Dísella enginn ættleri.

Mikið er gaman þegar landanum gengur vel í harðri keppni þeirra bestu. Ekki er verra að þær systur eru þekktar fyrir hógværð og fallega framkomu.
Til hamingju.

Dísella syngur með Billy Joel

Lay Low hittir mig í hjartastað

Hvar fæ ég plötuna hennar Lay Low? Lagið sem hefur verið spilað í auglýsingum um leikritið Ökutímar hljómar í hausnum á mér í tíma og ótíma.

Er platan komin út og ef svo er hvar fæst hún?

Fundarlaun. 

Kópavogur - bær tónlistarinnar.

Helgi Rafn Ingvarsson heitir ungur maður sem gerði sér lítið fyrir og samdi óperuna Skuggablóm sem verður frumsýnd í kvöld í salnum. Hann býr í Kópavogi og á honum hefur sannast að "það er gott að búa í Kópavogi". Kópavogsbær styrkti hann þannig að hann gat helgað sig tónsmíðunum í sumar og bæjaryfirvöldin settu punktinn yfir iið með því að bjóða gestum og gangandi á frumsýningu kl. 20:00 í kvöld og á aðra sýningu á sama tíma annað kvöld.
Ungir,efnilegir og góðir söngvarar úr Söngskólanum í Reykjavík skipa öll hlutverkin sem eru tuttugu og sjö talsins.
Með aðalhlutverkið Tinnu fer ung söngkona frá Svíþjóð Karin Björg Torbjörnsdóttir sem er hálf íslensk eins og föðurnafn hennar ber með sér. Karin Björg hóf ung að syngja í kór, aðeins átta ára gömul en hún stendur á tvítugu.
Hún hefur um tveggja ára skeið stundað söngnám hjá Kerstin Lundin-Grevelius altsöngkonu í Lundi og hefur rödd hennar náð miklum þroska á ekki lengri tíma. Aðalkennari hennar í Söngskólanum í Reykjavík er Ólöf Kolbrún Harðardóttir.
Óperan fjallar um unga stúlku Tinnu, sem á við geðræn vandamál að stríða. Með hjálp Hrafns ungs elskhuga hennar tekst henni að ná tökum á sjúkdómi sínu. Hlutverk Berglindar syngur Ingunn Gyða Hrafnkelsdóttir, með hlutverk Hrafns fer Haraldur Sveinn Eyjólfsson, hlutverk hálfbróður Tinnu fer Aron Axel Cortez og með hlutverk Þorsteins fer Jósef Lund Jósefsson.
Í stuttu máli:
Tónlist: Helgi Rafn Ingvarsson
Handrit: Árni Krisjánsson og Helgi Rafn Ingvarsson
Ljósahönnuður: Arnar Ingvarsson
Búningar: samsetning og samstarf hópsins alls
Píanóleikarar: Alexander Brian Ashworth og Hrönn Þráinsdóttir
Leikstjórn: Sibylle Köll
Hljómsveitarstjórn: Garðar Cortes.

Skuggablóm íslensk ópera í Salnum í kvöld og annað kvöld.

Helgi Rafn Ingvarsson heitir ungur maður sem gerði sér lítið fyrir og samdi óperu sem verður frumsýnd í kvöld í salnum. Hann býr í Kópavogi og á honum hefur sannast að "það er gott að búa í Kópavogi". Kópavogsbær styrkti hann þannig að hann gat helgað sig tónsmíðunum í sumar og bæjaryfirvöldin settu punktinn yfir iið með því að bjóða gestum og gangandi á frumsýningu kl. 20:00 í kvöld og á aðra sýningu á sama tíma annað kvöld.
Ungir,efnilegir og góðir söngvarar úr Söngskólanum í Reykjavík skipa öll hlutverkin sem eru tuttugu og sjö talsins.
Með aðalhlutverkið Tinnu fer ung söngkona frá Svíþjóð Karin Björg Torbjörnsdóttir sem er hálf íslensk eins og föðurnafn hennar ber með sér. Karin Björg hóf ung að syngja í kór, aðeins átta ára gömul en hún stendur á tvítugu.
Hún hefur um tveggja ára skeið stundað söngnám hjá Kerstin Lundin-Grevelius altsöngkonu í Lundi og hefur rödd hennar náð miklum þroska á ekki lengri tíma. Aðalkennari hennar í Söngskólanum í Reykjavík er Ólöf Kolbrún Harðardóttir.
Óperan fjallar um unga stúlku Tinnu, sem á við geðræn vandamál að stríða. Með hjálp Hrafns ungs elskhuga hennar tekst henni að ná tökum á sjúkdómi sínu. Hlutverk Berglindar syngur Ingunn Gyða Hrafnkelsdóttir, með hlutverk Hrafns fer Haraldur Sveinn Eyjólfsson, hlutverk hálfbróður Tinnu fer Aron Axel Cortez og með hlutverk Þorsteins fer Jósef Lund Jósefsson.
Í stuttu máli:
Tónlist: Helgi Rafn Ingvarsson
Handrit: Árni Krisjánsson og Helgi Rafn Ingvarsson
Ljósahönnuður: Arnar Ingvarsson
Búningar: samsetning og samstarf hópsins alls
Píanóleikarar: Alexander Brian Ashworth og Hrönn Þráinsdóttir
Leikstjórn: Sibylle Köll
Hljómsveitarstjórn: Garðar Cortes.

Greiðir Elton skatta af tekjum sínum hér?

Spyr sá sem ekki veit. Hvernig er því farið með skattgreiðslur hljómlistamanna sem koma hingað til lands og þiggja góða þóknun fyrir, greiða þeir skatta hér á landi eða í sínu heimalandi?
Hingað til lands koma árlega fjöldi hálaunaðra tónlistamanna og hverfa með fúlgur fjár úr landi. Hver vill svara?
(Ekki veit ég hvað Sigga frænka segir núna).

Elton John á Íslandi

Öll lögin melódísk og flott.

Fyrsta sinn sem mér finnst að öll lögin eigi að komast áram. Ég verð montinn af að tilheyra þjóð sem hefur svona margt til brunns að bera. Frábær lög, flytjendur og framkvæmd. Við erum að rétta úr kútnum :)

Þrjú lög áfram í undankeppni Söngvakeppni Sjónvarpsins

Borgar Baugur brúsann fyrir Guðlaug Þór Þórðarson?

Mér varð verulega hverft við þegar ég í dag heyrði að Baugur hafi borgað kosningabaráttu Guðlaugs Þórs Þórðarsonar alþingismanns í afstöðnu prófkjöri.
Ástæðan er einföld, ég hef ekki enn fyrirgefið þeim Baugsfeðgum framkomuna þegar þeir voru að hasla sér völl með alræmdum bolabrögðum á matvælamarkaðnum. Þegar æ fleiri birgjar hækkuðu verð að tilskipan Baugsfeðga, til okkar minni spámanna í kaupmennskunni sem hokruðum á hornum samfélagsins og endaði með að við fórum á hausinn og höfum ekki borið barr okkar síðan.
Samkeppnisyfirvöld höfðu aldrei döngun í sér til að setja þeim stólinn fyrir dyrnar. Haft er fyrir satt að feðgarnir hafi mútað þeim á ýmsan hátt svo sem með Floridaferðum og fögrum konum eins og þeir eru þekktir fyrir fyrir utan beinar greiðslur.
Hvað um það.
Ég hefði kannski ekki tekið jafn einarða afstöðu með GÞÞ hefði ég vitað að hann væri á spenanum hjá Baugsfeðgum sem ég hugsa enn þegjandi þörfina.
Hver upplýsir málið?