Sögur af næturlífi

Það er ekki alltaf notalegt að keyra leigubíl um helgarnætur. Ég var að keyra í nótt. Að mestu var fólk með kurt og pí, en svartir sauðir eru allsstaðar.

Þrennt keyrði ég til Hafnarfjarðar tvo menn og átján ára stúlku. Þeir neituðu að keyra hana heim og vísuðu henni úr bílnum á leiðinni og sögðu henni að ganga heim til sín. Hún vildi ekki í partý með þeim! Þegar heim til þeirra kom skiptu þeir akstursgjaldinu á milli sín, allt í lagi með það. Annar, sá sem rak stúlkuna út hótaði mér líkamsmeiðingum, ítrekað. Feginn að komast óskaddaður úr þeim viðskiptum.

Undir morgun kom ungur maður í bílinn og bað um akstur til Hafnarfjarðar eða Hfj eins og hann orðaði það.

Sá stakk af þegar að greiðslu kom fyrir aksturinn. Hann fór í hús við Brekkuhvamm eða Kelduhvamm Lögreglan var kölluð til og vonandi tekst að hafa upp á svikaranum.

Annars sit ég upp með giftingarhring merktan Valdísi frá helginni áður. Ungur maður greiddi ekki akstursgjaldið, en bað mig að geyma hringinn. Hann hefur ekki vitjað hans ennþá. 

Fjölmenni í miðbænum

Athugasemdir

[Baldur Hermannsson, 23.5.2010 kl. 19:16]

Andskotans pakk er þetta. Það kemur að því að leigubílstjórar krefjist einhvers konar skírteinis sem sannar hver farþeginn er - til dæmis mætti renna greiðlsukorti hans í gegn áður en ferð er hafin.

[Axel Jóhann Hallgrímsson, 23.5.2010 kl. 19:24]

Kannski Valdís hafi átt að fylgja hringnum og þú eigir núna unga snót út í bæ.

[Baldur Hermannsson, 23.5.2010 kl. 19:27]

Já þú meinar - þetta var sem sagt vísbending en Heimir var of tregur til að ná henni?

[Sigurbjörg Eiríksdóttir, 23.5.2010 kl. 20:15]

Eruð þið að segja mér bloggvinir góðir, að Heimir sé í ratleik um nætur?

[Heimir Lárusson Fjeldsted, 23.5.2010 kl. 20:43]

Það stendur: "þín Valdís". Ungi maðurinn sagðist vera norðan úr Skagafirði.....

[Baldur Hermannsson, 23.5.2010 kl. 21:12]

Úffff sá lendir í vandræðum þegar hann kemur heim.

[Rauða Ljónið, 23.5.2010 kl. 21:27]

Sæll. Svo þú hefur verið að keyra innflutta andskota sem hafa verið að skemmta sé hjá VG ?

[Sigurbjörg Eiríksdóttir, 23.5.2010 kl. 21:31]

Sammála Sigurjón. Svona haga sér ekki innfæddir Gaflarar:)