DV fer ekki alveg rétt með (öllum á óvart)

DV sýnir mér það heiður í Sandkorni að geta þess að ég hafi skrifað í athugasemd goðsagnarinnar Egils Helgasonar og hlotið bágt fyrir sjá:

"HRAUNAÐI YFIR EGIL OG VAR KASTAÐ ÚT

Fimmtudagur 24. desember 2009 kl 08:06

Höfundur: [e-mail]

Sú hugmynd Egils Helgasonar, sjónvarpsmanns og bloggara, að loka fyrir athugasemdir á bloggi sínu hefur kallað fram mótmæli. Meðal þeirra sem andæfa er Jenný Anna Baldursdóttir, stjörnubloggari á Eyjunni, sem biður hann lengstra orða að loka ekki.

Aðrir munu sáttari við lokun, þeirra á meðal er Heimir nokkur Fjeldsted sem hraunaði yfir Egil í athugasemd við færsluna og var umsvifalaust kastað út."

Ekki fer hið virta blað alveg rétt með því ég spurði goðsögnina allra innvirðulegast hversvegna honum væri í nöp við okkur Sjálfstæðismenn.

DV hefur fengið rangar fréttir af atburðinum sem mér er ljúft og skylt að leiðrétta.