Nýir siðir með nýjum herrum hjá TM?

Ég fékk í gærkvöld ábyrgðarbréf sent heim frá Tryggingamiðstöðinni.
Nýlega festi ég kaup á gömlum bíl sem ég bað TM að taka í skyldutryggingu.
Síðan heyri ég ekkert frá þeim og fæ engan reikning sendan og er farinn að efast um að ég sé að aka um á tryggðum bíl.
Í gær fékk ég sem sagt bréf upp á að bíllinn væri tryggður og létti mér verulega. Böggull fylgdi þó skammrifi. Enginn reikningur fylgdi bréfinu en þess í stað "
Greiðsluáskorun:

....með vísan til 2. gr. reglugerðar nr. 392/2003 um lögmæltar ökutækjatryggingar, er þess hér með krafist að iðgjaldið kr. 77.440 verði greitt þegar í stað og eigi síðar en 8 dögum frá dagsetningu þessa bréfs.

Verði iðgjaldið ekki greitt fyrir lok þessa frests verður vátryggingin umsvifalaust felld úr gildi og Umferðarstofu tilkynnt um niðurfellinguna. Jafnframt fellur ábyrgð Tryggingamiðstöðvarinnar niður að liðnum fjórum vikum frá niðurfellingu.

Skv. ofansögðu má búast við að númeraplötur verði fjarlægðar af ökutækinu."

Til skýringar skal þess getið að í áratugi hef ég skipt við TM og var m.a. umboðsmaður þeirra um árabil.