Endurreisum Byrgið.

9.2.2007 | 17:27

Við sjáum það sem ökum mikið um götur borgarinnar að útigangsfólkinu fjölgar hratt aftur eftir lokun Byrgisins.
Á og í nágrenni Hlemms sést fólkið aftur, drukkið og /eða dópað. Á Hlemmi þarf ekki að vera lengi til að sjá dópsölur fara fram.
Ætli veltan á Hlemmi og í nágrenni í dópsölunni sé meiri en hjá spilakassabúlunni við Hlemm?

Þeir Jón Arnar Einarsson og Guðmundur Jónsson fyrrverandi forystumenn Byrgisins þekkja orðið alltof vel til þessara mála til að ásættanlegt sé að kraftar þeirra séu ekki nýttir.

Það má veita þeim meiri aðstoð en þeir fengu og á Félagsmálaráðuneytið með Magnús Stefánsson í forsvari að ganga fram fyrir skjöldu og viðurkenna allt það jákvæða og góða sem þeir hafa gert samborgurum sínum.

Við verðum að horfast í augu við það að öfundarmenn þeirra eru margir í þessum geira og dópsalarnir sáu hagsmuni sína í að koma höggi á Guðmund Jónsson sem er og verður Byrgið.

Almenningur virðist frekar taka mark á særðum ástkonum en viðreistum fyllibyttum, ásamt þeim Ólafi Ólafssyni fyrrverandi landlækni og Magnúsi Skúlasyni geðlækni.

Komum nýju Byrgi á legg og notum reynslu þessara heiðursmanna Guðmundar og Jóns Arnars.

Flokkur: Dægurmál | Facebook

Athugasemdir

Innlitskvitt.

Jórunn Sigurbergsdóttir , 9.2.2007 kl. 17:35

Ertu í alvöru að segja að Guðmundur sé heiðursmaður?

Hafrún Kristjánsdóttir, 9.2.2007 kl. 17:37

Það hefur enginn einn maður gert jafn mikið fyrir þetta ógæfufólk og Guðmundur Jónsson í Byrginu.

Það verður hver að njóta sannmælis.

Ég er ekki að ræða kynlíf hans, enda kemur mér að ekki við.

Heimir Lárusson Fjeldsted, 9.2.2007 kl. 18:48

Kynferðislegar athafnir á milli forstöðu/starfsmanns og veikra skjólstæðinga flokkast ekki undir kynlíf.

Mér finnst alvarlegt að hér séu konur út um allan bæ með börn sem getin voru meðan á meðferð stóð, og margar hverjar skíthræddar um sig og sína.

Þetta er skrítin færsla hjá þér. Og alls ekki nægilega góð til að hún sé birt þrisvar sinnum, hehe.

Ibba Sig., 9.2.2007 kl. 19:41

Góð vísa er aldrei of oft kveðin.

Ég hef heimildir fyrir því að ekkert barn hafi verið getið meðan á meðferð stóð, en aftur á móti hafi stúlkur og konur komið barnshafandi í meðferð oft fyrir tilstilli Guðmundar og farið edrú og sælar heim með sín börn.

Auðvitað á þetta fólk við ýmis andleg vandamál að stríða, annars hefði það aldrei þurft að fara í Byrgið.

Við getum ekki gert ráð fyrir því að allir séu jafn vel af Guði gerðir og þú Iba SIg.

Heimir Lárusson Fjeldsted, 9.2.2007 kl. 20:13

Síðan hvernær hefur Guðmundur í Birginu verið heiðusmaður???

Elín (IP-tala skráð) 9.2.2007 kl. 20:27

Ég endurtek svar mitt hér að ofan:

Það hefur enginn einn maður gert jafn mikið fyrir þetta ógæfufólk og Guðmundur Jónsson í Byrginu.

Það verður hver að njóta sannmælis.

Ég er ekki að ræða kynlíf hans, enda kemur mér að ekki við.

Ég ber virðingu fyrir fólki sem líknar þrautir fólks.

Heimir Lárusson Fjeldsted, 9.2.2007 kl. 21:05

Það getur verið að Guðmundur hafi gert eitthvað fyrir fólk. En er það nú eitthvað til að tala um. Maðurinn fékk fleiri fleiri miljónir. Skárra væri það nú ef árangurinn væri engin. Reyndar eru þetta meintur árangur! Veit ekki til þess að neinar rannsóknir á árangri þarna hafi verið gerðar.

