Það mun anda köldu frá norðanmönnum

Hans hátign Jón Gnarr I. mun taka á móti Eiríki Birni Björgvinssyni leiðtoga Akureyrar í dag. Hirðmenn og meyjar munu fylgja hans hátign hvert fótmál og hlæja þegar við á. Þá mun fylgdarliðið sussa á börn og unglinga sem líkleg eru til að trufla samkundur hans hátignar í dag.

Spá mín er að það muni anda köldu frá norðanmönnum í garð höfuðborgarbúa í dag eða kvöld, jafnvel verði notast við vélframleiddan snjó í því skyni. 

Það verður fróðlegt að sjá hversu margir munu vera í fylgdarliðum stórmennanna. Spá mín er, að Jón Gnarr I. muni sigra með yfirburðum. 

Leiðtogafundur á Menningarnótt

Athugasemdir

[Benedikta E, 21.8.2010 kl. 13:27]

Heimir - Hvernig skyldu stórmennin verða til fara? -

 Að hætti - Kardimommu bæjar - að hætti  - Múmínálfa - að hætti Dragdrottninga - eða í Nýju fötum keisarans  að hætti HC Anderssen.

Hverju spáir þú Heimir ?

Ég spái - Nýju fötin keisarans - því nú á allt að gera sig sviðsljósinu - HÓKUS - PÓKUS !

Harald Flosa og Hjörleif undir -teppi- Takk.

[Heimir Lárusson Fjeldsted, 21.8.2010 kl. 16:42]

Nýju fötin keisarans eru framarlega í skáp Gnarrs I. ef ekki þau einu.