Ég þori.........

....að fullyrða að Liverpool var vel að sigrinum komið. Efist einhver getur hann talað við Daníel Má afastrákinn minn og hann sannfærir hvern sem er um ágæti Liverpool.

Voru brögð í tafli í stórsigri Liverpool?

Síðan hef ég verið svona.

Ég horfði á leikinn á Idrætsparken á sínum tíma. Ég er auðvitað að tala um 14-2 leikinn 1967. Fátækur námsmaður. Hvatti liðið óspart þar til um 3 mínútur voru til leiksloka. Sá þá (fyrst) fram á að erfitt yrði að hitta dönsku félagana daginn eftir. Gleymi aldrei forsíðunni á Ekstrabladet og því síður forsíðu BT daginn eftir. Síðan hef ég verið svona.

Íslendingar skoruðu síðast í Danmörku 1974

Willum HEIM.

Það er ekki spurning eitt augnablik. Við viljum fá Willum vestur fyrir læk, ekki síðar en um áramót.
Það var mikill misskilningur að segja honum upp. Það vita allir - núna.

Gríðarlegur fögnuður Valsmanna

Frábær knattspyrnumaður kveður.

Þakka Rúnari Kristinssyni fyrir að spila með KR í sumar þótt svo að ekki hafi gengið sem skyldi. Það var greinilegt að Rúnar fann sig ekki í þeim fótbolta sem KR spilaði í sumar og svo sem ekkert við því að segja. Rúnar hefur glatt okkur svo oft, allt frá barns- og unglings aldri með leikni sinni og leikskilningi að það ber að þakka núna þegar enn reyndist pláss á skóhillunni.

Rúnar Kristinsson er hættur með KR

Valsmenn verðugir meistarar.

Bara vegna hinn fjölmörgu KR-inga í Valsliðinu óska ég þess innilega að þeir nái titlinum í dag, þegar KR-ingar hafa öðrum hnöppum að hneppa.

Valur Íslandsmeistari í fyrsta skipti í 20 ár

Þori ekki á völlinn - hlusta á KR-útvarpið.

Stofnað 1899, hefur þriggja alda sýn. Svona lið á og verður að vera í bestu deild að minnsta kosti út þessa öld.
Þessi spenna er óbærileg - næstum því. Bara að Bjarnólfur passi sig, að Grétar Ólafur hitti markið eða Rúnar eða einhver; að vörnin "fórni" sér. Stutt í hálfleik sem betur fer. Úfffff.......

Fallbaráttan í Landsbankadeildinni, Víkingar fallnir

Allir sem einn á KR völl á morgun!

Þessa eggjun fékk ég í netpósti og vona að mér fyrirgefist að framsenda hana á virðulegt blogg Mogga:

"Laugardagur 29. september kl. 14.00
Landsbankadeild karla í knattspyrnu
KR - Fylkir, KR-velli
Síðasti leikur sumarsins!

Þá er komið að úrslitastund í Landsbankadeild karla, hrikaleg spenna á toppi sem botni. Síðasti leikur sumarsins og Fylkismenn koma á KR-völlinn. Fylkismenn eru að keppa um Evrópusæti en við KR-ingar erum að berjast fyrir áframhaldandi veru okkar í efstu deild. Þetta er því gríðarlega mikilvægur leikur fyrir bæði liðin.

Kæru KR-ingar nær og fjær, nú þurfum við að fylkja okkur á bak við liðið okkar, mæta á KR-völlinn og hvetja strákana áfram til sigurs. Allir á völlinn, allir ávöllinn. Ekkert nema sigur kemur til greina.
TM - Parket & gólf - Skeljungur - Nike, sáu til þess að hægt væri að bjóða öllum vel merktum KR-ingum á völlinn og þökkum við þeim þetta frábæra framtak, þarna verslum við ... allir sem einn!

KR-klúbburinn hittist kl. 12.30 í KR-heimilinu og býður uppá grillmat.
Áfram KR!"

Sir Alex má þakka fyrir að vera ekki KR-ingur!

Hvað segði sir Alex ef hann væri KR-ingur miðað við frammistöðuna í sumar?
Ekki orð um það..................

Ferguson orðlaus yfir frammistöðu sinna manna

Kjartan Henry Finnbogason góður.

Hann er rétt að byrja drengurinn sá sem er alinn upp við Hringbrautina og þar af leiðandi i KR. Kjartan Henry Finnbogason (Kjartanssonar) á eftir að vera áberandi í sænska boltanum ef að líkum lætur og ef hann gengur heill til skógar. Meiðsli hafa endurtekið slegið hann út af laginu, en vonandi fer að ganga betur hjá honum.
Mér er minnisstætt þegar hann kom inn á gegn Fylki á Reykjavíkurmótinu í Egilshöll um árið og jafnt var hjá liðum er leiknum lauk. Framlengja þurfti til að fá hrein úrslit og setti strákurinn þá þrjú mörk í fyrri leikhluta framlengingarinnar sem dugði til sigurs.

Kjartan skoraði fyrir Åtvidaberg

Hógværðin uppmáluð á Hlíðarenda.

Valsmenn eru vel að sigri komnir á Íslandsmótinu, án þess að ég finni sérstaka hvöt hjá mér til að hnýta í fimleikastrákana.
Þeir hafa staðið sig afskaplega vel undanfarna 40 mánuði og það tímabil verður ekki af þeim tekið.

Það verður gaman fyrir okkur KR-inga að mæta Íslandsmeisturum Vals á næsta ári; hvorugt liðið þekkt af hroka eða steigurlæti hvað þá minnimáttarkennd.

Valsmenn í vænlegri stöðu