Auðvitað er gott að fólk reyni að hjálpa öðrum. Það er þó ekki sjálfkrafa að heiðisfólki. Eru þá allir læknar, sálfræðingar, hjúkrunarfræðinar, félagsráðgjafar, sjúkraþjálafarar, sjúkraliðar og prestar heiðursfólk algjörlega óháð hvað það gerir.

Auðvitað kemur þér kynlíf mannsins við ef hann notar aðstöðu sína til þess að stunda það. Það er lögbrot. Auk þess fara þínir skattpeningar í það að koma honum í þessa aðstöðu.

Hafrún Kristjánsdóttir, 10.2.2007 kl. 00:35

Samantekt sýnir að ríkið hefur kostað 1000 krónum á sólarhring til að ala önn fyrir fólkinu sem var í Byrginu.

Mér er sagt að Guðmundur hafi stundað sitt kynlíf utan Byrgisins en ekki með sjúklingum.

Mér kemur bara ekkert við hvar hann fær það, hve oft, hvernig og með hverjum.

Ég er alveg tilbúin að bakka með heiðursmannstitilinn ef hann fer fyrir brjóstið á þér Heiðrún.

Það er mér að skaðlausu :)

Heimir Lárusson Fjeldsted, 10.2.2007 kl. 01:18

þú sem ert á móti bókhaldsbrotum baugs finnur ekkert að brotum guðmundar? athyglisvert í ljósi þess að mínir sem og þínir skattpeningar hafa farið í að styrkja hans brot. Hann lifir eins og flottræfill á okkar kostnað en það finnst þér allt í lagi? heiðursmaður?

Hilmar (IP-tala skráð) 12.2.2007 kl. 11:39

Ég held að einbeittur brotavilji sé að baki brotum Baugsfeðga, en kæruleysi hjá Guðmundi.

Heiðursmaður?

Heimir Lárusson Fjeldsted, 12.2.2007 kl. 13:16

Kynlíf kemur auðvitað málinu að öllu leyti við!

Það telst ekki leyfilegt að eiga í slíku samræði við skjólstæðing hvort sem um er að ræða sálfræðinga eða meðferðaraðila.

Hvaða skyldleika eða hagsmuni hefur þú að gæta hvað Guðmund varðar?

Sjöfn (IP-tala skráð) 14.2.2007 kl. 09:52

Ég hef hvorki skyldleika né hagsmuna að verja hvað Guðmund varðar. Aftur á móti renna mér alltaf svona fjölmiðlaupphlaup til rifja, ekki síst þegar almenningur dæmir án þess að kynna sér varnir sakborninga minnugur Hafskips-, Geirfinns- og sambærilegra mála.

Við horfum reglulega á iðrun Ólafs Ragnars Grímssonar vegna frumhlaups hans í Hafskipsmálinu.

Guðmundur er ekki gallalaus maður, en hann hefur unnið gott starf í þágu verst leiddu fíklanna.

Heimir Lárusson Fjeldsted, 14.2.2007 kl. 10:18

Lifðu nú í deginum í dag, Hafskips- Geirfinnsmál eru fyrir löngu liðin, og þjóðin kaus Ólaf Ragnar sem forseta.

En auðvitað kemur kynlíf við í Byrgis málinu og kemur okkur við, meðferðaraðilar eiga að kunna að haga sér gangvart sínum skjólstæðingum og varðar við lög.

Elín (IP-tala skráð) 14.2.2007 kl. 20:18

Er búið að dæma?

Hefur sakborningur tjáð sig?

Að fortíð skal hyggja er framtíð skal byggja, mín kæra Elín.

Mistökin eiga að hjálpa okkur fram á við.

Heimir Lárusson Fjeldsted, 15.2.2007 kl. 00:17

P.s. Elín.

Þriðjungur þjóðarinnar kaus ÓRG, en ekki þjóðin.

Heimir Lárusson Fjeldsted, 15.2.2007 kl. 00:18

Er þessi þriðjungur þá ekki þjóðinn?