Nú þarf almenningur að bregðast við til hjálpar manni með snoturt hjartalag

Það eru yfirmáta leiðinleg og í raun hörmuleg tíðindin af gengi Pálma Haraldssonar eiganda Fons og ótal annarra fyrirtækja. Hvert fyrirtækið af öðru tekur niðri og kemst ekki aftur á flot.Það hlýtur að vera sárt fyrir mann sem af elju, dugnaði og síðast en ekki síst heiðarleika í hvívetna að sjá á eftir lífsstarfi sínu fara á þennan hátt.

Pálmi Haraldsson er maðurinn sem ekkert hefur aumt mátt sjá á viðskiptaferli sínum án þess að reyna af fremsta megni að rétta hlut þeirra sem hafa átt í vök að verjast.

Það er von mín að alþýða manna sameinist um að hjálpa þessum vini minni máttar og aðstoða hann við að ná yfirburða stöðu í íslensku viðskiptalífi á ný ásamt með ástkærum Jóni Ásgeiri Jóhannessyni.

Fons í gjaldþrot

Athugasemdir

[Baldur Hermannsson, 1.5.2009 kl. 09:43]

Thank you! Thank you! Thank you! Ég las þennan pistil með sívaxandi ugg í hjarta. Hvað hefur eiginlega gerst? Svo las ég síðustu klausuna og létti mikið. Thank you!

[Heimir Lárusson Fjeldsted, 1.5.2009 kl. 10:55]

Hér er: "...mannlíf allt í blóma." segir Gylfi Arnbjörnsson forseti ASÍ og: " Lífskjör eru hér betri en víðast hvar á byggðu bóli, atvinnuleysi sáralítið".

Þökk sé Pálma Haraldssyni og Jóni Ásgeir að ógleymdum föður hans Jóhannesi.

[Baldur Hermannsson, 1.5.2009 kl. 10:58]

Er þetta kannski dagur öfugmælanna?

Vel á minnst, Pálmi - var hann ekki potturinn og pannan í grænmetissamsærinu? Það samsæri var ekkert annað en grímulaus hernaður gegn almenningi. Svoleiðis fólk á að meðhöndla sem þjóðaróvini.