Þeir kunna ekki að skammast sín

Enn ganga þeir lausir og geta ráðstafað eignum sínum í erlend skattaskjól.

Menn sem rændu banka, fyrirtæki og sjóði.

Menn sem stálu hundruðum milljarða úr ríkissjóði. 

Þeir eru ekki margir paurarnir sem stálu þúsundum milljarða króna af þjóðinni.

Þeir bera ábyrgð á fjárhagslegu hruni þúsunda fjölskyldna.

Þeir bera ábyrgð á mörgum mannslífum.

Þeir kunna ekki að skammast sín. 

Kyrrsetningin endanlega felld úr gildi

Athugasemdir

[Birgir Örn Guðjónsson, 21.6.2010 kl. 17:39]

Held að það sé líka augljóst að við kunnum ekki að búa til lög !

Svo virðist sem flest öll lög hafi verið búin til, til að hjálpa þessum glæpalúðum !

Því verður að breyta !

[Björn Birgisson, 21.6.2010 kl. 18:28]

Réttvísin á Íslandi er staurblind, gott ef ekki heyrnarlaus líka. Lagasmíðin er að mestu hrákasmíð viðvaninga. Héraðsdómur og Hæstiréttur ná aldrei neinum takti í sínum dansi. Stjórnmálamenn þiggja mútur í stórum stíl. Þetta leiðir til þeirrar niðurstöðu að Ísland sé algjört draumaland sérhvers glæpamanns. Besta afland glæpanna á norðurslóðum.

[Heimir Lárusson Fjeldsted, 21.6.2010 kl. 21:58]

Ég er sammála ykkur báðum! Það er ekki á hverjum degi sem ég er sammála Birni;)

[Björn Birgisson, 21.6.2010 kl. 22:29]

Heimir minn, ég fagna þínum þroskamerkjum. Hefur þú átt eitthvað vont með að vera mér sammála? Er það ekki bara illa fenginn arfur frá fyrri tíð? Hafa þér virst skoðanir mínar almennt á mannlífinu í þessu landi líklegar til að leggja stein í götu þjóðarinnar? Minn kæri, aðrir sjá svo sannarlega um það.

Mín sýn á land og þjóð er kristaltær. Ég elska þetta land og þessa þjóð - og þar með þig líka.

[Sigurbjörg Eiríksdóttir, 22.6.2010 kl. 08:26]

Hver skyldi vera ástæðan fyrir því að þeim leyfist þetta? Koma þeir svo ekki í þokkabót með himinháar skaðabótakröfur fyrir að skert hafi verið hár á höfði þeirra:(:(?

[Heimir Lárusson Fjeldsted, 22.6.2010 kl. 14:00]

Björn, þú hlýtur að vera að westan:)

Ekki veit ég Silla hvaðan þeim kemur kjarkurinn til að valta yfir sauðsvarta.