Blóraböggull

Ef að líkum lætur mun bankastjórn Seðlabanka Íslands draga tillögu sína um kauphækkun Más Guðmundssonar til baka.

Eftir stendur Lára V. Júlíusdóttir eins og barrfallið jólatré á þrettándadegi jóla. 

Það hlakkar í Jóhönnu Sig. og Steingrími J. sem bæði voru með í ráðum um kauphækkunina, en féllu frá henni vegna gífurlegrar andstöðu almennings.

Þau koma út sem sigurvegarar, en Lára barrfallin og skrautið komið í kassa. 

Tillaga líklega afturkölluð

Athugasemdir

[Tómas Waagfjörð, 4.5.2010 kl. 23:51]

Peðum þarf stundum að fórna til að fela sannleikann. Árni Johnsen ætlaði að neita sekt fram í rauðann dauðann þar til viss rannsóknarfréttamaður var byrjaður að finna skít á fleiri ráðamenn, allri rannsókn var hætt þegar Árni gekkst við sök.

[Baldur Hermannsson, 5.5.2010 kl. 00:00]

Það hlakkar kannski í Steingrími en varla Jóku....var það ekki hún sem lofaði greyinu launahækkun?

[Tómas Waagfjörð, 5.5.2010 kl. 00:09]

Enginn vill svara um það frekar en neitt annað, að pata frá sér er í tísku eins og þú veist.

Þetta átti víst bara að hafa skeð, enginn veit hvernig.

[Heimir Lárusson Fjeldsted, 5.5.2010 kl. 11:17]

Þeir sem stóðu að ráðningu kommans í seðlabankastórastólinn hljóta að hafa nefnt launakjörin.