdóttir, 11.12.2007 kl. 08:31]

Mér finnst alltaf jafn kostulegt þegar að trúleysingja skortir rök í rökræðum við trúfólk þá er alltaf farið útí að kalla trúaða  öfgafólk og ofstækislið. Það væri líkt því ef andstæðingar í stjórnmálum færu að hreyta þessu í hvorn annan. t.d. við afgreiðslu fjárlagafrumvarps, en þá eru nú heldur betur skoðanaskipti hjá þingmönnum okkar.. Sjáið þið hann Guðna í framsókn saka Guðlaug heilbrigðisráðherra um ofstæki þegar að kemur að umræðum um  fjárlög heilbrigðismála?

[Heimir Lárusson Fjeldsted, 11.12.2007 kl. 16:05]

"Siðmenntað" fólk hrópar gjarna öfgar og ofstæki, heimska og þekkingarleysi, þegar einhver er þeim ósammála og viðrar þær skoðanir opinberlega. Einn hér að framan sem ekki er "Siðmenntaður" ef rétt er ráðið í rúnirnar hefur í huga að láta af trú sinni því honum þykir við Guðrún svo heimsk og herra Karl Sigurbjörn biskup "lítið skynsamari". Þá þykir honum rétt að láta af trú á Jesú Krist frá Nazaret.

[Anna Benkovic Mikaelsdóttir, 11.12.2007 kl. 19:07]

Ég er nú svo alsæl með stefnu Siðmenntar í málefnum skólanna (vil reyndar ganga lengra) að ÉG SKRÁÐI MIG Í SIÐMENNT Í GÆR...öll þessi umræða hefur verið frábær og frábært að svona samtök séu til, nóg er nú af hinu!

[Heimir Lárusson Fjeldsted, 11.12.2007 kl. 19:15]

Líkur sækir líkan heim Anna.

[Anna Benkovic Mikaelsdóttir, 11.12.2007 kl. 19:40]

Takk Heimir minn

[Vala (IP-tala skráð) 11.12.2007 kl. 22:00]

Mætti ég benda á að jól er hundheiðinn siður.  En vegna markaðsetningar kristninar á sjálfum sér þá var þá var þessu splæst við hátíðir sem fyrir voru....

[Zaraþústra, 11.12.2007 kl. 22:39]

Sæll aftur Heimir! Ég sé að ég hef kannski komið illa við þig með þessum ummælum mínum.  Ég lofa þér því að ég óska þér einskis ills og fer ekki með neinar bölbænir.

Ég ákvað samt að lesa aftur færsluna þína og hef komist að því að það er nokkuð til í þessu hjá þér.  Eftir að hafa lesið stefnuskrá Siðmennt hef ég komist að því að það hlýtur að vera eitt af markmiðum félagsins að stuðla að heilbrigðu samfélagi m.a. með forvarnarstarfi.  Ég veit samt ekki hvort félagið sjálft geri það, það getur vel verið, grunar samt að þeir sem eru skráðir í þetta félag geri það á eiginn forsendum alveg eins og ég og þú.  En ég held ég skilji hvað þú ert að fara núna, afsakaðu misskilninginn.

Ástæðan fyrir svari mínu var að ég hélt þú værir að reyna kaffæra umræðuefnið með því að benda á stærra vandamál.  Það var rangt að mér að gera ráð fyrir því að þú værir að reyna nokkuð slíkt.  En þú skilur þá kannski betur afstöðu mína, ég vildi bara benda á að þótt svo ættum að einbeita okkur meira að mikilvægari hlutum væri það engin ástæða til að hundsa önnur smærri málefni.  Vona að við skiljum hvorn annan betur núna.

Bestu kveðjur,

Zaraþústra

[Guðrún Sæmundsdóttir, 11.12.2007 kl. 22:47]

Er stefnuskrá Siðmenntar alltaf eins? ég get ekki betur séð en að alltaf sé verið að fikta í henni en þar sem ég á þetta ekki á blaði get ég ekki farið útí að sanna það, en vil samt benda á að Siðmennt byggir á fáum einstaklingum sem geta farið fyrirvaralítið fram á breytingar á stefnuskrá og lögum félagsins með því að mynda meirihluta hverju sinni.

