Ostur er nagdýra veislukostur sem og okkar.

Þegar ég var við nám í ostafræðum í Danmörku á sínum tíma, þótti nokkuð öruggt að fara að ráðum mýsna þegar ostar voru valdir á sýningar.
Mýsnar komust gjarnan á lagerana og þær litu ekki við ostum þar sem gerjun hafði misheppnast í eða var ekki samkvæmt bókunum. Því var það að "kongen af Karise" sem var gælunafn samlagsstjórans míns og læriföður hr. Christensen valdi ostana af gaumgæfni sem voru úr sömu lögun og mýsnar höfðu gætt sér á. Þær voru svo kurteisar að þegar þær voru búnar að finna bestu ostana, létu þær sér nægja að eta aðeins af einum osti og þá allar saman.
Lyktarskyn þeirra er gott og öruggt skynmat þeirra tók okkar fram.

Danskar rottur í jólaveislu

Athugasemdir

[Jórunn Sigurbergsdóttir , 5.1.2007 kl. 20:27]

Þetta var fróðlegt. Ætlaði að segja eins og Guðmundur ostur er veislukostur.