Víða er ormur á öngli

Alþingi Íslendinga hefur starfað óvenjuvel í vetur. Rannsóknarnefnd Alþingis hefur skilað skýrslu sem verðskuldaða athygli nýtur.

Formaður rannsóknarnefndar hefur sent kæru til saksóknara því grunur hans beinist að því að Seðlabankastjórar hafi notað maðk þar sem það er með öllu óheimilt og varðar brottrekstrarsök ævilangt úr félagi siðmenntaðra. Saksóknari sá ekki ástæðu til að atyrða mennina þar sem fregnir bárust honum til eyrna að lögmaður nokkur hafi notað maðkinn og kæran því ekki rétt vistuð.

Þá hefur hæstvirt Alþingi kom þeim skikki á að allir starfandi menn skuli bera skírteini til vitnis um að þeir séu þeir og hafi ratað á réttan vinnustað þann daginn.

Konur mega ekki koma á skemmtistaði þar sem loftinu er haldið uppi með súlum, nema þá kappklæddar, sæki þær um undanþágu. 

Fólk undir átján ára aldri má ekki fara í ljós, ekki einu sinni kappklætt.

Síðast en ekki síst, hefur rannsóknarnefndin komist að því að ekkert óeðlilegt sé við litaraft Árna Páls Árnasonar félags- og tryggingamálaráðherra. 

Alþingi Íslendinga vorið 2010 getur lokið störfum með sæmd og óskað eftir því við forseta lýðveldisins að það fái heim að hverfa til hvíldar og endurnýjunar krafta fyrir átök hausts og vetra. 

Rætt um brúnku Árna Páls á Alþingi