Heykjast þau á stóru orðunum?

Svei mér þá ef það væri ekki eftir öllu öðru, að ríkisstjórnin leyfi bankanum að afskrifa herkostnað auðjöfranna við að koma sér fyrir á kostnað annarra. Þeir hafa stundað skattsvik í stórum mæli svo ekki sé talað um virðisaukaskattinn. Þeir hafa brotið öll lög sem í vegi þeirra hafa staðið. Fjölmargir liggja gjaldþrota í valnum eftir aðgerðir auðjöfranna. Ætlar Samfylkingin virkilega að gefa þeim tugi milljarða króna fyrir frammistöðuna? Hvað með Vinstri græna? Heykjast þeir á öllum stóru orðunum, í öllum málum?

Tugmilljarða afskriftir?

Athugasemdir

[Guðmundur Pétursson, 2.11.2009 kl. 15:13]

Samspillingin ætlar að gera alllt sem í þerirra valdi stendur til þess að Ísland standi undir nafnbótinni "bananalýðveldi" það nýjast er lagafrumvarp félagsmálaráðherra um greiðsluaðlögun sem á að undirbúa jarðveginn fyirr spillingargjörninga framtíðarinnar en þeir verða margir og sóðalegir.  Spilliing íslenskra stjórnmálamanna er með ólíkindum, þeir eru algjörlega gegnsýrðir og svífast einskis í þeim efnum.

[Heimir Lárusson Fjeldsted, 2.11.2009 kl. 16:06]

Núna grasserar spillingin sem aldrei fyrr með fulltingi Vg. og Samfylkingarinnar.

[Kristbjörn Árnason, 2.11.2009 kl. 22:16]

Komum í veg fyrir að Kaupþing gefi Jóns Ásgeiri eftir, tugi milljarða skuldir

• Látum hann ekki komast upp með þessa nýjustu brellu sína við að varpa skuldum sínum yfir á almenning í landinu. Enn eina ferðina.  Við erum búin að fá nóg af þessum víkingum

• Nú er tækifæri fyrir almenning að sameinast um það  að koma í veg fyrir, að Jón Ásgeir og hans lið fái niðurfelldar milljarða skuldir og fái þannig haldið þessari verslunarkeðju. Þarna er tækifæri bloggara á öllum bloggmiðlum að mótmæla.

• http://www.mbl.is/mm/frettir/sjonvarp/index.html?media_id=37105

• Að skrifa gegn þessum gjörningi rétt eins og þegar við komum í veg fyrir að Björgólfur og hans lið fékk niðurfelldar skuldir við bankann. Sem þó voru langtum minni en þessi skuld.

• Það á að gera kröfur um að þetta fyrirtæki greiði þessa skuld að fullu strax , ef ekki   þá verði gengið að fyrirtækinu og það sett í gjaldþrot.

• Tækifærið notað til að skipta upp þessari verslunarkeðju sem hefur einokað hér smásölu markaðinn  í átatugi og ráðið hér verðlagi. Verslanirnar verði síðan seldar hæstbjóðendum.  Um annað verður ekki sátt. Keðja sem hefur í raun arðrænt íslenska neytendur.

• Reynslan í vetur segir okkur, að það er ekkert vandamál að gera áhlaup á bankann með því einu að millifæra milli banka. Kaupþing banki gafst  upp í vetur sem leið og hann gera það aftur nú.

• http://www.mbl.is/mm/frettir/sjonvarp/index.html?media_id=37104

[Sigurður Haraldsson, 2.11.2009 kl. 23:48]

Rétt Kristbjörn nú er nóg komið við verðum að rústa bankakerfinu endanlega ef ekki verður skipt um gír og réttlætið látið vera í fyrirrúmi.