Æsileg lögreglufrétt

Stórfrétt á mbl.is frá lögreglunni á Akranesi þess efnis að maður hefði sést sofa utandyra við höfnina í bænum. Þess er ennfremur getið að manninum hafi verið ansi kalt. Æsilegri gerast lögreglufréttirnar varla.

Fannst sofandi við höfnina

Athugasemdir

[Anna Dóra Gunnarsdóttir, 27.4.2010 kl. 14:56]

Verum bara fegin að enn skuli eitthvað æsingalaust eiga sér stað.

Reyndar hefði getað farið illa fyrir manninum ef hann hefði lagt sig á stað þar sem enginn sá til hans, veðrið hefði versnað og jafnvel brostið á með byl og frosthörkur, einhver illa þokkaður gengið fram á manninn og gert honum mein eða jafnvel vegið hann á staðnum, mikill vindstrókur feykt honum á haf út, sólin steikt hann, flóðbylgja náð honum og sogið hann með sér í hafið bláa, hundur komið og bitið hann, róni migið yfir hann og rænt hann svo aleigunni eða.................

Þökk sé saklausum atburðum.

[Sigurbjörg Eiríksdóttir, 27.4.2010 kl. 14:58]

Og ég sem hélt að það væri ekki gúrkutíð hjá blaðamönnum...

[Heimir Lárusson Fjeldsted, 27.4.2010 kl. 15:09]

Anna Dóra, hann hefði getað kvefast, ekki gleyma því!

Silla, þetta er mikið lesin frétt, svo fólk hefur kannski haldið að þetta hafi verið maður með þráhyggju sem loksins gat sofnað.

[Hamarinn, 27.4.2010 kl. 18:13]

Það er spurning um að fara að rukka fyrir gistingu hjá lögreglunni, svo ekki þurfi að skera eins mikið niður.

[Heimir Lárusson Fjeldsted, 27.4.2010 kl. 18:17]

Þessi aumingja maður hefur farið illa út úr dýrtíð norrænu velferðarstjórnarinnar og reyndi að spara sér nokkra þúsund kalla. Hafður að háði og spotti fyrir!

[Birgir Sigurfinnsson, 27.4.2010 kl. 18:35]

Óskandi að fleiri fréttir frá lögregluni enduðu svons vel

[Axel Guðmundsson, 27.4.2010 kl. 20:02]

Kátir voru karlar á kútter Haraldi .......

[Heimir Lárusson Fjeldsted, 27.4.2010 kl. 20:31]

Það er gaman að svona fréttum og mætti vera meira af þeim. Þær skemma engan.

[Hamarinn, 27.4.2010 kl. 20:51]

Jú, þær skemma þann sem er gerandinn, ef að upp kemst hver hann er.

[Guðmundur Pétursson, 28.4.2010 kl. 01:29]

Þetta sýnir bara á hvaða plan mogginn er kominn undir núverandi ritstjórn.  Krossgátan er líklega langbesti og áreiðanlegasti hlutinn í þessum auma snepli.

[Heimir Lárusson Fjeldsted, 28.4.2010 kl. 10:15]

Guðmundur er bara fyndinn.