[Zaraþústra, 11.12.2007 kl. 23:40]

Sæl Guðrún! Ég veit ekki hvort þessu var beint til mín eða hvort þú hafir bara kastað þessu fram í hugleiðingum.  Ég vil taka það fram að ég tengist þessum samtökum ekki neitt, en bara fyrir forvitnissakir ákvað ég að athuga hvort eitthvað væri til í þessu sem þú segir.  Mér sýnist ekki.  Vefsíður á borð við Google geyma gömul eintök af flestum vefsíðum internetsins og því er einfaldlega hægt að skoða gömul eintök síðunnar og bera þau saman: hér er tveggja vikna eintak og hér er síðan eins og hún er í dag.  Þeir hafa allavega ekki breytt stefnumálum sínum á vefsíðunni síðustu tvær vikur.  Ég skoðaði líka enn þá eldri útgáfu frá því árið 2005 stuttu eftir að stefnuskráin var samþykkt samkvæmt því sem stendur neðst á síðunni.  Hér er samantekt á því sem hefur breyst:

Við næst síðasta lið bætist við: [Siðmennt] leggur áherslu á umburðarlyndi, samúð og bjartsýni. Þetta er sjálfsagt gert til þess að samræmast stefnu Mannréttindanefndar Sameinuðu þjóðanna.  Eftirfarandi er tekið út: Siðmennt leggur áherslu á að börn séu frædd um siðferði. Siðmennt vill efla skynsemi og samúð.  Í staðinn er Siðmennt vill fjalla um siðferði og rækta sem best siðræn gildi okkar og okkar á meðal. og Siðmennt vill fjalla um siðferði og rækta sem best siðræn gildi okkar og okkar á meðal. kemur Siðmennt hvetur til umræðu og fræðslu um siðferði, ekki síst á meðal barna.



Þetta er gróf samantekt og er gerð með fyrirvara (ég er þreyttur og alveg ómarktækur!
).  Svona stórt á litið er ekki um miklar breytingar að ræða eða örar.  Þið getið skoðað þetta sjálf með því að smella á tenglanna sem fylgja.

[Zaraþústra, 11.12.2007 kl. 23:43]

Úff! Samantektin kom illa út, best þið skoðið þetta og sjáið sjálf að þetta eru ekki miklar breytingar.  Efnislega séð engar, aðalega umorðanir.  Ég fer að sofa!

[Heimir Lárusson Fjeldsted, 12.12.2007 kl. 08:17]

Vonandi svafstu vel Zaraþústra og kemur endurnærður til leiks

[Heiða B. Heiðars, 12.12.2007 kl. 11:40]

Heimir.... ég er búin að láta af-ferma mig;)

Sagði mig úr Þjóðkirkjunni um það leiti sem upp komst um kynferðislegt ofbeldi þáverandi biskups;) Og síðan hefur framganga Þjóðkirkjunnar ekki verið henni til framdráttar og ég mun aldrei tilheyra henni aftur

[Heimir Lárusson Fjeldsted, 12.12.2007 kl. 16:47]

Affermd Heiða.

Einu sinni sagði ég mig úr Þjóðkirkjunni við aðstæður sem komu upp og ég kunni illa. Síðan, eftir miklar vangaveltur, komst ég að raun um að kirkjan hafði veitt mér bæði gleði og hamingju; ekki gert mér neitt nema gott svo ég gekk í hana aftur. Mér fannst ég geta verið trúaður án þess að vera í Þjóðkirkjunni, en að ég væri að svíkja sjálfan mig að fylgja ekki kirkjunni minni frá vöggu til grafar. Kirkjan hefur fylgt þjóðinni í þúsund ár og samferðin á eftir að vara þúsundir ára.......

[Anna Benkovic Mikaelsdóttir, 12.12.2007 kl. 18:09]

ég myndi segja svipað og Heimir en ekki sama....ég   væri að svíkja sjálfan mig að fylgja ekki sannfæringu minni frá vöggu til grafar....

[Heimir Lárusson Fjeldsted, 12.12.2007 kl. 21:53]

Gott hjá þér Anna að fylgja sannfæringu þinni og ekki síður að vera sátt við sjálfa þig, sem er mikils virði:)

[DoctorE (IP-tala skráð) 13.12.2007 kl. 08:36]

Heimir þakka þér fyrir að styðja við málstað Siðmenntar, svona vitleysa eins og þú kemur með getur ekki verið neitt annað en stuðningur.
Rökleysan er alger eins og er algengt hjá trúuðum og eða stuðningsmönnum þjóðkirkju, hlægilegt

[Heimir Lárusson Fjeldsted, 13.12.2007 kl. 11:33]

DoctorE.

Hver tekur mark á málflutningi manns sem hefur ekki döngun í sér til að gangast við eigin orðum með nafni sínu?