Seigur

Björgólfur Thor Björgólfsson er síður en svo fæddur með silfurskeið í munni. Hann hefur unnið sig upp af eigin rammleik og komist til mikilla auðæva. Hann spilaði á bandarísku fjármálabóluna af meiri færni en margur annar.

Björgólfur Thor á eftir að verða einn uppáhaldssonur þjóðar sinnar.

Nova fyrirtæki hans blómstrar og er djaft í sókn og vörn eins og meðfylgjandi bréf ber með sér: 

 "Í gær birtist frétt um verðlagningu farsímafyrirtækja í kvöldfréttum RÚV. Þar kom fram að dýrast er að hringja í Nova ef viðskiptavinir eru á Grunnáskrift Símans.  

Það sem ekki kom fram í kvöldfréttum RÚV er að ástæðan fyrir þessu er sú að álagning Símans á símtöl milli kerfa er tvöfalt hærri en álagning Nova.                        

Þegar hringt er milli kerfa hjá Nova greiðir Nova Símanum um 9,40 kr. með vsk. og selur mínútuna til viðskiptavina sinna á 15,50 kr. Álagning Nova er því 6,10 kr. á hverja mínútu. 

Síminn greiðir Nova 15,06 kr. með vsk. fyrir símtöl milli kerfa og selur þessi símtöl til sinna viðskiptavina á 28,30 kr. Álagning Símans er því 13,24 kr. á hverja mínútu. 

Álagning Símans er því meira en tvöfalt hærri en álagning Nova: 13,24 kr. á móti 6,10 kr. Síminn rukkar þannig 7,14 kr. meira en Nova á hverja mínútu þegar hringt er milli kerfa.  

Viðskiptavinir Símans geta valið hagstæðari þjónustu hjá Símanum en Grunnáskrift og komið í veg fyrir að greiða hærra verð þegar hringt er í Nova. 

Dæmi: Lægsta mínútuverðið hjá Símanum í Nova er 12,00 kr./mín. og í Ring, frelsisþjónustu Símans, er verðið 15,50 kr. til samanburðar við 28,30 kr. í Grunnáskrift Símans. Viðskiptavinir Símans sem hringja í Nova ættu því að forðast Grunnáskrift Símans og velja sér aðra þjónustuleið, eða skipta um símafyrirtæki. 

Viðskiptavinir Nova eru nú yfir 70.000 talsins (20% markaðshlutdeild). Það hefur því aldrei verið hagstæðara en nú að vera í viðskiptum við Nova. 0 kr. Nova í Nova í alla sem þú þekkir og líka í þá sem þú þekkir ekki hjá Nova vegur þungt í að lækka símreikninga viðskiptavina okkar."

Svo mörg voru þau orð frá fyrirtæki seigs og framsækins manns.