Bjarni Benediktsson leiðir þjóðina úr vanda

Bjarni Benediktsson er traustsins verður. Ekkert misjafnt hefur komið fram um hann. Hann tók að sér að gegna stöðu formanns Sjálfstæðisflokksins eftir bankahrunið. Hann vissi hvað hann var að taka að sér. Honum óx verkið ekki í augum. Það þarf kjark og karlmennsku til. Bjarni Benediktsson hefur allt sem þarf til að gegna formannsstarfi í stærsta flokki landsins og þeim eina sem getur leitt okkur örugglega út úr vandanum.

Lýsa yfir stuðningi við Bjarna

Athugasemdir

[Björn Birgisson, 18.4.2010 kl. 00:07]

Æ æ æ æ æ, klútarnir eru búnir! Æ æ æ æ, í stærsta flokki landsins? Með 16 þingmenn og flestir að hætta vegna Skýrslunnar, eða vegna áskorana fra Baldri Hermannssyni. Svo var kappinn hugumstóri að leggja til að Landsfundi flokksins yrði flýtt til að hann kæmist sem fyrst úr djobbinu!

Hvar fást þurrklútar um helgar?

[Sigurður Haraldsson, 18.4.2010 kl. 03:20]

Heimir þú ert að grínast er það ekki?

[Heimir Lárusson Fjeldsted, 18.4.2010 kl. 09:27]

Hvergi þurran klút að fá Björn.

Sigurður, aldrei þessu vant skrifa ég í fúlustu alvöru og er þá sðurður hvort ég sé að grínast.

Það er vandlifað í henni veröld.

[Sigurbjörg Eiríksdóttir, 18.4.2010 kl. 09:28]

Ég tek undir þetta Heimir. Ég held að fólk ætti að skoða málið. Það sem Bjarni hefur unnið sér til sakar er að fæðast inn í efnaða fjölskyldu. Það gerir hann ekki óhæfan.. Ég held að best sé að ná sem mestri breidd í litrófið á Alþingi. Ég hef ekki kosið Sjálfstæðisflokkinn hingað til, en vil líta á hvern einstakling fyrir sig. Mér finnst hann standa sig ótrúlega vel og virkar hreinskilinn.

[Heimir Lárusson Fjeldsted, 18.4.2010 kl. 10:41]

Silla, pólitískir andstæðingar óttast Bjarna vegna þess að hann er hreinn og klár. Hann er greindur baráttumaður sem á eftir að sópa að sér fylgi.

[Sigurður Haraldsson, 18.4.2010 kl. 16:20]

Jæja gamli tíminn ætla að hafa yfirhöndina flokksræðið víkur fyrir lýðræðinu!

[Heimir Lárusson Fjeldsted, 18.4.2010 kl. 17:55]

Hvar ertu í pólitíkinni Sigurður?

[Sigurður Haraldsson, 18.4.2010 kl. 23:02]

Heimir ég vildi fá að kjósa fólk en ekki flokka margt er gott í öllum flokkum en fæstir þeirra fá að njóta vegna flokksræðis sem vikur fyrir á stundum góðum málefnum. Kaus síðast Borgarahreyfinguna.

Tek fram að innganga i ESB er glapræði!

[Heimir Lárusson Fjeldsted, 19.4.2010 kl. 10:25]

Sigurður, við erum í óða önn að taka til í Sjálfstæðisflokknum. Vertu velkominn þegar það er búið.

[Stefán Lárus Pálsson, 19.4.2010 kl. 15:01]

Enginn óttast Engeyjarprinsinn Heimir minn, enda varla ástæða til. En þó nokkrir óttast um afdrif hans í stjórnmálum eftir það sem á undan er gengið. Það hvað sauðtryggum flokksmönnum finnst er ekki aðalmálið, heldur hvað hinum almenna kjósanda og þjóðinni okkar sýnist um athafnir, framgöngu og meintan mannorðsþvott viðkomandi, á sjálfum sér, og það að þykjast hvergi hafa nærri komið meðan nánir samherjar í viðskiptum fóru hamförum í miljarða braski allt um kring, og hann var bara "að sendast" fyrir pabbann og fleiri, án nokkurrar vitneskju með hvað, að eigin sögn. Þetta er myndarstrákur til að sjá, en hann hefur því miður verið í ansi vafasömum félagsskap, það beinir neikvæðri athygli að honum. Kannski að ósekju, vonandi fyrir hann. Munum að enginn segist bera minnst ábyrgð á gjörðum sínum, hvað öll þessi ósköp varðar, samkvæmt stóru skýrslunni. Þið eigið mikið verk fyrir höndum við ræstingar og viðhald á flokksheimilinu. Trúlega betra að rífa kofann og byggja bara nýtt, þar sem innviðir virðast allir feysknir mjög, og grunnurinn allur úr lagi genginn. En eins og vant er: "Flokkurinn" í fyrirrúmi, en annað má eiga sig, fólk segir af sér,  víkur til hliðar, iðrast og grætur beisklega í beinni útsendingu, "flokksins vegna"! Er þetta það siðferði sem gildir í dag? Ekki trúverðug iðran í augum almennings, en en að mínu mati virðingarvert að gangast við mistökum sínum. Mættu því fleiri taka sé það til fyrimyndar.

[Heimir Lárusson Fjeldsted, 19.4.2010 kl. 15:12]

Of margir hafa komist til valda á landi sem hafa allt sitt líf setið með hendur í skauti, Stefán. Kjötkatlakommar. Þekkir þú nokkurn sem flokkast undir þá skilgreiningu?

[Sigurður Haraldsson, 21.4.2010 kl. 19:00]

Heimir það er margt gott í flokknum en eins og þú segir þá verður að taka betur til kannski mun ég í framtíð kjósa þennan flokk. Þessum flokki treysti ég best til að forða okkur frá ESB hryllingnum.

[Heimir Lárusson Fjeldsted, 21.4.2010 kl. 19:51]

Mæltu heill Sigurður. Tiltektin stendur yfir og mörg flokkssystkin mín efast um að ég sé Sjálfstæðismaður