Enn skattleggur Gnarr atvinnulausa og öryrkja

Strætó þarf á sínu rekstrarfé að halda, um það leikur ekki vafi. Hvaðan féð kemur og hver er látinn borgar brúsann orkar tvímælis.

Ef við tökum t.d. öryrkja og atvinnulausa sem nota vagnana í ríkum mæli þá er skorið af takmörkuðum ráðstöfunartekjum þeirra.

Báðir þessir hópar greiða skatta af tekjum sínum frá því opinbera. Tekjurnar eru ekki nógu miklar til að greiða þurfi af þeim tekjuskatt, en nógu miklar til að greiða af þeim útsvar. Eins og kunnugt er gengur útsvarið til sveitarfélagsins.

Með hækkun gjalda í almenningsvagna hefur borgarstjórnin því ákveðið að skattleggja þessa tvo lágtekjuhópa með hækkun útsvars og hækkun fargjalda.

 

Fargjöld Strætó hækka

Athugasemdir

[Axel Jóhann Axelsson, 17.12.2010 kl. 14:39]

Ekki síður mun þessi hækkun koma illa niður á börnum og skólafólki, en þeir hópar hafa notað strætó mikið.

Í beinu framhaldi af öðrum kreppum, sem yfirvöld gera í að lengja og dýpka, þá stefnir þjóðin inn í endanlega niðurdrepandi skatta- og gjaldakreppu opinberra aðila.

[Heimir Lárusson Fjeldsted, 17.12.2010 kl. 14:49]

Axel, ég nefndi þessa tvo hópa sérstaklega vegna þess að stjórnmálamenn eru mikið að vitna í þá. En auðvitað bitnar hækkunin illa á skólafólki á öllum aldri sem og eldri borgurum.

[Promotor Fidei, 17.12.2010 kl. 15:06]

Svo getum við reynt að leysa vandann hinumegin frá:

Leggjum af skatta og tolla á bíla og bensín.

Bætum um betur með því að afnema tekjuskatt, virðisaukaskatt og önnur skyldugjöld.

Og sjá, þá hafa jafnvel aumustu öryrkjar og námsmenn hæglega efni á að reka bíl eða taka hreinlega taxa.

[Sigurbjörg Eiríksdóttir, 17.12.2010 kl. 15:11]

Það sem er umhugsunarefni er að þessir hópar, eldri borgarar og örorkulífeyrisþegar hafa sennilega ekki kosið Besta flokkinn..svíkja svíkja..Reyndar bara mitt hugboð:)

[Heimir Lárusson Fjeldsted, 17.12.2010 kl. 15:24]

Silla, ég hitti öryrkja í gær sem sagði mér að Vg væri "sinn" flokkur, en hún hefði kosið Gnarr í vor. Viðkomandi sagði með tár í augum að sífellt minnkaði í buddunni og vandaði Gnarristum ekki kveðjurnar.