Jóhanna vissirðu hvað þú varst að gera?

Hvarf McDonalds af markaði hér á landi  vekur verðskuldaða athygli. Má með sanni segja að gengi Davíðs Oddssonar hafi fylgt hamborgaragenginu í gegnum árin. Skafti Harðarson rekur í bloggi gengi íslensku krónunnar síðan sól Davíðs hneig til viðar fyrir tilstuðlan Jóhönnu Sigurðardóttur í febrúar s.l. Gengi krónunnar  hefur hrunið m.a. með þeim afleiðingum að MacDonalds á Íslandi beið ekkert annað en gjaldþrot.

Skafti Harðarson segir: 

 „Staðreyndin er hins vegar sú að gengisvísitalan hefur fallið um ein 26% frá því að Eiríkur og Davíð yfirgáfu bankann í febrúar sl. Þá var sölugengi Evrunnar ríflega 143 krónur, en er nú 184 krónur."

Jóhanna hefur varla séð þessar afleiðingar fyrir; bullandi gengishrun og fall McDonalds. 

 

Frétt af hvarfi McDonalds frá landinu vekur athygli

Athugasemdir

[Offari, 26.10.2009 kl. 20:15]

Og pældu í ímynd íslands ef ekki fæst þar Mcdonalds.  Erum við komin á botnin eða mun kókið hverfa líka?

[Axel Jóhann Hallgrímsson, 26.10.2009 kl. 20:23]

Er ekki rétt að Davíð verði fenginn til að éta síðasta McDonalds hnappinn og loka hringnum. Þá gæti grafskriftin verið - Þeir komu saman og fóru saman.

Aumt ef ímynd landsins hefur byggst á aumu innfluttu ruslfæði.

[Heimir Lárusson Fjeldsted, 26.10.2009 kl. 20:40]

Nú er botninum náð. Davíð kominn á Moggann og McDonalds búinn að vera.

Davíð líkur svo Hamborgaratímabilinu með big Mac.